Zozue 18:6 - Bibeli do fee

⁶ Na nŋu, iŋɛ aa koo i cɔ yaase bɛi aa ce ikpɛ̃i ilɛu ŋai ikɔ mɛɛje, nɔ i naa i nyisim bɛi ì coo ŋa. Nɔ amui an ta nŋɛ kpasa ihɛ̃ si wajui Aɔ̃ Lafɛ̃ɛ nwa.

Zozue 18:6 Iomraidhean Croise

Iri ku kɔ̃ 105:11

Si akabuuu í fɔ í ni, amu Aɔ̃ Lafɛ̃ɛ an na ŋɛ ilɛi Kanaã ku jɛ tubu nŋɛ.

Mɔnda ŋa 16:33

Amanɛ ŋa à ya sɔ acĩ kpasai a ceò kubee, amma mii iyi á na ku ce fei í wa awɔi Aɔ̃ Lafɛ̃ɛ.

Mɔnda ŋa 18:18

Kpasai í ya kpa irii kakɔɔ, nɔ nŋui í ya la baa inɛ nla ŋa ija.

Kuka 33:54

Aa ta kpasai i kpɛ̃ò ilɛu ŋa si bɛi nyaanze nŋɛ ŋau à to. Inɛ ŋa iyi à kpɔ, i na ŋa ku la ŋa, inɛ ŋa mɔ iyi a kù kpɔ, i na ŋa keeke ŋa. Inɛ fei á ba titɛɛi si kpasa iyi aa tau. Aa baa ŋai ku jɛ tu ŋɛ si bɛi dimii baa nŋɛ ŋau í to.

Kuka 34:13

Moizi í sɔ̃ inɛi Izirɛli ŋau í ni, ilɛ iyi Aɔ̃ Lafɛ̃ɛ í jilɔɔ si nŋu ku mu nŋɛu mbɛ. Aa kpɔ̃ɔ ŋai si dimi mɛɛsã ŋau do dimi fiti bubuu. Kpasai aa ta si ŋa inɛ fei ku bɛi ku baò titɛɛ.

Woo bɛ ŋa 13:19

Í kpa dimi ikã ikã mɛɛje si ilɛi Kanaã nɔ í so ilɛ nŋau í na ŋa í jɛ tu ŋa.

Zozue 14:2

Si kukpɛ̃i inyau à ta kpasai si dimi mɛɛsã do bubu ŋa iyi a kù tako a kù bau si bɛi Aɔ̃ Lafɛ̃ɛ í sɔ̃ Moizi wo.

Zozue 18:10

Nɔ Zozue í ta nŋa kpasau Siloo bɛ si wajui Aɔ̃ Lafɛ̃ɛ, nɔ í cea inɛi Izirɛli ŋau ikpɛ̃i ilɛu, í na dimi fei iyi í jɛ tɛɛ.

Zozue 18:7

Amma tɔkui Levii ŋa a kaa ba ikpɛ̃ kãma si ilɛu, domi aŋai à jɛ woo weei Aɔ̃ Lafɛ̃ɛ ŋa, nɔ iyi bɛi í jɛ tubu nŋa. Nɔ dimii Gadi do dimii Rubɛ̃ɛ do bubui dimii Manasee ŋa, inɛ nŋu ŋau à ba ilɛ nŋa ikpa nunui daakɔi idoi Zuudɛ̃ɛu tã. Moizi woo ce icɛi Aɔ̃ Lafɛ̃ɛui í kpɛ̃ nŋa.

Zozue 18:8

Ŋɔi inɛ ŋa iyi à cica a koo a cɔ yaasei ilɛu, à waa ce sɔɔlu a ba a nɛ. Amma hee a maa nɛ Zozue í sɔ̃ ŋa í ni, i koo i dabii si ilɛu i cɔ yaaseɛ wa sãa sãa nɔ i na i sisiim bɛi í jɛ ŋa. Bii ì baa ŋa an ta kpasa si wajui Aɔ̃ Lafɛ̃ɛ ilui Siloou ihɛ̃ nɔ n na iŋɛ fei iyi í jɛ tu ŋɛ.