Zozue 2:14 - Bibeli do fee

¹⁴ Ŋɔi inɛ ŋau à jɛaa à ni, à tã sɔɔlu ka ku na iriɛ bii i kù sɔ̃ inɛ ŋa mii iyi à naa ku ce. Nɔ waati iyi Aɔ̃ Lafɛ̃ɛ á na ku na wa ilɛu aa ka ceɛ jiida nɔ ka kɔ̃ kuwã iyi à ceɛ.

Zozue 2:14 Iomraidhean Croise

Kusintii Andunya 24:49

Nsɛi, bii ì bi i cea lafɛ̃ɛm didɔ̃ do bɔɔcĩi ŋa, i sɔ̃m. Bii i kù waa ce ŋa mɔ i sɔ̃m n bɔ waju.

Kusintii Andunya 47:29

Iyi Zakɔbu í yɛ nŋu í maai ku ku, í kpe Zozɛfu amaɛu nɔ í sɔ̃ɔ í ni, bii ì nɛ kubim nii, nyisim kubiu do dee dee ku jɛɛ. Bii ǹ na ǹ ku, maà sim Ezibiti ihɛ̃. Na nŋu ceem kuwã, i dasi awɔɛ si lɛlɛi itãm.

Samuɛli 2, 2:5

Ŋɔi Davidi í bɛ inɛ ŋa a koo a ce ŋa fɔɔ nɔ a ni, Aɔ̃ Lafɛ̃ɛ ku wee nŋɛ, iŋɛ iyi ì si Saulu lafɛ̃ɛ nŋɛ nɔ ì nyisiò iyi ì nɛ kubiɛ ŋa.

Samuɛli 2, 2:6

Aɔ̃ Lafɛ̃ɛ ku ce araare nŋɛ nɔ ku jɔ̀ dee dee kú jɛɛ ku wɛɛ nŋɛ. Nɔ amu mɔ an ce nŋɛ mii jiida si na iyi í jɔ̀ ì ce bɛɛbɛ ŋa.

Samuɛli 2, 9:1

Ajɔ nŋu gɔ Davidi í bee í ni, inɛ kãma kù gbe má si kpasɛ̃i Saulu iyi an ba n ceaa jiida na saabui Zonatãa?

Ilaalu 1, 20:39

Waati iyi ilaaluu wa lɔ ŋɔi í sɛ̃ɛɛ í ni, amu woo ce icɛɛ ǹ wa bi ku ce igũ. Bɛi inɛ gɔ í naa í daam mbɛɛ gɔ si awɔ í ni n maa n degbeɛ, nɔ bii nŋu kù na kù yɔɔ nŋu á kpam nii walakɔ n sãa nŋu fia kpɛkɛlɛ dubu mɛɛta (3.000).

Mɔnda ŋa 14:22

Woo lasabuò laalɔ ku ce ŋa a ci ya to waju, amma inɛ ŋa iyi à waa lasabuò jiida ku ce Ilaaɔ̃ á ce nŋa didɔ̃ nɔ ku nyisi ŋa kubi.

Mɔnda ŋa 18:24

Kpaasi nkpɔ nkpɔ ku nɛ á yɔkɔ ku to inɛ do wahala, amma kpaasi jiida í re nyaanze.

Matie 5:7

Ilu inɔ didɔ̃ ŋai inɛ ŋa iyi à ya nɛ araarei inɛ ŋa, domi Ilaaɔ̃ mɔ á nɛ araare nŋa.

Woo bɛ ŋa 23:22

Ŋɔi inɛ ngboi igũu í ni, maà sɔ̃ inɛ gɔ i ni ì sisiim ideu ihɛ̃ má. Nɔ í jɔ̀ awaasũu í nɛ.

Zozue 2:13

iyi wa nyisi iyi do ntɔ aa faaba iyeò baam ŋa, do igbã do ifɔm ŋa, do wecĩm ŋa hee do inɛi kpasɛ̃ nŋa ŋa fei, nɔ i faaba wa i maà jɔ̀ a kpa wa ŋa.

Zozue 2:15

Wee ilei Rahabuu wa gũsi bindii iluui. Ŋɔi í jɔ̀ inɛ ŋau à ba à kita hai do fɛrɛntii ileɛu do ikũ.

Zozue 6:17

Aa kpa inɛi ilu ŋaui hee do mii ŋa iyi à nɛ fei. Rahabu abo à ta icuui aa jɔ̀ ŋa do inɛ ŋa iyi à wa bi tɛɛ inɔ kpasɛ̃ bɛ fei. Aa jɔ̀ɔ ŋai si na iyi í jɔ̀ nŋui í gba inɛ ŋa iyi à bɛ wa ihɛ̃ ŋau í singa ŋa.

Zozue 6:22

Amma waati iyi bindii ilui Zerikou í cuku, Zozue í sɔ̃ inɛ minji ŋa iyi à tako à koo à cɔ yaasei iluu í ni, i bɔ kpasɛ̃i Rahabu abo à ta icuu nɔ i fitaɛ wa, nŋu do inɛɛ ŋa fei, bɛi ì tako ì ceaa kuwãɛ ŋa.

Zozue 6:25

Zozue í jɔ̀ Rahabu do inɛi kpasɛ̃ɛ ŋa fei à wɛɛ, si na iyi í jɔ̀ í singa inɛ minji ŋa iyi à koo à cɔ yaasei ilui Zerikou wo. Í wa si inɔi inɛi Izirɛli ŋa, nɔ tɔkuɛ ŋa à wa bɛ baa nsɛi.

Samuɛli 1, 20:8

Bɛɛbɛi aa yɔkɔ i nyisiò kubiɛ si afei awaɛ domi awaɛ à dĩ akabuui si wajui Aɔ̃ Lafɛ̃ɛ. Nɔ mɔm, bii í jɛ ǹ ce kurara si mii gɔ, awɔ takaɛ kpam do iyi aa daa baaɛ si awɔ.