Zozue 2:11 - Bibeli do fee

¹¹ Na laabaau ŋau bɛi í jɔ̀ à kua gbugbã, nɔ inɛ kãma kaa yɔkɔ ku leekĩ si waju nŋɛ má, domi Aɔ̃ Lafɛ̃ɛ nŋɛ, nŋui í jɛ Ilaaɔ̃ do ntɔ. Kù nɛ saa si ilɛ ihɛ̃ hee do lele fei.

Zozue 2:11 Iomraidhean Croise

Ilaalu 1, 8:60

Nɔ inɛi andunya fei ku mà iyi Aɔ̃ Lafɛ̃ɛ nŋu akãi í jɛ Ilaaɔ̃, nɔ mmuɛ gɔ kù wɛɛ má.

Ilaalu 2, 5:15

Ŋɔi Naama í nyi wa bi waliiu nŋu do inɛ ŋa iyi à waa tooɛ ŋau fei. Iyi í to wa, ŋɔi í koo í leekĩ wajuɛ nɔ í ni, bɛbɛi ǹ mà iyi iwɛ̃ kãma gɔ kù nɛ gbugbã bɛi Ilaaɔ̃ Lafɛ̃ɛi inɛi Izirɛli ŋa iyi í wa ilɛi Izirɛli. Nsɛi, ǹ wa n tɔɔɛi, i gba amua iyi ǹ wa n naɛ.

Neemi 6:16

Iyi mbɛɛ nwa ŋau fei do inɛi ilɛ ŋa iyi à wa kɔkɔ nwa ŋau à gbɔ, ŋɔi zigii aŋa fei í da nɔ anyɔ í mu ŋa ntɔ ntɔ. Waati bɛɛbɛi à mà iyi Aɔ̃ Lafɛ̃ɛi í jɔ̀ icɛu í ce.

Ɛsitɛɛ 8:17

Si ilɛu fei do si ilu bii woodai ilaaluu í to fei, Zuifu ŋau à ya wɛɛò inɔ didɔ̃i ntɔ ntɔ nɔ à nya kujɛ ŋa. Ŋɔi si ilɛu inɛ nkpɔ nkpɔ í kpaasi araɛ Zuifu, domi à waa ce njo nŋa.

Iri ku kɔ̃ 102:15

Awa woo ce icɛɛ ŋa, à nɛ kubii kutai Siɔ̃ɔ ŋau nɔ araare wa mu wa na ilùlùɛ ŋau.

Iri ku kɔ̃ 22:14

Bɛi muusu nla kugaabu iyi wa dɔ̃ anu wa dɛ sɔnda, bɛɛbɛi à la gɛlɛ nŋa sim.

Iri ku kɔ̃ 58:7

Ilaaɔ̃, cɛ inyí nŋa nɔ i lɛgɛ kɛkɛlɛ nŋa, aŋa iyi à yɛ bɛi muusu nla ŋa.

Iri ku kɔ̃ 83:18

Jɔ̀ a dasi anyɔ do zigiida hee do ajɔ fei. Jɔ̀ a nyiò anyi nɔ a ce nfe.

Kufita 15:14

Dimi mmu gɔ ŋa à gbɔ ideu ŋɔi à yaya do njo. Njo í mu inɛi Filisi ŋa.

Kufita 15:15

Ilaalui ilɛi Edɔmu ŋa zigi nŋa í da, bɛɛbɛ mɔi do inɛ ngboi Moabu. Inɛi Kanaã ŋa mɔ a kù nɛ wɔɔkɔ má.

Ezai 13:7

Na ŋɔi í jɔ̀ inɛi ilɛ ŋau fei à kua gbugbã, nɔ inɛ kãma kù nɛ wɔɔkɔ má.

Ezai 19:1

Idei ijuukpã iyi à fɔ ideɛ si gãmɛi inɛi Ezibiti ŋa wee. Aɔ̃ Lafɛ̃ɛ í gũ antaii kudũi ijĩ gɔ iyi í nɛ wa gbãa. Ezibitii wa naa. Ŋɔi iwɛ̃i inɛi Ezibiti ŋau à waa yaya do njo si wajuɛ. Idɔi inɛi Ezibiti ŋa í dede nɔ à kua gbugbã.

