Zozue 2:9 - Bibeli do fee

⁹ nɔ í sɔ̃ ŋa í ni, ǹ mà iyi Aɔ̃ Lafɛ̃ɛ í na ŋɛ ilɛ nwau ihɛ̃i. Ŋɔi í jɔ̀ zigii awa fei í da hee inɛ fei wa yaya do njo na iri nŋɛ.

Zozue 2:9 Iomraidhean Croise

Kusintii Andunya 35:5

Si ajɔ iyi Zakɔbu do amaɛ ŋa à dede hai iluu à waa nɛ, Ilaaɔ̃ í jɔ̀ njo nla nla í mu inɛi ilu ŋa iyi à wa kɔkɔ nŋa ŋau, nɔ inɛ kãma kaa jɛ ku hãmɛɛ ŋa do taale gɔ.

Samuɛli 2, 17:10

Waati nŋu, baa ilu wɔɔkɔ iyi idɔɛ í ya buba bɛi muusu nla, zigiɛ á da, domi inɛi Izirɛli fei í mà baaɛ woo ja igũi nɔ ilu wɔɔkɔ ŋa à wa bi tɛɛ.

Ilaalu 2, 5:15

Ŋɔi Naama í nyi wa bi waliiu nŋu do inɛ ŋa iyi à waa tooɛ ŋau fei. Iyi í to wa, ŋɔi í koo í leekĩ wajuɛ nɔ í ni, bɛbɛi ǹ mà iyi iwɛ̃ kãma gɔ kù nɛ gbugbã bɛi Ilaaɔ̃ Lafɛ̃ɛi inɛi Izirɛli ŋa iyi í wa ilɛi Izirɛli. Nsɛi, ǹ wa n tɔɔɛi, i gba amua iyi ǹ wa n naɛ.

Ilaalu 2, 7:6

Aɔ̃ Lafɛ̃ɛ í jɔ̀ soogei Siri ŋau à gbɔ ibai sarɛtii igũ ŋai wo do ibai acĩ ŋa do ti sooge nkpɔ nkpɔ gɔ ŋa, nɔ à ni, ilaalui Izirɛliu í koo í tɔɔ sobi wa hai bi ilaalui inɛi Hɛti ŋa do ti Ezibiti ŋa a naa a jɛ wa igũ.

Neemi 6:16

Iyi mbɛɛ nwa ŋau fei do inɛi ilɛ ŋa iyi à wa kɔkɔ nwa ŋau à gbɔ, ŋɔi zigii aŋa fei í da nɔ anyɔ í mu ŋa ntɔ ntɔ. Waati bɛɛbɛi à mà iyi Aɔ̃ Lafɛ̃ɛi í jɔ̀ icɛu í ce.

Ɛsitɛɛ 8:17

Si ilɛu fei do si ilu bii woodai ilaaluu í to fei, Zuifu ŋau à ya wɛɛò inɔ didɔ̃i ntɔ ntɔ nɔ à nya kujɛ ŋa. Ŋɔi si ilɛu inɛ nkpɔ nkpɔ í kpaasi araɛ Zuifu, domi à waa ce njo nŋa.

Zɔɔbu 19:25

Amma amu ǹ mà inɛ iyi á kɔ̀ɔm í wɛɛ. Nŋui á na ku dede ku leekĩ si ilɛ ku fɔ ntɔ.

Iri ku kɔ̃ 112:10

Ilu inɔ kukã ŋa à ya yɔɔi nɔ idɔ nŋa ku kɔ̃. À ya maa ŋɔ inyíi nɔ inɔ nŋa ku maa fɔ. Kpãa ku cɔ nŋa fei í ya leekĩi.

Iri ku kɔ̃ 115:16

Lelei Aɔ̃ ti Aɔ̃ Lafɛ̃ɛi. Amma í so ilɛ í na amanɛ ŋa.

Kufita 18:11

Nsɛi ǹ mà iyi Aɔ̃ Lafɛ̃ɛ í la í re mii baa yooma fei iyi inɛ ŋa à waa tɔɔ, nɔ í nyisi gbugbãɛ waati iyi í nya inɛi Izirɛli ŋau wa hai si awɔ gbugbãi inɛi Ezibiti ŋau.

