Zozue 22:25 - Bibeli do fee

²⁵ Aɔ̃ Lafɛ̃ɛ takaɛi í jɔ̀ idoi Zuudɛ̃ɛ í jɛ kɔɔi awaɛ ŋa, iŋɛ tɔkui Rubɛ̃ɛ ŋa do iŋɛ tɔkui Gadi ŋa. Na nŋu, i kù nɛ ikpɛ̃ kãma ŋa bi Aɔ̃ Lafɛ̃ɛ. Nɔ tɔku nŋɛ ŋa aa na a jɔ̀ tɔku nwa ŋa a leekĩ a kaa na a maa jirima Aɔ̃ Lafɛ̃ɛ má.

Zozue 22:25 Iomraidhean Croise

Samuɛli 2, 20:1

Dimii Bɛnzamɛɛ gɔ í wa bɛ à ya kpoo Seba amai Bikiri nɔ í jɛ inɛ laalɔ. Ŋɔi í fã kuu í ni, a kù nɛ baa kãma si Davidi má, a kaa ka jɛ tubui nkãma do amai Izaiu má. Iŋɛ inɛi Izirɛli ŋa, inɛ fei koo bɔ ideɛ.

Ilaalu 1, 12:16

Iyi inɛi Izirɛli ŋa à yɛ iyi ilaaluu kù waa gbɔa aŋa, ŋɔi zamaau fei í koo í sɔ̃ ilaaluu í ni, baa yoomai à nɛ do Davidi. A kù nɛ ikpɛ̃ kãma do amai Izai. Iŋɛ inɛi Izirɛli ŋa, ka nɛ ide nwa. Nɔ bɛbɛi awɔ amai Davidi, wũa idei bommaɛ. Iyi à fɔ bɛɛbɛ à tã, ŋɔi inɛi Izirɛli ŋau fei à nɛ ide nŋa.

Ilaalu 1, 14:16

Á to nŋa anyi na dulum dii Zeroboamu do iyi í jɔ̀ inɛi Izirɛli ŋa mɔ à ce.

Ilaalu 1, 15:30

na irii dulum iyi Zeroboamu í ce do iyi í jɔ̀ inɛi Izirɛli ŋa à ce à dedeò idɔɔkɔ̃i Aɔ̃ Lafɛ̃ɛ nŋa.

Neemi 2:20

Ŋɔi ǹ jɛ nŋa ǹ ni, Ilaaɔ̃ nŋu iyi í wa lele á jɔ̀ ka kpa irii icɛu. Awa iyi à jɛ woo ce icɛɛ ŋau aa ka dede nɔ ka maa. Amma iŋɛ, i kù nɛ baa kãma si ilui Zeruzalɛmu ŋa, i kù nɔ i kù nɛ kpãai inɛ ngbo gɔ ku jɛ si iluu ŋa. Inɛ kãma kaa nɔ kú ye gigi nŋɛ si ilui Zeruzalɛmuu.

Iri ku kɔ̃ 16:5

Aɔ̃ Lafɛ̃ɛ, awɔi ì jɛ ikpɛ̃m iyi ǹ nɛ n ba. Awɔi ì waa mu kuwɛɛm.

Woo bɛ ŋa 8:21

I kù nɛ kpãai ngɔgɔ ihɛ̃ domi idɔɛ kù jɛ dee dee si wajui Ilaaɔ̃.

Zozue 22:24

Lasabui awa kù jɛ do yaase bɛɛbɛ. À lasabu a ce bɛɛbɛi si na iyi í jɔ̀ à waa ce njo bii í na í kpɛ tɔku nŋɛ ŋa a maà na a sɔ̃ tɔku nwa ŋa a ni, akabuu yoomai í wa gãmɛ nŋɛ do Aɔ̃ Lafɛ̃ɛi inɛi Izirɛli ŋa.

Zozue 22:26

Na ŋɔi í jɔ̀ à lasabu a ma bi kuweeu bɛ, kù jɛ à waa bi ka maa ce si kuwee ŋa.

Zozue 22:27

Amma à bi ku jɛ sɛɛda si gãmɛi awaɛ ŋa do si gãmɛi tɔku nwa ŋa do tɔku nŋɛ ŋa, iyi awa mɔ à bi ka cea Aɔ̃ Lafɛ̃ɛ icɛ do dimii kuwee ikã ikã fei. Si yaase bɛɛbɛu bɛ tɔku nŋɛ ŋa a kaa ba a sɔ̃ tɔku nwa ŋa a ni a kù nɛ ikpɛ̃ kãma bi Aɔ̃ Lafɛ̃ɛ.

Samuɛli 1, 26:19

Bɛbɛi, sotĩ i gbɔ ide iyi ǹ wa n fɔ. Bii í jɛ Aɔ̃ Lafɛ̃ɛi wa tale siɛ ì waa ceem bɛɛbɛ jɔ̀ ka ceaa kuwee iyi á tũ idɔɛ. Amma bii í jɛ amanɛ ŋai à waa tale siɛ, Aɔ̃ Lafɛ̃ɛ ku ceekpe ŋa, domi à waa lelem nii hai si ilɛ iyi Aɔ̃ Lafɛ̃ɛ í jilɛa inɛɛ ŋa. Í yɛi bɛi à waa ni n koo n tɔɔ iwɛ̃ ŋa.