Ezekiɛli 21:15

À kpãai na a kpaò amanɛ. À kpãai hee wa daana. Na nŋu, aa ka maa wɛɛò inɔ didɔ̃? Goloi ama inɛmɔkɔm wa yaako jĩi fei.

Nahumu 2:10

Baa bii à ko wura do isɔ fũfũ ŋau, amanii iluu kaa tã. Amani jiida dimi ikã ikãi wa kɔ̃ si iluu.

Wooda ku kɔsi 1:28

Na mii aa ka koo bɛ, kpaasi nwa ŋau à jɔ̀ à kua gbugbã tã, domi à sɔ̃ wa à ni, inɛ ŋau à la à re wa, nɔ à re wa do kugboka má. Ilu nla nla ku nɛ gbugbã ŋai nɔ à nɛ bindi ŋa iyi kugboka nŋa í bɔ hee lelei Aɔ̃, nɔ à yɛ hee do dimii Anaku ŋa bɛ fei.

Wooda ku kɔsi 20:8

Inɛ ngboi sooge ŋau aa nyi a ni má, bii í jɛ inɛ gɔ í wa si inɔ nŋɛ ihɛ̃ iyi njo wa muu nɔ laakaiɛ kù jɛ akã, lafɛ̃ɛ ku sinda ku nyi ide na ku maà fɔ inɔi kpaasi ŋa iyi à gbe.

Wooda ku kɔsi 4:39

Nnyi í sĩa i mà ŋa nɔ i muu si idɔ nŋɛ iyi Aɔ̃ Lafɛ̃ɛ nŋɛi í jɛ Aɔ̃ Lafɛ̃ɛi lele do ti ilɛ, nɔ inɛ mmu kãma kù wɛɛ má.

Zozue 14:8

Kpaasim ŋa iyi awaò ŋa à naau à fɔ́ inɔi inɛ nwa ŋau, amma amu ǹ too si kpãai Aɔ̃ Lafɛ̃ɛm nii dee dee.

Zozue 2:24

Nɔ à sɔ̃ Zozue à ni, ntɔ ntɔ Aɔ̃ Lafɛ̃ɛ í da nwa ilɛu fei si awɔi, nɔ inɛi ilɛ ŋau fei zigi nŋa í da hee à waa yaya do njo na iri nwa.

Zozue 5:1

Ilaalui inɛi Amɔre ŋa iyi à wa ikpa nunui alɛi idoi Zuudɛ̃ɛu do ilaalui inɛi Kanaã ŋa iyi à wa kɔkɔi tenkuu à gbɔ iyi Aɔ̃ Lafɛ̃ɛ í jɔ̀ inyii idoi Zuudɛ̃ɛu í gbɛ si wajui inɛi Izirɛli ŋa hee à kua. Ŋɔi njo í mu ŋa hee a kaa yɔkɔ a leekĩ si waju nŋa má.

Zozue 7:5

Nɔ inɛi ilui Ai ŋau à kpa amanɛ kuntaa do mɛɛfa si inɔ nŋa. Nɔ à lele inɛ ŋa iyi à gbe ŋau mɔ wa hai anu koofai iluu hee ku naa Sebarimu bi lɔɔmau. Ŋɔi zigii inɛ ŋau í da hee à mɔngɔ temua.

Zozue 9:24

Ŋɔi inɛi Gabaɔ̃ɔ ŋau à jɛa Zozue à ni, mii iyi í jɔ̀ à lasabu à fɔò bɛɛbɛ wee. À gbɔ iyi Aɔ̃ Lafɛ̃ɛɛ í na Moizi woo ce icɛɛ ilɛu ihɛ̃ ku jɛ tu ŋɛ. Nɔ bɛɛbɛ mɔi à gbɔ iyi aa maa kpa inɛ ŋa iyi à wa si ilɛu feii kpɛlɛ kpɛlɛ i maa nɛò wa ŋa. Na nŋu, kuto nŋɛ wa ihɛ̃ í jɔ̀ njo í mu wa ntɔ ntɔ na hunde nwa.

Kuyɛi Zãa 6:16

À waa dɔ̃ anu si iri kuta ŋau do si kuta ŋau à waa ni, i cuku si wa wa, i bii wa ku ba Ilaaɔ̃ ku maà yɛ wa, nŋu iyi wa buba si kitãi bommau. Nɔ i bii wa na idɔɔkɔ̃i ama angudãu ŋa.