Zozue 22:15 - Bibeli do fee

¹⁵ Ŋɔi inɛ ŋau à dede à bɔ ilɛi Galaadi bi dimii Rubɛ̃ɛ ŋa do dimii Gadi ŋa do dimi bubui Manasee ŋa iyi à wa ikpa nunui daakɔu, nɔ à sɔ̃ ŋa à ni,

Zozue 22:15 Iomraidhean Croise

Bomma 1, 21:3

Ŋɔi Zoabu í jɛaa í ni, Aɔ̃ Lafɛ̃ɛ ku jɔ̀ zamaau ku kpɔ ikɔ ciwa. Ilaalu lafɛ̃ɛm, inɛ ŋau fei woo ce icɛɛ ŋai. To, na mii í ce ì waa bi i ce bɛɛbɛ i dasiò inɛi Izirɛli ŋau dulum ku ce.

Bomma 2, 10:19

Do yaase bɛɛbɛi inɛi Izirɛli ŋa iyi à wa do ikpa awɔ njɛi kpãai inunuu à dedeò ide ku kɔ̀ si gãmɛi inɛi kpasɛ̃i Davidi ŋa hee ku baa nnyi.

Bomma 2, 25:27

Hai waati iyi Amasia í fũsi Aɔ̃ Lafɛ̃ɛ awɔ gbakã ŋɔi à dĩaa anu tɔɔsi ku ba a kpaa Zeruzalɛmu bɛ. Amma í sa í bɔ Lakisi, nɔ à tooɛ nɔ à koo à kpaa bɛ.

Bomma 2, 26:18

Inɛmɔkɔ ilu wɔɔkɔ ŋai. A kù jɛa ilaalu Oziasi, nɔ à sɔ̃ɔ à ni, Oziasi, i kù nɛ kpãai i naa i joa Aɔ̃ Lafɛ̃ɛ tuae. Woo wee ŋa iyi à jɛ tɔkui Arɔ̃ɔ ŋaui à nɛ kpãai a coo. Aŋai à nya ikã a ya coo. Fita hai inɔ ile kumáu, domi dulum nii ì waa ce. Nɔ kaa nɛɛ bɛɛrɛ si wajui Aɔ̃ Lafɛ̃ɛ.

Bomma 2, 28:13

Nɔ à sɔ̃ ŋa à waa ni, i maà lɔò aru ŋau bɛ wa ihɛ̃ ŋa. Mà ì bi Aɔ̃ Lafɛ̃ɛ ku yɛ taale nwa ŋa nɔ i kɔ̃ɔ nwa si dulum do kurara ŋai. À nɛ taale tã, nɔ idɔi Ilaaɔ̃ í kɔ̃ si awa inɛi Izirɛli ŋa ntɔ ntɔ.

Ɛsidarasi 9:15

Awɔ Aɔ̃ Lafɛ̃ɛi awa inɛi Izirɛli ŋa, si dee dee ku jɛɛ ì jɔ̀ awa iyi à gbeu ihɛ̃ nnyi à wɛɛ si hunde. Awa wee à wɛɛ à waa leekĩ si wajuɛ do dulum nla nla, nɔ wee si laalɔ dimi bɛɛbɛ ku ce inɛ kãma kù nɛ kpãa ku wɛɛ si hunde ku maa leekĩò si wajuɛ.

Ɛsidarasi 9:2

Aŋa taka nŋa do ama nŋa ŋa à so abo ŋa si dimii inɛ ŋau, nɔ à jɔ̀ dimi kumáu í tɔtɔɔ do inɛi ilɛ ŋau ihɛ̃. Nɔ inɛi waju ŋau do inɛ ngbo ŋau aŋai à tako à lɔ si dulum nɔu.

Iri ku kɔ̃ 78:8

A kaa yɛ bɛi bala nŋa ŋa. Aŋa iyi à yika itĩ nɔ à kɔ̀ ku jirima Ilaaɔ̃, idɔ nŋa kù leekĩ suusuu, nɔ lasabu nŋa kù jɛ dee dee.

Kufita 32:8

Inɛ ŋau à yaa anu akã hai si kpãa iyi ǹ nyisi ŋau. À so wura ŋa à ceò ama kɛtɛ nɔ à cea kuwee ŋa à bɛi à gulɛ à waa tɔɔɛ, nɔ à ni aŋa inɛi Izirɛli ŋa, Ilaaɔ̃ Lafɛ̃ɛi aŋa mbɛ, nŋu iyi í nya aŋa wa hai ilɛi Ezibiti.

Ezai 63:10

Amma à jɛ woo kɔ̀ ide ŋa nɔ à fɔ inɔi hunde kumáɛ. Na ŋɔi í jɔ̀ í sinda í ce araɛ mbɛɛ nŋa nɔ nŋu takaɛ í lɔsi ku ba ŋa ja.

Kuwee 26:40

Amma inɛ ŋa iyi à gbe si hunde ŋau aa na a mà iyi aŋa do bala nŋa ŋa à ce dulum na kurara ŋa iyi à ceem, nɔ à nyi à ce ide ku kɔ̀ má si gãmɛm.

Kuwee 5:19

Nŋu bɛi í jɛ kuwee iyi á kpa idei dulum, domi ntɔ ntɔ inɛɛu í jɛ ilu dulum nii bi amu Aɔ̃ Lafɛ̃ɛ.

