Zozue 22:22 - Bibeli do fee

²² ntɔ ntɔ Aɔ̃ Lafɛ̃ɛ í wɛɛ, í nɔ í mà mii iyi í jɔ̀ à ce bɛɛbɛ. Nɔ inɛi Izirɛli ŋau fei aa na a mà. Bii í jɛ à waa kɔ̀ ide si wajui Aɔ̃ Lafɛ̃ɛi, bii í nɔ í jɛ taale nla nla gɔi à ce si wajui Aɔ̃ Lafɛ̃ɛ, hai nnyi ku maà jɔ̀ kuwɛɛ nwa ku bɔ waju má.

Zozue 22:22 Iomraidhean Croise

Ilaalu 1, 8:39

gbɔ kutɔɔ nŋa wa hai lelei Aɔ̃ bi kuwaɛ. Kpa idei dulum du ŋa, nɔ i cea inɛ fei bɛi daaɛ í yɛ, domi awɔ akãi ì mà idɔi amanɛ ŋa fei sãa sãa.

Zɔɔbu 10:7

Ì nɛ i mà sãa sãa iyi n kù ce taale kãma, nɔ inɛ kãma kaa yɔkɔ ku nyam hai si awɔɛ.

Zɔɔbu 23:10

Nŋu de í mà kpãa iyi ǹ wa n too sãa sãa. Nŋui wa cɔ laakaim, amma an fita si hai nɛ riisi bɛi wura iyi à yɔ do ina.

Zɔɔbu 31:22

kɔngɔm ku tu wa hai si bũum, nɔ ikpam mɔ ku cɛ hee do lelei konkon dii ikpam.

Iri ku kɔ̃ 136:2

I saabu Ilaaɔ̃ nŋu iyi í re iwɛ̃ ŋa, domi kubiɛ í ya maa wɛɛi hee do ajɔ fei.

Iri ku kɔ̃ 37:6

Á jɔ̀ dee dee ku jɛɛ ku yɛi bɛi inya kumái daakɔ. Nɔ ntɔ iyi ì nɛ ku fita gbugbãa bɛi inunui dasã.

Iri ku kɔ̃ 40:9

Aɔ̃ Lafɛ̃ɛm, woodaɛ ŋa à wai si lɛlɛi idɔm nɔ idɔɔbiɛ ku cei ǹ bi.

Iri ku kɔ̃ 44:21

Bii í jɛ à gbɛjɛ irii Aɔ̃ Lafɛ̃ɛ nwa walakɔ à koo à tɔɔ iwɛ̃ gɔi,

Iri ku kɔ̃ 44:22

Ilaaɔ̃ nŋu iyi í mà asii ŋa iyi à wa si idɔi amanɛ, kaa yɔɔi?

Iri ku kɔ̃ 50:1

Iriu ihɛ̃ ti Azafui. Ilaaɔ̃, Aɔ̃ Lafɛ̃ɛ ilu gbugbã fei í fɔ ide, í kpe inɛi andunya ŋa, hai inɛ ŋa iyi à wa nunui daakɔ hee ku koo si inɛ ŋa iyi à wa nunui alɛ fei.

Iri ku kɔ̃ 82:1

Iriu ihɛ̃ ti Azafui. Ilaaɔ̃ í wa si inɔi inɛɛ ŋa, nɔ wa kiiti si aninii inɛi lelei Aɔ̃ ŋa, í ni,

Iri ku kɔ̃ 95:3

Ntɔ ntɔ, Aɔ̃ Lafɛ̃ɛ í la, nŋui í jɛ ilaalu nla si antaii iwɛ̃ ŋa fei.

Iri ku kɔ̃ 97:7

Inɛ ŋa iyi à waa tɔɔ mii ŋa iyi à ce do awɔ nŋa do inɛ ŋa iyi à ya maa tɔɔ fufu si iwɛ̃ nŋa ŋa, si anyɔi aa koo a wa. Iwɛ̃ ŋau aa sɛɛbatai si wajui Aɔ̃ Lafɛ̃ɛ.

