Zozue 18:16 - Bibeli do fee

¹⁶ Hai bɛ nɔ í naa kɔkɔi iri kuta iyi í wa tengii lɔɔmai amai Hinɔmu do ikpa awɔ njɛi kpãai inunu si lɔɔmai inɛi Refai ŋau. Nɔ í too lɔɔmai amai Hinɔmuu wa í na í lɔ cingaai ilɛi inɛi Zebusi ŋau do ikpa awɔ cangai kpãai inunu nɔ í bɔ hee Eni-Rogɛli.

Zozue 18:16 Iomraidhean Croise

Samuɛli 2, 17:17

Ŋɔi Zonatãa do Ahimati à wa Eni-Rogɛli. A ci ya lɔ inɔ ilu Zeruzalɛmu domi à waa ce njo inɛ ŋa a maà na a yɛ aŋa. Ŋɔi Sadɔku do Abiataa à bɛ abo a ce icɛ gɔ koo sɔ̃ ŋa ideu nɔ aŋa mɔ a koo a sɔ̃ Davidi.

Samuɛli 2, 5:18

Iyi inɛi Filisi ŋau à to Refaimu ŋɔi à fangaa si lɔɔmau.

Ilaalu 1, 1:9

Ajɔ nŋu gɔ, Adonia í koo í ce kuwee do angudã ŋa do kɛtɛ kombo ŋa do mɛɛmu ku nɛ ikpo ŋa kɔkɔi kutai Zohelɛti iyi í wa cingaai Eni-Rogɛli. Nɔ í kpe ifɔ do igbãɛ ŋa iyi à jɛ amai ilaalu ŋau fei do inɛi Zudaa ŋa iyi à waa cea ilaalu icɛ ku jɛ.

Ilaalu 2, 23:10

Ŋɔi ilaaluu í lɛgɛ bi kuwee iyi í wa Tofɛti. Tofɛtiu si lɔɔmai Hinɔmui í wa. Í lɛgɛɛi ku ba inɛ kãma ku maà jo amaɛ ku ceaò iwɛ̃ Molɔku kuwee má.

Bomma 1, 14:9

Iyi inɛi Filisi ŋau à to Refaimu ŋɔi à fangaa si lɔɔmau.

Bomma 2, 28:3

Í koo í jo tuae ŋa si lɔɔmai amai Hinɔmu ŋa, nɔ í kpa amaɛ ŋa í ceò kuwee. Bɛɛbɛi í ce í tooò si kuce laalɔi inɛi ilɛ ŋa iyi Aɔ̃ Lafɛ̃ɛ í lele si wajui inɛi Izirɛli ŋau.

Bomma 2, 33:6

Nɔ í so amaɛ ŋa í jo ŋa í ceò kuwee si lɔɔmai Hinɔmu. Í ya ce alisi nɔ í ce dobu dobu ŋa. Nɔ í jilɛ inɛ ŋa iyi à ya ba iku ŋa ide ku fɔ má nɔ à ya fɔ mii iyi á na ku ce. Í ce mii iyi kù dɔ̃a Aɔ̃ Lafɛ̃ɛ si í dedeò idɔɔkɔ̃ɛ.

Ezai 30:33

Hai ku kpɛi à ce sɔɔlui jĩi ŋa à tɔtɔɔɛ. À cooi na irii ilaalu si afe gɔ iyi í cĩ nɔ í jĩisa. Tengi bɛi aa dasi jĩi nkpɔ nkpɔu ina. Fufui kumii Aɔ̃ Lafɛ̃ɛi á dasi inau, nɔ inau á dedei bɛi inai fainwita.

Zeremi 19:11

nɔ i sɔ̃ ŋa i ni, Aɔ̃ Lafɛ̃ɛi lele do ilɛ í ni, do yaase bɛɛbɛi an lɛgɛ inɛ ŋau ihɛ̃ do iluu ihɛ̃ bɛi à ya lɛgɛ cakai amà, nɔ a kaa yɔkɔ a teeseɛ má. Nɔ Tofɛti bɛi aa si iku ŋau, domi inya kaa wɛɛ bii gɔ má.

Zeremi 19:2

Fita hai do ikpa lɔɔmai Bɛni-Hinɔmu iyi í wa ikpa andɛ koofai caka kuku ŋau. Tengi bɛi aa dɔ̃ anu i sɔ̃ ŋa ide ŋa iyi an sɔ̃ɛu.

Zeremi 19:6

Ŋɔi Aɔ̃ Lafɛ̃ɛ í nyi í ni má, na nŋu, ajɔ ŋa wa naa iyi a kaa kpe inyau ihɛ̃ Tofɛti walakɔ lɔɔmai Bɛni-Hinɔmu má. Amma aa kpooi lɔɔmai inɛ ku kpa.

Zeremi 32:35

À maa iwɛ̃ nŋa iyi à ya kpe Baaliu inya kugboka ŋa si lɔɔmai Bɛni-Hinɔmu. À cooi ku ba a ya so ama inɛmɔkɔ do ama inaabo nŋa ŋa a ceaò iwɛ̃ nŋa iyi à ya kpe Molɔkuu kuwee si bɛ. Nɔ kuce iyi bɛ, kù jɛ amui ǹ na ŋa woodaɛ, nɔ kù naa baa si lasabum mɔm. Daa sãmi bɛɛbɛ ŋai à ce à taleò inɛi Zudaa ŋa si laalɔ ku ce.

Zozue 15:63

Tɔkui Zudaa ŋau a kù yɔkɔ a kù lele inɛi Zebusi ŋa iyi à wa ilui Zeruzalɛmu, nɔ inɛ ŋau à wa si iluu do inɛi Zudaa ŋa hee do nnyi fei.

Zozue 18:28

do Sela do Elɛfu do Zebusi waatɔ Zeruzalɛmu do Gibea do Kiria, nɔ nŋu mɔ í ce ilu maatɛ̃ɛ do ilɛɛko nŋa ŋa fei. Fei ndɛɛ í jɛ ikpɛ̃i nyaanzei dimii Bɛnzamɛɛ ŋa.

Woo kiiti ŋa 1:21

Tɔkui Bