Zozue 20:9 - Bibeli do fee

⁹ Ilu ŋau bɛi à cica a jɛ bi ku manjii inɛi Izirɛli ŋa do inɛ njoo ŋa iyi à wa bi tu ŋa bɛ. Si bɛɛbɛ, bii inɛ gɔ í kpa inɛ nɔ kù jɛ do idɔɔbiɛ á yɔkɔ koo manji bɛ ku ba inɛ iyi wa jaa inɛ iyi í kuu ku maà ba ku kpaa hee koo to waati iyi inɛ ngbo ŋa aa kiitiɛ.

Zozue 20:9 Iomraidhean Croise

Kuka 35:13

Si ilu ŋa iyi aa na ŋa ŋau, ilu mɛɛfai á jɛ ilu bi ku manji nŋɛ.

Kuka 35:15

Ilu mɛɛfa ŋau bɛi aa jɛ bi ku manjii inɛi Izirɛli ŋa, do bi ku manjii inɛ njoo ŋa, do inɛ iyi í wa inɔ nŋɛ fei. Tengi bɛi inɛ iyi í kpa amanɛ iyi kù jɛ do idɔɔbiɛ fei á yɔkɔ ku sa koo manji.

Zozue 20:4

Bii í sa í koo si ilu ŋau bɛ akãɛ, bii í to á leekĩi bi gamboi anu koofai iluu, nɔ ku sisia inɛ ngboi ilu ŋau mii iyi nŋu í ce. Inɛ ŋau aa gbaa bi tu ŋa si iluu nɔ à dɛaa bi kuwa ku ba ku maa wa bi tu ŋa bɛ.

Zozue 20:6

Ilu bɛi á maa wa hee koo to waati iyi inɛ ngboi ilu ŋau aa kiitiɛ. Á maa wa bɛi hee inɛ iyi wa jɛ woo wee nla waati bɛɛbɛu koo kuò. Waati bɛɛbɛ á yɔkɔ ku nyi iluɛ nɔ ku nɛ kpasɛ̃ɛ hai bii í sa wau.

Zozue 20:8

Ikpa icei idoi Zuudɛ̃ɛu do ikpa nunui daakɔi Zeriko mɔ, Besɛɛi à cica si gbaa iyi í jɛ ti inɛi Rubɛ̃ɛ ŋau, nɔ si ilɛi Galaadi à cica Ramɔti iyi í jɛ ti inɛi Gadi ŋau, nɔ à cica Golãa si ilɛi Basãa iyi í jɛ ti inɛi Manasee ŋau.