Zozue 2:1 - Bibeli do fee

¹ Zozue amai Nunu í bɛ inɛ minji gɔ ŋa do asii hai ilui Sitimu í sɔ̃ ŋa í ni a koo a cɔ yaasei ilɛ iyi í wa icei idou wa, nɔ iyi í re mɔm nŋui í jɛ ilui Zeriko. Ŋɔi inɛ ŋau à koo. Iyi à to Zeriko nɔ à bɔ kpasɛ̃i abo à ta icu gɔ iyi à ya kpe Rahabu, nɔ à sɔ bɛ.

Zozue 2:1 Iomraidhean Croise

Kusintii Andunya 42:16

I bɛ inɛ akã nŋɛ koo gbãa wa, nɔ iŋɛ iyi ì gbe ŋau mɔ n dasi ŋɛ ile piisɔ̃ɔ. Nŋu bɛi á jɔ̀ n mà bii ì waa fɔ ntɔ ŋa. Bii kù jɛ bɛɛbɛ, do gbugbãi Faraɔ̃ ǹ ni iŋɛ woo zamba ŋai.

Kusintii Andunya 42:9

Nɔ Zozɛfu í ye gigii ala ŋa iyi í ce na iri nŋau. Nɔ í sɔ̃ ŋa í ni, iŋɛ woo zamba ŋai. Ì naa ilɛu ku cɔ ŋai ku ba i mà tengi bii gbugbã ku kua nwa í wa ŋa.

Misee 6:5

Iŋɛ inɛm ŋa, i ye gigii laalɔ iyi Balaki ilaalui Moabu í lasabu ku cea bala nŋɛ ŋa wo, nɔ i ye gigii ide iyi Balamu amai Beɔɔ í jɛɛa wa. Hai Sitimu hee ku naa Giligali, bala nŋɛ ŋa à yɛ jiida ŋa iyi amu Aɔ̃ Lafɛ̃ɛ ǹ ce nŋa.

Kuka 13:1

Aɔ̃ Lafɛ̃ɛ í sɔ̃ Moizi í ni,

Kuka 13:2

bɛ inɛ ŋa a koo a cɔ yaasei ilɛi Kanaã iyi an mua iŋɛ inɛi Izirɛli ŋau wa. Amanɛ akã akãi aa nya hai si dimii inɛi Izirɛli ŋau i bɛ ŋa. Aŋa fei inɛ ngbo ŋai aa jɛ.

Kuka 25:1

Inɛi Izirɛli ŋau à wa Sitimu bɛ, nɔ à na à lɔsi sɛ̃ɛ ku tɔtɔɔ do inaaboi Moabu ŋau.

Kuka 33:49

À ce asɔi kɔkɔi idoi Zuudɛ̃ɛu, hai Bɛti-Yesimɔti hee ku bɔ Abɛli-Sitimu si lɔɔmai Moabu ŋau.

Matie 1:5

Salamɔɔ do aboɛ Rahabu à bí Boazi. Boazi mɔ do aboɛ Ruutu à bí Obɛdi. Obɛdi mɔ í bí Izai.

Matie 10:16

Jesu í sɔ̃ ŋa má í ni, wee ǹ wa n bɛ ŋɛ nɔ aa yɛ ŋai bɛi angudã ŋa si inɔi mbo ŋa. Na nŋu, i jɔ̀ i nɛ bisi bɛi njo ŋa, nɔ i jɛ hai ce laalɔ bɛi ankasiidi ŋa.

Efɛɛzu 5:5

I jɔ̀ i mà ŋa kãm kãm iyi woo tɔtɔɔ sɛ̃ɛ hai nɛ yaase do ilu daa sãmi ŋa, kãma nŋa kù nɛ ikpɛ̃ si bommai Ilaaɔ̃ do ti Kirisi. Bɛɛbɛ mɔi hee do ilu binɛ ŋa fei, kãma nŋa kù nɛ ikpɛ̃ si bommai Ilaaɔ̃ do ti Kirisi domi binɛ í yɛi bɛi iwɛ̃ ku tɔɔ.

Ebɛɛ 11:31

Na naanɛ ku dasii, Rahabu abo à ta icuu kù ku do inɛ ŋa iyi a kù jirima Ilaaɔ̃ ajɔ, si na iyi í jɔ̀ í gba woo bɛ ŋau do inɔ akã.

Zaaki 2:25

Bɛɛbɛ mɔi abo à ta icu iyi à ya kpe Rahabuu í ce. Í jɛ amanɛ dee dee si wajui Ilaaɔ̃ na kookoosuɛ ŋa si na iyi í jɔ̀ í gba inɛi Izirɛli woo bɛ ŋau si kpasɛ̃ɛ nɔ í nya ŋa do kpãa mmu.

Zozue 1:18

Inɛ iyi í dondaɛ í kɔ̀ ku jirima mii iyi ì dasiɛ ku ce fei, aa kpa lafɛ̃ɛi. Awɔ de jɔ̀ i mua araɛ gbugbã nɔ i nɛ wɔɔkɔ.

Zozue 2:2

Ŋɔi inɛ gɔ í koo í sɔ̃ ilaalui Zeriko í ni, wee inɛi Izirɛli gɔ ŋa à naa inɔ ilu ihɛ̃ idũuyi a ba a mà yaasei ilɛ nwau.

Zozue 21:31

do Helikati do Rehobu do ilɛɛko nŋa ŋa.

Zozue 3:1

Ŋɔi Zozue í dede daadaakɔ í nɛ hai Sitimu do inɛi Izirɛli ŋau fei. Iyi à to itĩi idoi Zuudɛ̃ɛu nɔ à buba bɛ hee a maa kua.

Zozue 5:10

Inɛi Izirɛli ŋa à koo à ce asɔ Giligali si lɔɔma iyi í wa kɔkɔi Zeriko, nɔ à jɛ jingaui Iku ku kua alɛi ajɔ maatɛ̃ɛsiai cukpau.

Woo kiiti ŋa 1:23

Sinte titã tɔkui Zozɛfu ŋau à bɛ inɛ gɔ ŋai a koo a cɔ yaasei iluu wa. Iluu Luzii à ya tako à kpoo wo.

Woo kiiti ŋa 18:14

Ŋɔi inɛ miiu ŋa iyi à tako à bɔ yaasei ilɛi Laisi ku cɔu à so ide à sɔ̃ kpaasi nŋa ŋa à ni, ì mà ŋa iyi si ile ŋau ihɛ̃ iwɛ̃ iyi à ce do isɔ iyi à yɔ do iwɛ̃ mmuɛ ŋa má à wa bɛ ŋa? Nsɛi iŋɛ mɔi ì nɛ i lasabu bɛi aa ka ce ŋa.

Woo kiiti ŋa 18:17

Ŋɔi inɛ miiu ŋa iyi à tako à koo à cɔ yaasei ilɛu à lɔ inɔ ileu nɔ à so iwɛ̃ ikã ikã ŋa iyi à wa bɛu fei. Waati bɛɛbɛ, woo weeu wa leekĩ anu koofa bɛ do amanɛ cĩɔ mɛɛfa ŋa iyi à waa mu jĩnɛi igũ nŋa ŋau.

Woo kiiti ŋa 18:2

Ŋɔi à cica ilu wɔɔkɔ miiu si inɔ nŋa, nɔ à bɛ ŋa hai ilui Sora do Esetaɔlu à ni a koo a cɔ yaasei ilɛu wa. Ŋɔi inɛ ŋau à koo nɔ à to ilɛi iri kutai Efaraimu ŋa nɔ à bɔ hee kpasɛ̃i Mika à koo à sũ bɛ.