Zozue 21:44 - Bibeli do fee

⁴⁴ Aɔ̃ Lafɛ̃ɛ í jɔ̀ à nɛ laakai ku sũ si kɔɔi ilɛ ŋau fei bɛi í tako í wãò bala nŋa ŋau. Nɔ í jɔ̀ mbɛɛ nŋa ŋau kãma ci ya yɔkɔ ku leekĩ si waju nŋa.

Zozue 21:44 Iomraidhean Croise

Bomma 2, 13:16

Inɛi Izirɛli ŋau à sa nɔ Ilaaɔ̃ í so ŋa í daa inɛi Zudaa ŋa si awɔ.

Kufita 23:31

Ilɛ nŋɛ á sintii hai Tenkui Njeeu hee ku bɔ Tenkui inɛi Filisi ŋa do hai gbaai Sinai nɔ ku bɔ hee idoi Efaratau. An da nŋɛ inɛi ilɛ ŋau bɛ si awɔ ku ba i lele ŋa ŋa.

Kufita 33:14

Ŋɔi Aɔ̃ Lafɛ̃ɛ í jɛa Moizi í ni, amu takam nii an siɛ. Maà jɔ̀ zigiɛ ku da.

Ezai 63:14

À yɛi bɛi mɛɛmu iyi wa dasi inɔ fatama nɔ hundei Aɔ̃ Lafɛ̃ɛ í gbã ŋa wa bɔò ŋa bi kusĩmi. Do yaase bɛɛbɛi ì waa gbãò inɛɛ ŋa Aɔ̃ Lafɛ̃ɛ, nɔ iriɛ wa nɛò bɛɛrɛ.

Wooda ku kɔsi 2:36

Hai Aroɛɛ iyi í wa itĩi acãi inyii Aanɔɔu, do ilu iyi í wa si lɔɔmau hee ku bɔ Galaadi, ilu kãma kù nɛ gbugbã iyi á yɔkɔ ku kɔ̀ ide si waju nwa. Aɔ̃ Lafɛ̃ɛ nwa í da nwa aŋa fei si awɔ.

Wooda ku kɔsi 21:10

Bii ì bɔ igũ ku ce bi mbɛɛ nŋɛ ŋa, bii Aɔ̃ Lafɛ̃ɛ í jɔ̀ ì jɛ ŋa igũ, nɔ ì mu ŋa aru ŋa,

Ebɛɛ 4:9

Bɛɛbɛi kusĩmi í wɛɛ má iyi í jɛ ti inɛi Ilaaɔ̃ ŋa bɛi Ilaaɔ̃ takaɛ í sĩmi si ajɔ mɛɛjesiau.

Zozue 1:13

i ye gigii ide iyi Moizi woo ce icɛi Aɔ̃ Lafɛ̃ɛu í sɔ̃ ŋɛ waati iyi í ni, Aɔ̃ Lafɛ̃ɛ nŋɛ í mu nŋɛ kusĩmi nɔ í na ŋɛ ilɛ iyi í wa ikpa nunui daakɔi idoi Zuudɛ̃ɛu tã.

Zozue 1:15

hee koo to Aɔ̃ Lafɛ̃ɛ nŋɛ ku mua inɛ nŋɛ ŋau mɔ kusĩmi bɛi í mua iŋɛ mɔ, nɔ aŋa mɔ a gba ilɛ iyi Aɔ̃ Lafɛ̃ɛ í mu nŋa bɛi í mua iŋɛ mɔu. Si anyiɛ nɔ i nyi wa i na i buba si ilɛ iyi Moizi í mu nŋɛ kɔkɔi idoi Zuudɛ̃ɛ do ikpa nunui daakɔu.

Zozue 1:5

Si kuwɛɛɛ fei mbɛɛ kãma kaa yɔkɔ ku kɔ̀ ide si wajuɛ, domi an maa n wɛɛ do awɔi bɛi ǹ tako ǹ wɛɛ do Moizi wo. Ajɔ kãma n kaa n fũsiɛ awɔ hee má jɛ n jɔ̀ɛ.

Zozue 11:12

Zozue í gba ilui Hasɔɔu do ilu ŋa iyi à wa amɛɛ bɛ fei do ilaalu nŋa ŋa, nɔ í jɔ̀ à kpa aŋa fei, bɛi Moizi woo ce icɛi Aɔ̃ Lafɛ̃ɛ í tako í fɔu.

Zozue 11:23

Bɛɛbɛi Zozue í gba ilɛu fei, si bɛi Aɔ̃ Lafɛ̃ɛ í na Moizi woodaɛ, nɔ í kpɛ̃a inɛi Izirɛli ŋa si dimi ikã ikã ŋau fei. Ŋɔi inɛ ŋau à bɛi à sĩmiò igũ ŋau.

Zozue 11:8

Nɔ Aɔ̃ Lafɛ̃ɛ í daa inɛi Izirɛli ŋa inɛ ŋau si awɔ, à kãmia ŋa nɔ à lele ŋa hee Sidɔ̃ɔ ilu nlau, nɔ à bɔ hee Misirefɔti-Maimu, nɔ à lele ŋa má à bɔ ikpa nunui daakɔ hee ku bɔ ikpa lɔɔmai Misipa, nɔ à kpa ŋa a kù jɔ̀ baa inɛ akã kù fita si.

Zozue 2:24

Nɔ à sɔ̃ Zozue à ni, ntɔ ntɔ Aɔ̃ Lafɛ̃ɛ í da nwa ilɛu fei si awɔi, nɔ inɛi ilɛ ŋau fei zigi nŋa í da hee à waa yaya do njo na iri nwa.

Zozue 22:4

Bɛbɛi iyi Aɔ̃ Lafɛ̃ɛ nŋɛ í jɔ̀ inɛ nŋɛ ŋa à buba si ilɛ nŋa bɛi í wã ŋa dou, aa yɔkɔ i nyi si ilei acɔ nŋɛ ŋa i koo i buba si ilɛ iyi Moizi woo ce icɛi Aɔ̃ Lafɛ̃ɛu í na ŋɛ si ikpɛ̃u do ikpa nunui daakɔi idoi Zuudɛ̃ɛu.

Zozue 22:9

Dimii Rubɛ̃ɛ ŋa do dimii Gadi ŋa do dimi bubui Manasee ŋau à nyi ide nŋa. À dede à jɔ̀ inɛi Izirɛli iyi ihɔ̃ ŋau Siloo bɛ si ilɛi Kanaã à nɛ ikpa ilɛi Galaadi, ilɛ iyi à na ŋa si ikpɛ̃u si bɛi Aɔ̃ Lafɛ̃ɛ í sɔ̃ Moiziu.

Zozue 23:1

Aɔ̃ Lafɛ̃ɛ í nya inɛi Izirɛli ŋa hai si awɔi mbɛɛ ŋa iyi à kaako ŋau nɔ í jɔ̀ à wɛɛò laakai ku sũ waati sisɔ. Waati bɛɛbɛ, Zozue í gbo ntɔ ntɔ.