Zozue 22:18 - Bibeli do fee

¹⁸ Nsɛi wee iŋɛ mɔ ì sinda ì waa toa Aɔ̃ Lafɛ̃ɛ anyi má ŋa. Bii ì waa kɔ̀ ide si wajuɛ nnyi ŋa, ala si inɛi Izirɛli ŋa feii idɔɔkɔ̃ɛ á naa.

Zozue 22:18 Iomraidhean Croise

Samuɛli 2, 24:1

Ajɔ nŋu gɔ idɔi Aɔ̃ Lafɛ̃ɛ í nyi í kɔ̃ si inɛi Izirɛli ŋau má, nɔ í tale si Davidi í jɔ̀ í ce mii iyi á naa nŋa ijuukpã wa í ni, koo ka kukpɔi inɛi Izirɛli do Zudaa ŋau [iyi à to igũ ku ce].

Ilaalu 1, 9:6

Amma bii awɔ do zamaaɛ do tɔku nŋɛ ŋa ì sinda hai bi tom ŋa, nɔ i kù waa jirima woodam ŋa do ide ŋa iyi ǹ jilɛ nŋɛ, nɔ ì na ì koo ì waa tɔɔ iwɛ̃ ŋa ì waa sɛɛbata si waju nŋa ŋa,

Ilaalu 2, 17:21

Waati iyi Aɔ̃ Lafɛ̃ɛ í jɔ̀ inɛi Izirɛli ŋau à ga ara nŋa hai si kpasɛ̃i Davidi, Zeroboamu amai Nebatiui à so í jɛ ilaalu. Zeroboamuui í sinda ŋa hai bi Aɔ̃ Lafɛ̃ɛ, nɔ í jɔ̀ à dasi dulum nla nla ku ce.

Bomma 1, 21:1

Seetam í dedeò laalɔ ku cea inɛi Izirɛli ŋa, nɔ í tale si Davidi ku ka inɛi Izirɛli ŋau.

Bomma 1, 21:14

Ŋɔi Aɔ̃ Lafɛ̃ɛ í jɔ̀ patapoo í naa si ilɛi Izirɛliu. Nɔ amanɛ dubu kitaò fɛɛwa (70.000) í ku si zamaau.

Bomma 2, 25:27

Hai waati iyi Amasia í fũsi Aɔ̃ Lafɛ̃ɛ awɔ gbakã ŋɔi à dĩaa anu tɔɔsi ku ba a kpaa Zeruzalɛmu bɛ. Amma í sa í bɔ Lakisi, nɔ à tooɛ nɔ à koo à kpaa bɛ.

Bomma 2, 34:33

Ŋɔi Zoziasi í nya iwɛ̃ ku tɔɔ hai si ilɛ bii inɛi Izirɛli ŋa à wau fei. Nɔ í tilasi inɛi Izirɛli ŋau fei a maa tɔɔ Aɔ̃ Lafɛ̃ɛ nŋa. Nɔ si kuwɛɛɛ fei a kù yaa hai si kpãai Aɔ̃ Lafɛ̃ɛi bala nŋa ŋa má.

Kuwee 10:6

Si anyiɛ nɔ Moizi í sɔ̃ Arɔ̃ɔ do ama inɛmɔkɔ minjiɛ ŋa iyi à ya kpe Eleazaa do Itamaa í ni, i maà wa iri nŋɛ ŋa, nɔ i maà ga ibɔ nŋɛ ŋa ku ba iŋɛ mɔ i maà na i ku ŋa, nɔ idɔɔkɔ̃i Aɔ̃ Lafɛ̃ɛ ku maà na ku dede si zamaau fei. I jɔ̀ inɛi Izirɛli kpaasi nŋɛ ŋau a kpata na ina iyi Aɔ̃ Lafɛ̃ɛ í jɔ̀ í dede í kpa ŋau bɛ.

Kuka 16:22

Ŋɔi Moizi do Arɔ̃ɔ à sɛɛbata hee ilɛ à waa ni, Ilaaɔ̃ awɔ iyi í jɔ̀ ilu hunde fei í wɛɛ, ŋɔi na dulum dii inɛ akã aa ce idɔɔkɔ̃ si zamaau ihɛ̃ fei?

Kuka 32:15

Iŋɛ inɛi Rubɛ̃ɛ ŋa do inɛi Gadi ŋa bii ì sinda i tooa Aɔ̃ Lafɛ̃ɛ anyi ŋa, á nyi ku kɔ̃ɔsi kukpɔi ajɔi inɛi Izirɛli ŋau si gbaau má, nɔ iŋɛi aa naa inɛi Izirɛli ŋau nfe ku ce wa.