Kufita 18:11

Nsɛi ǹ mà iyi Aɔ̃ Lafɛ̃ɛ í la í re mii baa yooma fei iyi inɛ ŋa à waa tɔɔ, nɔ í nyisi gbugbãɛ waati iyi í nya inɛi Izirɛli ŋau wa hai si awɔ gbugbãi inɛi Ezibiti ŋau.

Zeremi 12:3

Nɔ amu, ì màm Aɔ̃ Lafɛ̃ɛ. Ì waa yɛm, ì wusɛ idɔm ì yɔɔ iyi í wa bi titɛɛ. Amma aŋa iyi à gbe ŋau, nya ŋa ikã bɛi angudã ŋa iyi à waa bɔò bi ku kpa mɛɛmu ŋa. Nya ŋa ikã a maa degbeò ajɔi kukpa nŋa.

Zeremi 17:10

Amu Aɔ̃ Lafɛ̃ɛ, amui ǹ ya n wusɛ idɔi amanɛ n yɛ hee lɛlɛɛ. Do yaase bɛɛbɛi ǹ ya n sãaò inɛ fei si bɛi isɛɛnɛɛ í yɛ do si bɛi kookoosuɛ ŋa í to.

Daniɛli 11:36

Mii iyi ilaaluu í bii á ce. Á so araɛ lele, á maa tɔɔ fufu si iwɛ̃ ŋau fei, nɔ á maa fɔ ide hai nɛ yaase ŋa si gãmɛi Ilaaɔ̃ nŋu iyi í jɛ irii mii fei. Mii iyi wa ce fei, á maa nɛi hee idɔɔkɔ̃i Ilaaɔ̃ koo dedeò. Waati bɛɛbɛi Ilaaɔ̃ á ce mii iyi í dasi idɔ ku ceu.

Daniɛli 2:47

Ŋɔi ilaaluu í sɔ̃ Daniɛli má í ni, ntɔ ntɔ, Aɔ̃ Lafɛ̃ɛ nŋɛ í re iwɛ̃ ŋa fei. Nŋui í jɛ Lafɛ̃ɛi ilaalu ŋa, nɔ nŋu akãi í ya jɔ̀ inɛ ku gbɔ yaasei asii ŋa, domi ì yɔkɔ ì tusɛɛm yaasei idei asiiu ihɛ̃.

Misee 7:9

Aa ka temuai si idɔɔkɔ̃i Aɔ̃ Lafɛ̃ɛu, si na iyi í jɔ̀ à ce dulum bi tɛɛ. Hee koo to ajɔ iyi á kɔ̀ò wa, ku na wa ntɔ. Nŋui á jɔ̀ ka wa si inya kumá nɔ nŋui á faaba wa na dee dee ku jɛɛ.

Malasi 3:18

Waati bɛɛbɛi aa nyi i yɛ mii iyi í nya inɛ jiida do inɛ laalɔ ikã ŋa do mii iyi í nya inɛ iyi wa jirima Ilaaɔ̃ do inɛ iyi kù waa jirimaɛ ikã má ŋa.

Laabaau jiida iyi Zãa í kɔ 21:17

Nɔ í sisi í beeɛ má isɛ gbɛɛtasia í ni, Simɔɔ amai Zãa, ì bim? Nɔ inɔi Piɛɛ í fɔ do si bɛi í beeɛ isɛ gbɛɛtasia í ni, ì bim? Ŋɔi Piɛɛ í jɛaa í ni, Lafɛ̃ɛ, ì mà fei ndɛɛ, ì mà kãm kãm iyi ǹ biɛ. Nɔ Jesu í sɔ̃ɔ í ni, to, gbã angudãm ŋa.

Woo bɛ ŋa 1:24

Ŋɔi à ce kutɔɔ à ni, Lafɛ̃ɛ, awɔ iyi ì mà idɔi inɛ fei, nyisi wa inɛ iyi ì cica. Si inɔi mɔcɔ minjiɛ ŋau ihɛ̃

Woo bɛ ŋa 25:11

Bii ǹ ce kurara walakɔ daa gɔ iyi í to a kpam n kaa n kɔ̀. Amma ide ŋa iyi à waa yɛ taalem siu ihɛ̃, bii kù jɛ ntɔ inɛ gɔ kaa yɔkɔ ku dasim awɔ. Na nŋu, ǹ so kiitim ǹ daa ilaalu nlau takaɛ si awɔ.