Kufita 23:27

Waati iyi inɛ ŋa à gbɔ ì maai wa ŋa njo á mu ŋai ntɔ ntɔ na irim. Nɔ bi inɛ ŋa iyi ì to ŋa fei zigi nŋa á dai. Nɔ mbɛɛ nŋɛ ŋa fei aa sinda a to nŋɛ anyii a sa.

Woo lasabu 8:12

Á yɔkɔ ku jɛ inɛ laalɔ í ce dulum fii cĩɔ nɔ kuwɛɛɛ í mɔsi wa koo. Do nŋu fei ǹ mà kãm kãm iyi inɛ ŋa iyi à mà bɛɛrɛi Ilaaɔ̃ aŋai aa wɛɛò inɔ didɔ̃ si na iyi í jɔ̀ à waa jirimaɛ.

Ezai 19:1

Idei ijuukpã iyi à fɔ ideɛ si gãmɛi inɛi Ezibiti ŋa wee. Aɔ̃ Lafɛ̃ɛ í gũ antaii kudũi ijĩ gɔ iyi í nɛ wa gbãa. Ezibitii wa naa. Ŋɔi iwɛ̃i inɛi Ezibiti ŋau à waa yaya do njo si wajuɛ. Idɔi inɛi Ezibiti ŋa í dede nɔ à kua gbugbã.

Ezai 23:5

Waati iyi laabaauu á to si inɛi Ezibiti ŋau, aa maa yayai do njo bɛi waati iyi à gbɔ mii iyi í ba inɛi Tii ŋau.

Zeremi 27:5

Amui ǹ ce ilɛ do amanɛ ŋa do mɛɛmu ŋa iyi à wa si ilɛu do gbugbãm do kumàm, nɔ inɛ iyi ǹ bii ǹ na ilɛu.

Nahumu 2:10

Baa bii à ko wura do isɔ fũfũ ŋau, amanii iluu kaa tã. Amani jiida dimi ikã ikãi wa kɔ̃ si iluu.

Kuka 20:14

Hai Kadɛsi wa Moizi í bɛ inɛ ŋa bi ilaalui Edɔmu, à koo à sɔ̃ɔ à ni, gbɔ idei inɛi Izirɛli kpaasiɛ ŋau. Awɔ takaɛ ì mà wahala ŋa iyi à kou fei tã.

Kuka 20:24

Arɔ̃ɔ á ku, kaa lɔ si ilɛ iyi ǹ ni an mua inɛi Izirɛli ŋau, si na iyi í jɔ̀ i kù jirima woodam ŋa bi isɔ̃i Meribau.

Matie 20:15

Kù jɛ bɛi ǹ bii an ceò fiam? Mà ì waa yɛ taalem si na iyi í jɔ̀ ǹ ce jiidai.

Wooda ku kɔsi 11:25

Nɔ inɛ kãma kaa yɔkɔ ku leekĩ si waju nŋɛ. Aɔ̃ Lafɛ̃ɛ nŋɛi á jɔ̀ inɛ ŋa a ya ce njo nŋɛ tengi bii ì waa bɔ ŋa fei si ilɛu bɛi nŋu takaɛ í sɔ̃ ŋɛu.

Wooda ku kɔsi 2:25

Hai nnyi an ce bɛi inɛ ŋa aa ce a maa wɛɛò zigiida do njo na iri nŋɛ si andunyau ihɛ̃ fei. Hai à gbɔ baau nŋɛ gbakã aa ya maa yayai do njo.

Wooda ku kɔsi 28:10

Inɛi ilɛ mmu ŋa fei aa yɔɔ iyi à nya ŋɛ ikãi na icɛi Aɔ̃ Lafɛ̃ɛ, nɔ aa maa ce njo nŋɛ.

Wooda ku kɔsi 32:8

Si waati iyi Aɔ̃ Lafɛ̃ɛ iyi í wa hee lele í cea inɛ ŋa ikpɛ̃i ilɛ ŋau, í nyaa ilɛ ŋau kɔɔ, nɔ í so zamaai inɛi ilɛ ŋau í daa inɛi lele gɔ si awɔ.

