Zozue 18:7 - Bibeli do fee

⁷ Amma tɔkui Levii ŋa a kaa ba ikpɛ̃ kãma si ilɛu, domi aŋai à jɛ woo weei Aɔ̃ Lafɛ̃ɛ ŋa, nɔ iyi bɛi í jɛ tubu nŋa. Nɔ dimii Gadi do dimii Rubɛ̃ɛ do bubui dimii Manasee ŋa, inɛ nŋu ŋau à ba ilɛ nŋa ikpa nunui daakɔi idoi Zuudɛ̃ɛu tã. Moizi woo ce icɛi Aɔ̃ Lafɛ̃ɛui í kpɛ̃ nŋa.

Zozue 18:7 Iomraidhean Croise

Kuka 18:20

Ŋɔi Aɔ̃ Lafɛ̃ɛ í nyi í sɔ̃ Arɔ̃ɔ má í ni, i kaa ba ikpɛ̃ si ilɛ iyi an mua inɛi Izirɛli ŋa a kpɛ̃u. Amui an jɛ ikpɛ̃ iyi aa ba, nɔ amui an jɛ tubuɛ si inɔi inɛi Izirɛli ŋau.

Kuka 18:23

Inɛi Levii ŋai aa ya ce icɛi ile bi kukou, nɔ bii à ce dulum, aŋai aa ya yɛ ijuukpãi ndu ŋa. Woodau ihɛ̃i aa maa too si hee do ajɔ fei ŋa do tɔku nŋɛ ŋa. Inɛi Levii ŋa a kaa nɛ ikpɛ̃ kãma do inɛi Izirɛli ŋau.

Kuka 18:7

Amma awɔ Arɔ̃ɔ, awɔ do amaɛ ŋa i ya ce icɛi kuwee ŋau bi ku ce kuweeu do ile iyi í re do kumáu iyi í wa do anyii acɔ iyi í fɛɛfɛ ile iyi í re do kumáu do iyi í máu. Amui ǹ ce nŋɛ amuai icɛu bɛ. Bii inɛ mmu gɔ í maai wa bɛ, aa kpaai.

Wooda ku kɔsi 10:9

Na nŋu bɛi í jɔ̀ dimii inɛi Levii ŋa a kù ba ikpɛ̃ si kukpɛ̃i ilɛu bɛi dimi iyi ihɔ̃ ŋa. Tubui inɛ nŋu ŋaui í jɛ Aɔ̃ Lafɛ̃ɛ ku cea icɛ si bɛi Aɔ̃ Lafɛ̃ɛ nŋɛ takaɛ í sɔ̃ ŋa.

Zozue 12:6

Moizi woo ce icɛi Aɔ̃ Lafɛ̃ɛ do inɛi Izirɛli ŋa à jɛ ilaalu minji ŋau bɛ igũ nɔ Moizi í kpɛ̃a dimii Rubɛ̃ɛ do dimii Gadi do bubui dimii Manasee ŋa ilɛi inɛ ŋau.

Zozue 13:33

Amma kù na dimii Levii ŋa ilɛ kãma. Aɔ̃ Lafɛ̃ɛi inɛi Izirɛli ŋaui í jɛ tubu nŋa si bɛi nŋu takaɛ í tako í sɔ̃ ŋa tã.