Zozue 22:27 - Bibeli do fee

²⁷ Amma à bi ku jɛ sɛɛda si gãmɛi awaɛ ŋa do si gãmɛi tɔku nwa ŋa do tɔku nŋɛ ŋa, iyi awa mɔ à bi ka cea Aɔ̃ Lafɛ̃ɛ icɛ do dimii kuwee ikã ikã fei. Si yaase bɛɛbɛu bɛ tɔku nŋɛ ŋa a kaa ba a sɔ̃ tɔku nwa ŋa a ni a kù nɛ ikpɛ̃ kãma bi Aɔ̃ Lafɛ̃ɛ.

Zozue 22:27 Iomraidhean Croise

Kusintii Andunya 31:52

aŋai à jɛ sɛɛda si gãmɛ nwa iyi n kaa n kua n naa bi tɛɛ n na n ceɛ laalɔ má. Bɛɛbɛ mɔi awɔ mɔ i kù nɛ kpãai i kua i naa bi tom i na i ceem laalɔ má.

Iri ku kɔ̃ 16:5

Aɔ̃ Lafɛ̃ɛ, awɔi ì jɛ ikpɛ̃m iyi ǹ nɛ n ba. Awɔi ì waa mu kuwɛɛm.

Ezai 19:19

Waati bɛɛbɛ, aa cea Aɔ̃ Lafɛ̃ɛ bi kuweei si aninii ilɛi Ezibiti, nɔ aa gũaa kuta gɔi kɔkɔi kɔɔi ilɛu.

Wooda ku kɔsi 12:11

Aɔ̃ Lafɛ̃ɛ nŋɛ á cica inya bii iriɛ á wai, nɔ tengi bɛi aa ya koo i ceaa kuwee iyi ǹ sɔ̃ ŋɛ ŋau fei ŋa. Kuwee ŋa iyi à ya jo si ina fei sãa sãau, do kuwee mmuɛ ŋa, do akã si mɛɛwa fei, do amuai mii sinte ŋau do amua ŋa iyi ì dasi idɔ i ce ŋa do iyi aa ce i kɔ̃ò kuwã ŋa iyi ì ceaa ŋau fei ŋa.

Zozue 22:10

Ŋɔi waati iyi à waa nɛu, à to itĩi idoi Zuudɛ̃ɛu, nɔ à ma bi kuwee gɔ bɛ. Bi kuweeu í la hee í caa. Waati bɛɛbɛ fei a kù fita hai si ilɛi Kanaãu titã.

Zozue 22:26

Na ŋɔi í jɔ̀ à lasabu a ma bi kuweeu bɛ, kù jɛ à waa bi ka maa ce si kuwee ŋa.

Zozue 22:28

Na ŋɔi í jɔ̀ à ni, bii í na í kpɛ nɔ à waa bi a ni nwa bɛɛbɛ walakɔ bii à waa bi a nia tɔku nwa ŋa bɛɛbɛ, aa yɔkɔ a sɔ̃ ŋa a ni, i cɔ, bala nwa ŋai à ce bi kuweeu ihɛ̃ í jɛ dimi akã do ti Aɔ̃ Lafɛ̃ɛu. Baa bii í jɛ a kù maa na ku ba ka maa ce si kuwee gɔ, nŋu de í jɛ sɛɛda si gãmɛi awaɛ ŋa.

Zozue 22:34

Ŋɔi tɔkui Rubɛ̃ɛ ŋau do tɔkui Gadi ŋau à sɔ bi kuwee iyi à mau Sɛɛda, domi à ni, nŋui í jɛ sɛɛda si gãmɛi awaɛ iyi Aɔ̃ Lafɛ̃ɛi í jɛ Ilaaɔ̃.

Zozue 24:27

Nɔ Zozue í sɔ̃ zamaau fei má í ni, i cɔ ŋa, kutau ihɛ̃i á jɛ sɛɛda nwa domi kutau takaɛ í gbɔ ide iyi awaɛ ŋa do Aɔ̃ Lafɛ̃ɛ fei à fɔ à waa sindoa njɛ. Nŋui á jɛ sɛɛda nŋɛ ku ba i maà kɔ̀si Aɔ̃ Lafɛ̃ɛ nŋɛ.

Samuɛli 1, 7:12

Ŋɔi Samuɛli í so kuta gɔ í jilɔɔ aninii Misipa do Seni nɔ í sɔɔ Ebenezɛɛ, waatɔ kutai sobi, nɔ í ni, hee ku naa tengi ihɛ̃, Aɔ̃ Lafɛ̃ɛ í sobi wa.