Zozue 2:2 - Bibeli do fee

² Ŋɔi inɛ gɔ í koo í sɔ̃ ilaalui Zeriko í ni, wee inɛi Izirɛli gɔ ŋa à naa inɔ ilu ihɛ̃ idũuyi a ba a mà yaasei ilɛ nwau.

Zozue 2:2 Iomraidhean Croise

Iri ku kɔ̃ 127:1

Iri ku kɔ̃i kutɔɔ ku bɔ ku ce. Iriu ihɛ̃ ti Salomɔɔi. Bii Aɔ̃ Lafɛ̃ɛ kù ma kpasɛ̃, inɛ ŋa iyi à waa maa, icɛ ngbɛi à waa ce. Bii kù jɛ Aɔ̃ Lafɛ̃ɛi wa degbe ilu, inɛ ŋa iyi à waa degbeɛ, aa maa wɔ njooi ngbɛ ngbɛ.

Mɔnda ŋa 21:30

Bisi do kumà do ikɔ iyi amanɛ í nɛ, kãma kaa sinda idɔɔbii Aɔ̃ Lafɛ̃ɛ.

Ezai 43:13

nɔ si Ilaaɔ̃ ku jɛu bɛi an maa n wa. Inɛ kãma kaa tilasim si ngɔgɔ ku ce, nɔ mii iyi ǹ wa n ce, inɛ kãma kaa kpaasiɛ.

Zozue 2:1

Zozue amai Nunu í bɛ inɛ minji gɔ ŋa do asii hai ilui Sitimu í sɔ̃ ŋa í ni a koo a cɔ yaasei ilɛ iyi í wa icei idou wa, nɔ iyi í re mɔm nŋui í jɛ ilui Zeriko. Ŋɔi inɛ ŋau à koo. Iyi à to Zeriko nɔ à bɔ kpasɛ̃i abo à ta icu gɔ iyi à ya kpe Rahabu, nɔ à sɔ bɛ.

Zozue 2:3

Nɔ ilaaluu í ni a koo a sɔ̃ Rahabu ku jɔ̀ inɛ ŋa iyi à lɔ kpasɛ̃ɛu a fita, domi à naa ilɛu ku cɔi a ba a mà yaaseɛ fei. Ŋɔi inɛ ŋau à waa koo.

Woo kiiti ŋa 18:2

Ŋɔi à cica ilu wɔɔkɔ miiu si inɔ nŋa, nɔ à bɛ ŋa hai ilui Sora do Esetaɔlu à ni a koo a cɔ yaasei ilɛu wa. Ŋɔi inɛ ŋau à koo nɔ à to ilɛi iri kutai Efaraimu ŋa nɔ à bɔ hee kpasɛ̃i Mika à koo à sũ bɛ.