Zozue 2:6 - Bibeli do fee

⁶ Wee í ko abou í jɔ̀ à gũ antaii ile sikifaɛ bɛ, nɔ í singa ŋa si kungbã kambo ŋa iyi í jilɛ bɛ.

Zozue 2:6 Iomraidhean Croise

Samuɛli 2, 11:2

Alɛ ajɔ nŋu gɔ, Davidi í dede hai si daayiɛ nɔ wa dabii dabii si antaii ileɛ. Si bɛi wa dabiiu, ŋɔi í hɔ̃nnɛ inaabo gɔ hai bɛ wa wɛ, nɔ abou í sĩa ntɔ ntɔ.

Samuɛli 2, 17:19

Ŋɔi aboi mɔkɔu í dɛdɛ acɔ í tɔɔ si andɛi lɔgɔu í bɛi í tɛ amaajɛ ku cɔcɔ si antaiɛi ku ba inɛ gɔ ku maà sikaò ide gɔ.

Ilaalu 1, 18:13

Lafɛ̃ɛm, a kù sɔ̃ɛ mii iyi ǹ ce si waati iyi Zezabɛli wa kpa waliii Aɔ̃ Lafɛ̃ɛ ŋaui? Ǹ singa waliii Aɔ̃ Lafɛ̃ɛ cĩɔ aŋa ciitaa ciitaa si inɔ isai kuta ŋa, nɔ ǹ wo ŋaò pɛ̃ɛ do inyi.

Ilaalu 1, 18:4

Waati iyi Zezabɛli wa kpa waliii Aɔ̃ Lafɛ̃ɛ ŋau, Abudiasii í so walii cĩɔ í singa ŋa ciitaa ciitaa si inɔ isai kuta nɔ í wo ŋaò pɛ̃ɛ do inyi.

Ilaalu 2, 11:2

Amma Yoseba ama inaaboi ilaalu Yoramu í so Zoasi amai wecĩɛ Ahazia si asii hai inɔi amai ilaalu ŋau waati iyi à waa kpa ŋa. Ŋɔi í koo í singaɛ ilaawa bi ku sũ, nŋu do abo iyi á maa woo. Bɛɛbɛi à singa amau ku ba Atali ku maà ba ku kpaa má.

Kufita 2:2

Nɔ abou í na í nɛ asĩ í bí ama inɛmɔkɔ. Iyi í yɛ amau í sĩa ŋɔi í singaɛ zakai cukpa mɛɛta.

Zeremi 36:26

Nɔ mɔm í na Yerameɛli amaɛu wooda do Seraya amai Aziriɛli do Selemia amai Abudeɛli í ni a mu Baruku woo kɔ tiau wa do walii Zeremi. Amma Aɔ̃ Lafɛ̃ɛ í singa ŋa.

Matie 24:17

Nɔ inɛ iyi í wa antaii ile sikifa, bii í kita ilɛ ku ba ku sa ku maà bɔ ngɔgɔ ku so inɔ ileɛ.

Wooda ku kɔsi 22:8

Bii ì ma ile titɔ̃ aa ma idĩi i kaakoò sɛɛi ileu ku ba ku maà na ku jɛ idei iriɛ bii inɛ gɔ í na í nya í cuku wa hai si sɛɛi ileɛu í kpa araɛ.

Kolosee 3:3

domi ì ku si mii ndii andunya ŋa, kuwɛɛ titɔ̃ nŋɛ í nɔ wa singa do Kirisi bi Ilaaɔ̃.

Ebɛɛ 11:23

Si waati iyi à bí Moizi, na naanɛ ku dasii, baaɛ ŋa a kù ce njoi a kua woodai ilaalui Ezibiti nɔ à singaɛ zakai cukpa mɛɛta, domi à yɛ í jɛ ama kusĩa.

Zaaki 2:25

Bɛɛbɛ mɔi abo à ta icu iyi à ya kpe Rahabuu í ce. Í jɛ amanɛ dee dee si wajui Ilaaɔ̃ na kookoosuɛ ŋa si na iyi í jɔ̀ í gba inɛi Izirɛli woo bɛ ŋau si kpasɛ̃ɛ nɔ í nya ŋa do kpãa mmu.

Zozue 2:5

Si bɛi bii idũ í dũ, à ya cĩmbo gamboi iluui, inɛ ŋau à fita n kù mà bii à bɔ má. I hanya i da hãmɛ nŋa ŋa ku ba i mu ŋa.

Zozue 2:7

Ŋɔi woo bɛi ilaalu ŋau à waa da hãmɛi inɛ ŋau à too kpãai waawaai idoi Zuudɛ̃ɛu, nɔ à cĩmbo gamboi iluu waati iyi à fita à nɛ.

Zozue 2:8

Hee inɛ minji ŋau a maa sũ Rahabu í koo bi tu ŋa antaii ile lele bɛ,

Zozue 6:25

Zozue í jɔ̀ Rahabu do inɛi kpasɛ̃ɛ ŋa fei à wɛɛ, si na iyi í jɔ̀ í singa inɛ minji ŋa iyi à koo à cɔ yaasei ilui Zerikou wo. Í wa si inɔi inɛi Izirɛli ŋa, nɔ tɔkuɛ ŋa à wa bɛ baa nsɛi.