Zozue 22:31 - Bibeli do fee

³¹ Ŋɔi Fineɛzi í sɔ̃ ŋa í ni, nsɛi bɛbɛi à mà iyi Aɔ̃ Lafɛ̃ɛ í wɛɛ do awa, domi i kù ce dulum kãma si wajuɛ ŋa bɛi à waa tamaau. Si bɛɛbɛ inɛi Izirɛli kãma kaa yɛ ijuukpãi Aɔ̃ Lafɛ̃ɛ na iri nŋɛ má.

Zozue 22:31 Iomraidhean Croise

Bomma 2, 15:2

Nɔ Azaria í bɔ wajui Aza nɔ í sɔ̃ɔ í ni, i sotĩ i gbɔ idem ŋa, awɔ Aza do inɛi Zudaa ŋa do inɛi Bɛnzamɛɛ ŋa fei. Aɔ̃ Lafɛ̃ɛ á wɛɛ do iŋɛ bii ì wɛɛ do nŋu ŋa. Bii ì waa dɛdɛɛ ŋa aa yɔɔ ŋa. Amma bii ì kɔ̀siɛ ŋa á kɔ̀si ŋɛ.

Ɛsidarasi 7:5

Buki mɔ amai Abisuai, Abisua mɔ amai Fineɛzii, Fineɛzi mɔ amai Eleazaai, Eleazaa mɔ amai Arɔ̃ɔ woo wee nlaui.

Iri ku kɔ̃ 68:17

Awɔ iri kuta iyi ì nɛ afe nkpɔ nkpɔ iyi í gboka, na mii í jɔ̀ ì waa ce igu do iri kuta bii Ilaaɔ̃ í bi nŋu ku wau. Ntɔ ntɔ, bɛi Aɔ̃ Lafɛ̃ɛ í ce bi kuwaɛ hee do ajɔ fei.

Kufita 25:8

Mii ŋau bɛi ǹ bi a so a ceem do ilei acɔ gɔ ku ba n wa anini nŋa.

Ezai 12:6

I dɔ̃ anu do inɔ didɔ̃ iŋɛ inɛi Siɔ̃ɔ ŋa, domi Aɔ̃ Lafɛ̃ɛ í wa anini nŋɛ nɔ í la ntɔ ntɔ. Nŋui í jɛ Inɛ Kumái Izirɛliu.

Zakari 8:23

Waati bɛɛbɛ, hai si dimi fei inɛ ŋa iyi aa maa fɔ ide do fee ikã ikã, inɛ mɛɛwa á maa mu itĩi ibɔi Zuifu a maa ni, aa ka tooɛ domi à gbɔ iyi Ilaaɔ̃ í wɛɛ do iŋɛ.

Matie 1:23

iyi í ni, mudɛ̃ɛ gɔ iyi kù mà mɔkɔ á na ku nɛ asĩ. Á bí ama inɛmɔkɔ, nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.

Kɔrɛnti 1, 14:25

Nɔ lasabuɛ á fita gbugbã, nɔ ku gulɛ ku tɔɔ Ilaaɔ̃ ku ni, ntɔi, Ilaaɔ̃ í wa si anini nŋɛ.

Zozue 22:30

Waati iyi Fineɛzi woo weeu do inɛ ngbo ŋa aŋa ilu kpasɛ̃i inɛi Izirɛli ŋau à gbɔ ide iyi tɔkui Rubɛ̃ɛ ŋa do tɔkui Gadi ŋau do dimi bubui Manasee ŋau à fɔ, ŋɔi ideu í ye ŋa.

Zozue 22:32

Si anyiɛ nɔ Fineɛzi do inɛ ngbo ŋau à sinda wa hai bi dimii Rubɛ̃ɛ ŋa do hai bi dimii Gadi ŋa hai ilɛi Galaadi à baa ilɛi Kanaã bi inɛi Izirɛli ŋau, nɔ à sisi nŋa bɛi ideu í nɛ fei.

Zozue 3:10

Kpakoi akabuui Ilaaɔ̃ Lafɛ̃ɛi ilɛu fei wee á cua nŋɛ ku kua idoi Zuudɛ̃ɛu. Nŋu bɛi á jɔ̀ i mà kãm kãm ŋa iyi Ilaaɔ̃, nŋu iyi í jɛ icui kuwɛɛ, í wa anini nŋɛ, nɔ á lele inɛi Kanaã ŋa hai si waju nŋɛ, do inɛi Hɛti ŋa do inɛi Hɛvi ŋa do inɛi Ferɛzi ŋa do inɛi Girigasi ŋa do inɛi Amɔre ŋa do inɛi Zebusi ŋa.