Zozue 2:12 - Bibeli do fee

¹² Na nŋu nsɛi, ǹ wa n tɔɔ ŋɛi, i gbasi do irii Aɔ̃ Lafɛ̃ɛ, iyi aa cea inɛi kpasɛ̃m ŋa jiida bɛi amu takam ǹ ce nŋɛ. Nɔ i nam nyinda gɔ

Zozue 2:12 Iomraidhean Croise

Kusintii Andunya 21:23

Nsɛi ǹ wa n tɔɔɛi i gbasi do irii Ilaaɔ̃u ihɛ̃ iyi i kaa lɛlɛɛm má, hee má jɛ amam ŋa, do tɔkum ŋa. Jiida iyi ǹ ceɛ, cea amu mɔ jiida bɛɛbɛ, amu do inɛi ilɛ bii ì waa bubau ihɛ̃.

Kusintii Andunya 24:3

Ǹ bi i gbasi do irii Aɔ̃ Lafɛ̃ɛ, nŋu iyi í jɛ Lafɛ̃ɛi lele do ti ilɛ fei, i maà soa amam abo si ama mudɛ̃ɛi Kanaã ŋa bii à wau ihɛ̃.

Kusintii Andunya 24:9

Iyi Aburahamu í fɔ bɛɛbɛ í tã, ŋɔi woo ce icɛu í dasi awɔɛ si lɛlɛi itãi Aburahamu lafɛ̃ɛɛu. Nɔ í gbasi í ni nŋu á coo fei sãa sãa.

Kusintii Andunya 40:14

Amma bii ì na ì lɔ si ididɔ̃u, ye gigim. Ǹ wa n tɔɔɛi i ceem didɔ̃, sisia Faraɔ̃ idem nɔ i nyam hai si ileu ihɛ̃.

Bomma 2, 36:13

Í lele idɔɛ mam mam, nɔ kù sinda ikpa bi Aɔ̃ Lafɛ̃ɛi inɛi Izirɛli ŋa. Í dedeò ide ku kɔ̀ si gãmɛi ilaalu Nebukanɛsaa mɔm nii, nŋu iyi í jɔ̀ í gbasi do irii Ilaaɔ̃ ku jɛ ilu naanɛ bi tɛɛ.

Ɛsitɛɛ 8:6

Nɔ í ni má, bɛirei an ce n maa n yɛ laalɔ iyi wa naa si inɛm ŋa do bɛi à waa kpa ŋa nɔ n maa n coko.

Kufita 12:13

Njɛui á jɛ nyindai kpasɛ̃ bii ì wa ŋa. Bii ǹ naa n yɛ njɛu an kua ŋɛi n kaa n leekĩ bi tu ŋɛ nɔ laalɔ kãma kaa ba ŋɛ ku kpa ŋɛ waati iyi an naa n kpã inɛi Ezibiti ŋau iju.

Zeremi 12:16

Inɛ ŋau à kɔ inɛm ŋa kugbasi ku ce do irii iwɛ̃ iyi à ya kpe Baali. Amma ntɔ ntɔ, bii à mà isɛɛnɛ bɛi inɛ iyi í jɛ inɛm í nɛ ku ce, bii à waa ce kugbasi à waa ni, ǹ wa n gbasi do irii Aɔ̃ Lafɛ̃ɛ iyi í wɛɛ, waati bɛɛbɛi aŋa mɔ aa ba a buba si inɔi inɛm ŋa.

Maaku 14:44

Zudasi nŋu iyi á zamba Jesuu, í tako í sɔ̃ zamaau nyinda gɔ iyi nŋu á ce. Í ni, inɛ iyi an koo n ya n baabaaɛ, lafɛ̃ɛ mbɛ. I muu dim dim i nɛɛ ŋa.

Romu 1:31

A kù nɛ laakai, a kù nɛ naanɛ, a kù bi njɛ, a kù nɛ araarei njɛ.

Timɔtee 1, 5:8

Inɛ iyi kù waa gbɔa nyaanzeɛ ŋa, iyi í re mɔm inɛi kpasɛ̃ɛ ŋa, lafɛ̃ɛ í kɔ̀si naanɛ ku dasii, nɔ laalɔ ku jɛɛ í re baa hai dasi Jesu naanɛ.

Zaaki 2:13

Inɛ iyi kù nɛ araarei kpaasi, Ilaaɔ̃ á kiiti nŋu mɔi kaa ce araareɛ. Amma inɛ iyi í nɛ araarei kpaasi ŋa á jɛ igũ si ajɔi kiitiu.

Zozue 2:13

iyi wa nyisi iyi do ntɔ aa faaba iyeò baam ŋa, do igbã do ifɔm ŋa, do wecĩm ŋa hee do inɛi kpasɛ̃ nŋa ŋa fei, nɔ i faaba wa i maà jɔ̀ a kpa wa ŋa.

Zozue 2:18

Waati iyi aa ka naa ka to wa si ilɛu ihɛ̃, ikũ nkpau ihɛ̃i aa dĩ si anu fɛrɛnti hai do bii ì jɔ̀ à fitaòu ihɛ̃. Nɔ i tɔtɔɔ inɛɛ ŋa inɔ kpasɛ̃ɛ ihɛ̃, hai iyeò baaɛ ŋa do igbãɛ ŋa do ifɔɛ ŋa do wecĩɛ ŋa fei hee do nyaanzei baaɛ ŋa fei.

Zozue 2:19

Bii inɛ gɔ í fita hai inɔ kpasɛ̃ɛ ihɛ̃ í bɔ waduude, bii à kpaa ikuɛ í jɛ idei irii nŋu takaɛ, awa a kù nɛ taale kãma. Amma bii à kpa inɛ gɔ si inɔ kpasɛ̃ɛ, awai aa ka so taale si ikui lafɛ̃ɛ.

Zozue 6:22

Amma waati iyi bindii ilui Zerikou í cuku, Zozue í sɔ̃ inɛ minji ŋa iyi à tako à koo à cɔ yaasei iluu í ni, i bɔ kpasɛ̃i Rahabu abo à ta icuu nɔ i fitaɛ wa, nŋu do inɛɛ ŋa fei, bɛi ì tako ì ceaa kuwãɛ ŋa.

Zozue 9:15

Nɔ Zozue í dĩ akabuui laakai ku sũ do inɛ ŋau. Si akabuu iyi à dĩu í jɛsi nŋu ku jɔ̀ inɛ ŋau à wɛɛ si hunde. Nɔ inɛ ngboi inɛi Izirɛli ŋau mɔ à jɛsi do kugbasi.

Woo kiiti ŋa 1:24

Ŋɔi inɛ ŋa iyi à bɔ iluu ku cɔ wau à yɛ inɛ gɔ í fita wa hai bɛ nɔ à sɔ̃ɔ à ni, nyisi wa hai do bii aa ka lɔò inɔ iluu nɔ ka ceɛ jiida.

Samuɛli 1, 30:15

Ŋɔi Davidi í beeɛ í ni, aa yɔkɔ i sim bii inɛi Amalɛki ŋau bɛ à wa? Ŋɔi í jɛaa í ni, bii ì jɛsi do irii Ilaaɔ̃ fei i kaa kpam nɔ i kaa bɔɔm bi inɛ ngbom, an gbãɛ ka bɔ hee bi inɛi Amalɛki ŋau.