Zozue 22:16 - Bibeli do fee

¹⁶ do irii zamaai Aɔ̃ Lafɛ̃ɛ iyi à gbeu feii à waa beeò ŋɛ ideu ihɛ̃. Na mii í jɔ̀ ì ce kurara nla nla bɛ ihɛ̃ si wajui Aɔ̃ Lafɛ̃ɛ nwa ŋa. Na mii í ce ì sinda ì toaa anyi ì naa ì ma bi kuwee nŋɛ ŋa, ì waa bi i kɔ̀ ide si wajuɛ ŋa.

Zozue 22:16 Iomraidhean Croise

Ɛsidarasi 8:22

Anyɔ á mum bii ǹ ni ilaaluu ku jɔ̀ sooge ŋa do masa ŋa a si wa si isɛɛnɛ nwau na irii mbɛɛ nwa ŋa, domi à tako à sɔ̃ɔ wo à ni, Aɔ̃ Lafɛ̃ɛ nwa í ya cea inɛ ŋa iyi à waa tɔɔɛ fei jiida, amma idɔɔkɔ̃ɛ í ya dedei do gbugbã si inɛ ŋa iyi à kɔ̀siɛ.

Kuwee 17:8

Bii inɛi Izirɛli gɔ walakɔ inɛ njoo gɔ iyi í wa inɔi inɛi Izirɛli ŋa wa bi ku ce kuwee iyi à ya jo si ina fei sãa sãa walakɔ kuwee mmu gɔ,

Kuka 32:15

Iŋɛ inɛi Rubɛ̃ɛ ŋa do inɛi Gadi ŋa bii ì sinda i tooa Aɔ̃ Lafɛ̃ɛ anyi ŋa, á nyi ku kɔ̃ɔsi kukpɔi ajɔi inɛi Izirɛli ŋau si gbaau má, nɔ iŋɛi aa naa inɛi Izirɛli ŋau nfe ku ce wa.

Wooda ku kɔsi 12:11

Aɔ̃ Lafɛ̃ɛ nŋɛ á cica inya bii iriɛ á wai, nɔ tengi bɛi aa ya koo i ceaa kuwee iyi ǹ sɔ̃ ŋɛ ŋau fei ŋa. Kuwee ŋa iyi à ya jo si ina fei sãa sãau, do kuwee mmuɛ ŋa, do akã si mɛɛwa fei, do amuai mii sinte ŋau do amua ŋa iyi ì dasi idɔ i ce ŋa do iyi aa ce i kɔ̃ò kuwã ŋa iyi ì ceaa ŋau fei ŋa.

Zozue 22:11

Ŋɔi inɛ gɔ í koo í sɔ̃ inɛi Izirɛli iyi ihɔ̃ ŋau í ni, i gbɔ ŋa, dimii Rubɛ̃ɛ ŋa do dimii Gadi ŋa do dimi bubui Manasee ŋau à ma bi kuwee gɔ itĩi idoi Zuudɛ̃ɛu bɛ do ikpa cingaa nwa wa ihɛ̃ si ilɛi Kanaã.

Zozue 22:15

Ŋɔi inɛ ŋau à dede à bɔ ilɛi Galaadi bi dimii Rubɛ̃ɛ ŋa do dimii Gadi ŋa do dimi bubui Manasee ŋa iyi à wa ikpa nunui daakɔu, nɔ à sɔ̃ ŋa à ni,

Samuɛli 1, 15:11

inɔm í fɔ do iyi ǹ cica Saulu i jɛò ilaalu, domi í sinda hai bi tom nɔ kù waa jirima idem má. Ŋɔi idɔi Samuɛli í kɔ̃ nɔ í ce kutɔɔ hai idũu hee iju í koo í máu.