Zozue 22:24 - Bibeli do fee

²⁴ Lasabui awa kù jɛ do yaase bɛɛbɛ. À lasabu a ce bɛɛbɛi si na iyi í jɔ̀ à waa ce njo bii í na í kpɛ tɔku nŋɛ ŋa a maà na a sɔ̃ tɔku nwa ŋa a ni, akabuu yoomai í wa gãmɛ nŋɛ do Aɔ̃ Lafɛ̃ɛi inɛi Izirɛli ŋa.

Zozue 22:24 Iomraidhean Croise

Kusintii Andunya 18:19

An sɔ̃ɔi domi nŋui ǹ nya ku ba ku sɔ̃ amaɛ ŋa do tɔkuɛ ŋa a too kpãam, a maa nɛ dee dee nɔ a maa ce jiidaɛ. Bɛɛbɛi an kɔ̃ò kuwã iyi ǹ ceaau.

Kusintii Andunya 30:33

Bii í kɔ̃ɔsi naa i cɔ gaam, aa mà sãa sãa bii ǹ takiiɛ. Iwo iyi kù nɛ bati bati walakɔ angudã iyi kù jɛ dũdũ fei, aa mà iyi ǹ ce ileɛi.

Kufita 13:14

Nɔ bii ama nŋɛ ŋa à na à bee ŋɛ ajɔ akã à ni, yoomai í jɛ yaasei kuceu bɛ, aa jɛ nŋa ŋai i ni, Aɔ̃ Lafɛ̃ɛ í nya wa hai ilɛi Ezibiti do awɔ gbugbãɛ si aru ku jɛ nwa.

Wooda ku kɔsi 6:20

Bii ama nŋɛ ŋa à na à bee ŋɛ ajɔ akã à ni, yoomai í jɛ yaasei ide ŋau ihɛ̃, do wooda ŋau ihɛ̃, do ikɔ ŋau ihɛ̃ iyi Aɔ̃ Lafɛ̃ɛ nwa í na ŋɛ,

Zozue 22:23

Bii í jɛ à ma bi kuweei awa taka nwai nɔ à waa ce si kuwee ŋa iyi à ya jo si ina fei sãa sãa do kuweei amaajɛ ŋa, nɔ à waa kooò amua nwa ŋa bɛ ku ba ka sinda ka toa Aɔ̃ Lafɛ̃ɛ anyii, walakɔ bii í jɛ aa ka ce si kuweei anu akãi, Aɔ̃ Lafɛ̃ɛ takaɛ ku kpã wa iju.

Zozue 22:25

Aɔ̃ Lafɛ̃ɛ takaɛi í jɔ̀ idoi Zuudɛ̃ɛ í jɛ kɔɔi awaɛ ŋa, iŋɛ tɔkui Rubɛ̃ɛ ŋa do iŋɛ tɔkui Gadi ŋa. Na nŋu, i kù nɛ ikpɛ̃ kãma ŋa bi Aɔ̃ Lafɛ̃ɛ. Nɔ tɔku nŋɛ ŋa aa na a jɔ̀ tɔku nwa ŋa a leekĩ a kaa na a maa jirima Aɔ̃ Lafɛ̃ɛ má.

Zozue 4:6

Kuta ŋau bɛi aa jɛ nyinda si anini nŋɛ. Bii ama nŋɛ ŋa à na à waa bee ŋɛ à waa ni, mii kuta ŋau bɛ à jɛ nŋɛ,