Kuka 14:43

Inɛi Amalɛki ŋau do inɛi Kanaã ŋau à wa waju nŋɛ fa, aa jɛ ŋɛ igũ a kpa ŋɛ. Aɔ̃ Lafɛ̃ɛ kaa wɛɛ do iŋɛ si na iyi í jɔ̀ ì sinda ì tooa anyi ŋa.

Kuka 32:15

Iŋɛ inɛi Rubɛ̃ɛ ŋa do inɛi Gadi ŋa bii ì sinda i tooa Aɔ̃ Lafɛ̃ɛ anyi ŋa, á nyi ku kɔ̃ɔsi kukpɔi ajɔi inɛi Izirɛli ŋau si gbaau má, nɔ iŋɛi aa naa inɛi Izirɛli ŋau nfe ku ce wa.

Kuka 5:6

sɔ̃ inɛi Izirɛli ŋa ide ŋau ihɛ̃. Bii inɛmɔkɔ walakɔ inaabo í cea inɛ mmu gɔ taale na mii ndɛɛ gɔ iyi í so, í ce dulum nii bi Aɔ̃ Lafɛ̃ɛ.

Matie 18:17

Bii í kɔ̀ ku gbɔ ide nŋa, sɔ̃ inɛi igbɛi woo dasi naanɛ ŋau. Bii í nɔ í kɔ̀ ku gbɔ baa idei inɛi igbɛ ŋau, i dooɛ bɛi hai dasi naanɛ walakɔ bɛi woo gba fiai lɛmpoo.

Kɔrɛnti 1, 1:10

Iŋɛ kpaasim ŋa, ǹ wa n tɔɔ ŋɛ do irii Lafɛ̃ɛ nwa Jesu Kirisi, i ce kookaai i ya maa gbɔsi njɛ ŋa ku ba njɛ ku fɛɛfɛ ku maà ya wa si anini nŋɛ. I jɔ̀ i nɛ anu akã dee dee ŋa, nɔ lasabu nŋɛ mɔ do mii iyi ì waa lele ŋa ku jɛ akã.

Kɔrɛnti 1, 5:4

Ǹ wa n sɔ̃ ŋɛi i ceaa kutɔtɔɔ nɔ lasabum á wa bi tu ŋɛ nɔ gbugbãi Lafɛ̃ɛ nwa Jesu á wɛɛ do iŋɛ. Ǹ wa n tɔɔ ŋɛ do irii Jesu,

Wooda ku kɔsi 30:17

Amma bii ì sinda i toaa anyi ŋa, nɔ i kù waa gbɔ ideɛ ŋa, bii ì jɔ̀ à fa ŋɛ à dasi ŋɛ iwɛ̃ ŋa ku tɔɔ ŋa,

Wooda ku kɔsi 7:4

Bii kù jɛ bɛɛbɛ, inɛ njoo ŋau bɛ aa na a jɔ̀ ama nŋɛ ŋau a sinda a toa Aɔ̃ Lafɛ̃ɛ anyi a koo a maa tɔɔ iwɛ̃ ŋa, nɔ idɔɔkɔ̃ɛ á na ku dede si ŋɛ, nɔ á kpa ŋɛ kaa kpɛ mɔm.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Zozue 22:12

Iyi inɛi Izirɛli ŋau à gbɔ laabaauu bɛɛbɛ, ŋɔi aŋa fei à koo à tɔtɔɔ Siloo bɛ ku ba a koo si ŋa igũ.

Zozue 22:14

nɔ inɛ ngbo mɛɛwa í suu. Inɛ ngbo mɛɛwa ŋau à cica ŋai hai si dimii Izirɛli ŋau. Si dimi akã fei inɛ akãi à nya, inɛ ŋa iyi à jɛ inɛ ngboi kpasɛ̃ ŋau.

Zozue 22:16

do irii zamaai Aɔ̃ Lafɛ̃ɛ iyi à gbeu feii à waa beeò ŋɛ ideu ihɛ̃. Na mii í jɔ̀ ì ce kurara nla nla bɛ ihɛ̃ si wajui Aɔ̃ Lafɛ̃ɛ nwa ŋa. Na mii í ce ì sinda ì toaa anyi ì naa ì ma bi kuwee nŋɛ ŋa, ì waa bi i kɔ̀ ide si wajuɛ ŋa.

Zozue 22:18

Nsɛi wee iŋɛ mɔ ì sinda ì waa toa Aɔ̃ Lafɛ̃ɛ anyi má ŋa. Bii ì waa kɔ̀ ide si wajuɛ nnyi ŋa, ala si inɛi Izirɛli ŋa feii idɔɔkɔ̃ɛ á naa.

Samuɛli 1, 15:23

Ntɔ ntɔ, kugaabui Aɔ̃ Lafɛ̃ɛ ku kɔ̀si í yɛi bɛi alisi ku ce, nɔ kugaabui woodaɛ ku donda mɔ í yɛi bɛi iwɛ̃ ku tɔɔ. Si na iyi í jɔ̀ ì kɔ̀si idei Aɔ̃ Lafɛ̃ɛ, nŋu mɔ á kɔ̀siɛ nɔ ku nyaɛ bomma.