Ebɛɛ 11:31

Na naanɛ ku dasii, Rahabu abo à ta icuu kù ku do inɛ ŋa iyi a kù jirima Ilaaɔ̃ ajɔ, si na iyi í jɔ̀ í gba woo bɛ ŋau do inɔ akã.

Zozue 2:11

Na laabaau ŋau bɛi í jɔ̀ à kua gbugbã, nɔ inɛ kãma kaa yɔkɔ ku leekĩ si waju nŋɛ má, domi Aɔ̃ Lafɛ̃ɛ nŋɛ, nŋui í jɛ Ilaaɔ̃ do ntɔ. Kù nɛ saa si ilɛ ihɛ̃ hee do lele fei.

Zozue 2:24

Nɔ à sɔ̃ Zozue à ni, ntɔ ntɔ Aɔ̃ Lafɛ̃ɛ í da nwa ilɛu fei si awɔi, nɔ inɛi ilɛ ŋau fei zigi nŋa í da hee à waa yaya do njo na iri nwa.

Zozue 2:8

Hee inɛ minji ŋau a maa sũ Rahabu í koo bi tu ŋa antaii ile lele bɛ,

Zozue 5:1

Ilaalui inɛi Amɔre ŋa iyi à wa ikpa nunui alɛi idoi Zuudɛ̃ɛu do ilaalui inɛi Kanaã ŋa iyi à wa kɔkɔi tenkuu à gbɔ iyi Aɔ̃ Lafɛ̃ɛ í jɔ̀ inyii idoi Zuudɛ̃ɛu í gbɛ si wajui inɛi Izirɛli ŋa hee à kua. Ŋɔi njo í mu ŋa hee a kaa yɔkɔ a leekĩ si waju nŋa má.

Zozue 6:2

Ŋɔi Aɔ̃ Lafɛ̃ɛ í sɔ̃ Zozue má í ni, cɔ ǹ daaɛ Zeriko si awɔ do ilaaluɛ do sooge kaasãanɛɛ ŋa fei.

Zozue 9:10

nɔ à gbɔ yaase bɛi í cea Sioni ilaalui ilui Hɛsebɔ̃ɔ do Ɔgu ilaalui ilɛi Basãa iyi í wa si ilui Asiterɔti, aŋa iyi à jɛ ilaalui inɛi Amɔre ŋa iyi à tako à wa icei idoi Zuudɛ̃ɛu.

Zozue 9:24

Ŋɔi inɛi Gabaɔ̃ɔ ŋau à jɛa Zozue à ni, mii iyi í jɔ̀ à lasabu à fɔò bɛɛbɛ wee. À gbɔ iyi Aɔ̃ Lafɛ̃ɛɛ í na Moizi woo ce icɛɛ ilɛu ihɛ̃ ku jɛ tu ŋɛ. Nɔ bɛɛbɛ mɔi à gbɔ iyi aa maa kpa inɛ ŋa iyi à wa si ilɛu feii kpɛlɛ kpɛlɛ i maa nɛò wa ŋa. Na nŋu, kuto nŋɛ wa ihɛ̃ í jɔ̀ njo í mu wa ntɔ ntɔ na hunde nwa.

Zozue 9:9

Ŋɔi à jɛaa à ni, awa woo ce icɛɛ ŋa hai ilɛ jĩijĩi à naa si na iyi í jɔ̀ à gbɔ idei laabaaui Aɔ̃ Lafɛ̃ɛɛ, domi à gbɔ mii ŋa iyi í ce si ilɛi Ezibiti fei

Woo kiiti ŋa 7:14

Ŋɔi kpaasiɛu í jɛaa í ni, nŋu bɛ kù jɛ mii mmu kãma, taakubai Zedeɔ̃ amai Zoasi inɛi Izirɛliui, domi Ilaaɔ̃ í so wa í daa si awɔ hee do mii iyi à nɛ si asɔu ihɛ̃ fei.