Kɔrɛnti 2, 11:11

Na mii í jɔ̀ ǹ ce bɛɛbɛ. Ì waa tamaa n kù bi ŋɛi? Ilaaɔ̃ í mà sãa sãa iyi ǹ bi ŋɛ.

Kɔrɛnti 2, 11:31

Ka saabu Ilaaɔ̃ baai Lafɛ̃ɛ nwa Jesu do ajɔ fei. Nŋui í mà iyi n kù wa n sɔ ibo.

Kɔrɛnti 2, 5:11

Ilaaɔ̃ í mà wa sãa sãa, nɔ bɛɛbɛ mɔi ǹ tamaa iŋɛ taka nŋɛ ì mà wa ŋa. À waa dɛ ka kãmia inɛ ŋai si na iyi í jɔ̀ à mà bɛɛrɛi Lafɛ̃ɛ.

Wooda ku kɔsi 10:17

domi ntɔ ntɔ, nŋui í jɛ Aɔ̃ Lafɛ̃ɛ iyi í nɛ gbugbã í re iwɛ̃ ŋa fei, nɔ nŋui í jɛ Lafɛ̃ɛi lafɛ̃ɛ ŋa, nŋui í la, í nɛ gbugbã nɔ nŋui inɛ ŋa à nɛ a ce njoɛ. Bi tɛɛ, inɛ gɔ kù re inɛ gɔ, nɔ ci ya gba amua iyi kù jɛ dee dee.

Timɔtee 1, 6:16

Nŋu akãi í jɛ inɛ iyi ci ya ku. Nɔ í wa si inya kumá iyi inɛ gɔ kaa yɔkɔ ku maai si. Inɛ gɔ kù yɔɔ, nɔ inɛ gɔ kaa yɔkɔ ku yɔɔ mɔm. Nŋui í nɛ bɛɛrɛ do gbugbã iyi ci ya tã. Ami.

Ebɛɛ 4:13

Nkãma kù wɛɛ iyi wa manjia Ilaaɔ̃ woo taka. Fei ndɛɛ í cĩ wa jilɛi si wajuɛ. Nɔ nŋui awa fei aa ka tusɛa kuwɛɛ nwa.

Zozue 22:21

Iyi dimii Rubɛ̃ɛ ŋau do dimii Gadi ŋau do dimi bubui Manasee ŋau à gbɔ bɛɛbɛ, ŋɔi à jɛa inɛ ngbo ŋau à ni,

Kuyɛi Zãa 19:16

Si ibɔɛ do si itãɛ à kɔ iriɛ à ni, Ilaalui ilaalu ŋa do Lafɛ̃ɛi lafɛ̃ɛ ŋa.

Kuyɛi Zãa 2:23

Si anyiɛ an kpa inɛi anyiɛ ŋa. Waati bɛɛbɛ igbɛi inɛi Jesu ŋa fei aa mà iyi ǹ mà idɔi inɛ ŋa do lasabu nŋa. An sãa inɛ fei si bɛi kookoosuɛ í to.

Samuɛli 1, 15:23

Ntɔ ntɔ, kugaabui Aɔ̃ Lafɛ̃ɛ ku kɔ̀si í yɛi bɛi alisi ku ce, nɔ kugaabui woodaɛ ku donda mɔ í yɛi bɛi iwɛ̃ ku tɔɔ. Si na iyi í jɔ̀ ì kɔ̀si idei Aɔ̃ Lafɛ̃ɛ, nŋu mɔ á kɔ̀siɛ nɔ ku nyaɛ bomma.

Samuɛli 1, 2:3

Inɛ ŋa a maà fɔ ide do faau má. Idei fufu ku tɔɔ ku maà fita hai si gɛlɛ nŋa, domi awɔ Aɔ̃ Lafɛ̃ɛ ì jɛ Ilaaɔ̃ iyi í mà mii fei, awɔi aa kiiti kucei amanɛ ŋa fei.