Zozue 2:19 - Bibeli do fee

¹⁹ Bii inɛ gɔ í fita hai inɔ kpasɛ̃ɛ ihɛ̃ í bɔ waduude, bii à kpaa ikuɛ í jɛ idei irii nŋu takaɛ, awa a kù nɛ taale kãma. Amma bii à kpa inɛ gɔ si inɔ kpasɛ̃ɛ, awai aa ka so taale si ikui lafɛ̃ɛ.

Zozue 2:19 Iomraidhean Croise

Ilaalu 1, 2:32

Ilaaɔ̃ á jɔ̀ ikuu ku cuku si antaiɛ si na iyi í jɔ̀ í kpa inɛ minji ŋa iyi à jɛ inɛ dee dee nɔ à nɛ bɛɛrɛ à roo nɔ kù jɛ do kumàsii baam Davidi. Aŋai à jɛ Abinɛɛ amai Nɛɛ iyi í jɛ inɛ ngboi soogei Izirɛli ŋau do Amasa amai Yitira iyi í jɛ inɛ ngboi soogei Zudaa ŋau.

Kufita 12:13

Njɛui á jɛ nyindai kpasɛ̃ bii ì wa ŋa. Bii ǹ naa n yɛ njɛu an kua ŋɛi n kaa n leekĩ bi tu ŋɛ nɔ laalɔ kãma kaa ba ŋɛ ku kpa ŋɛ waati iyi an naa n kpã inɛi Ezibiti ŋau iju.

Kufita 12:22

Nɔ i so amaawɔi jĩi ndii izɔpu, i gũsi njɛ iyi i wa inɔ jɛɛu nɔ i jɔsi jĩi mɛɛta andɛi ile ŋau. Waati iyi ì jɔsi njɛu ŋa, inɛ kãma ku maà fita hai ileɛ má hee iju koo máu.

Kufita 12:23

Waati iyi Aɔ̃ Lafɛ̃ɛ á na ku kpã inɛi Ezibiti ŋau iju, bii í yɛ njɛu á lɔi. Kaa jɔ̀ woo kpa inɛ ŋa a lɔ kpasɛ̃ nŋɛ a kpa ŋɛ.

Kuwee 20:11

Bii inɛ gɔ í sũò aboi baaɛ, í dasi baaɛ anyɔi. Aa kpa lafɛ̃ɛi do abou fei nɔ kurara nŋa ku bii si ŋa.

Kuwee 20:9

Bii inɛ gɔ í ceekpe baaɛ walakɔ iyeɛ, aa kpa lafɛ̃ɛi. Taaleu fei si iriɛi á baa ku cuku si, si na iyi í jɔ̀ í ceekpe baaɛ walakɔ iyeɛ.

Matie 24:17

Nɔ inɛ iyi í wa antaii ile sikifa, bii í kita ilɛ ku ba ku sa ku maà bɔ ngɔgɔ ku so inɔ ileɛ.

Woo bɛ ŋa 18:6

Amma à jãa nɔ à waa buu, ŋɔi í gbugbã si ŋa ilùlùi ibɔɛ nɔ í sɔ̃ ŋa í ni, bii ì na ì ce nfe ŋa, í jɛ idei iri nŋɛ. Kù jɛ baam má. Hai nnyi an jɔ̀ ŋɛ n koo n cea hai jɛ Zuifu ŋa waazo.

Woo bɛ ŋa 20:26

Na ŋɔi í ce ǹ wa n sɔ̃ ŋɛ si bantuma hai nnyi, bii inɛ gɔ nŋɛ í na í ce nfe kù jɛ idei irim,

Woo bɛ ŋa 27:31

Amma Pɔlu í sɔ̃ sooge ŋau do inɛ ngbo nŋa í ni, bii inɛ ŋau ihɛ̃ a kù wa si inɔ akɔi inyiu, iŋɛ taka nŋɛ i kaa ba faaba ŋa.

Filipi 3:9

nɔ n wɛɛ do nŋu. Nɔ ǹ wa n mà n kaa n yɔkɔ n jɛ dee dee na wooda ku jirima, amma ǹ jɛ dee deei si na iyi í jɔ̀ ǹ dasi Kirisi naanɛ. Dee dee ku jɛu wa naai hai bi Ilaaɔ̃ na saabui naanɛ iyi à dasiu.

Ebɛɛ 10:29

Debɛi, inɛ iyi wa donda Amai Ilaaɔ̃ wa cɔ njɛɛ nfe, njɛ si bii Ilaaɔ̃ í dĩ akabuuɛ iyi á jɔ̀ lafɛ̃ɛ ku má, nɔ wa bu Hundei Ilaaɔ̃ iyi wa nyisi wa didɔ̃u, i cɔ zaka bɛi mii iyi á na ku ba lafɛ̃ɛ si ajɔi kiitiu á to.

Zozue 2:12

Na nŋu nsɛi, ǹ wa n tɔɔ ŋɛi, i gbasi do irii Aɔ̃ Lafɛ̃ɛ, iyi aa cea inɛi kpasɛ̃m ŋa jiida bɛi amu takam ǹ ce nŋɛ. Nɔ i nam nyinda gɔ

Zozue 2:14

Ŋɔi inɛ ŋau à jɛaa à ni, à tã sɔɔlu ka ku na iriɛ bii i kù sɔ̃ inɛ ŋa mii iyi à naa ku ce. Nɔ waati iyi Aɔ̃ Lafɛ̃ɛ á na ku na wa ilɛu aa ka ceɛ jiida nɔ ka kɔ̃ kuwã iyi à ceɛ.

Zozue 2:20

Bii ì nɔ ì sɔ̃ inɛ gɔ yaasei kunaa nwau ihɛ̃, kuwã iyi ì ni ka ceɛu a kaa ka ceò icɛ má.