Wooda ku kɔsi 7:4

Bii kù jɛ bɛɛbɛ, inɛ njoo ŋau bɛ aa na a jɔ̀ ama nŋɛ ŋau a sinda a toa Aɔ̃ Lafɛ̃ɛ anyi a koo a maa tɔɔ iwɛ̃ ŋa, nɔ idɔɔkɔ̃ɛ á na ku dede si ŋɛ, nɔ á kpa ŋɛ kaa kpɛ mɔm.

Zozue 22:15

Ŋɔi inɛ ŋau à dede à bɔ ilɛi Galaadi bi dimii Rubɛ̃ɛ ŋa do dimii Gadi ŋa do dimi bubui Manasee ŋa iyi à wa ikpa nunui daakɔu, nɔ à sɔ̃ ŋa à ni,

Zozue 22:16

do irii zamaai Aɔ̃ Lafɛ̃ɛ iyi à gbeu feii à waa beeò ŋɛ ideu ihɛ̃. Na mii í jɔ̀ ì ce kurara nla nla bɛ ihɛ̃ si wajui Aɔ̃ Lafɛ̃ɛ nwa ŋa. Na mii í ce ì sinda ì toaa anyi ì naa ì ma bi kuwee nŋɛ ŋa, ì waa bi i kɔ̀ ide si wajuɛ ŋa.

Zozue 22:20

Waati iyi Akãa tɔkui Zera í ce kurara nla nla í so amani ŋa iyi à ganji ŋa a sou, idɔɔkɔ̃i Aɔ̃ Lafɛ̃ɛ í naai si inɛi Izirɛli ŋa fei, iŋɛ fei ì nɔ ì mà sãa sãa ŋa. Kù nɔ kù jɛ Akãa nŋu akãi í ku na kuraraɛ iyi í ceu.

Zozue 7:1

Inɛi Izirɛli ŋau à ce kurara nla nla si mii ŋa iyi Aɔ̃ Lafɛ̃ɛ í ni a maà ti a so. Akãai í so mii ŋa iyi Aɔ̃ Lafɛ̃ɛ í ni a maà sou, ŋɔi idɔɔkɔ̃i Aɔ̃ Lafɛ̃ɛ í dede si inɛi Izirɛli ŋa. Akãau si dimii Zudaai à búu, amai Kaamii wa jɛ, Kaamiu mɔ amai Zabudii, Zabudi mɔ amai Zerai.

Zozue 7:11

Inɛi Izirɛli ŋau à ce dulum nii, a kù jirima akabuu iyi awaò ŋa à dĩ. À so mii ŋa iyi ǹ ganji ŋa ǹ ni a maà na a so. Mii ŋa iyi à sou, mii ndom ŋai, à ce ilei mii ŋau nɔ à singaɛ si aso nŋa ŋa.

Zozue 7:21

Si inɔi mii ŋa iyi à ba si igũu ǹ yɛ ibɔ kumboo kusĩa gɔ iyi à ce ilɛi Sinaa, do isɔ fũfũ kpɛkɛlɛ cĩɔ minji, do wura iyi kuwoɛ í to bubui kiloo, ŋɔi binɛm í lɔ si ŋa nɔ ǹ so ŋa. Fei ndɛɛ wa singa inɔ isa si aninii inɔ ilei acɔm bɛ nɔ isɔ fũfũu í wa lɛlɛ nŋa.

Samuɛli 1, 12:14

Bii ì mà bɛɛrɛi Aɔ̃ Lafɛ̃ɛ ŋa nɔ ì waa tɔɔɛ ŋa nɔ ì waa gbɔ ideɛ ŋa nɔ i kù waa kɔ̀si woodaɛ ŋa, nɔ bii ì waa too Aɔ̃ Lafɛ̃ɛ nŋɛ ŋa, iŋɛ do ilaalu nŋɛ, mii fei á nɛ nŋɛi dee dee.

Samuɛli 1, 12:20

Ŋɔi Samuɛli í sɔ̃ ŋa í ni, i maà ce njo má ŋa. Ntɔi ì ce laalɔ ikã ikã fei ŋa. Do nŋu fei, i maà kɔ̀si Aɔ̃ Lafɛ̃ɛ ŋa, amma i jɔ̀ i tɔɔɛ do idɔ nŋɛ fei ŋa.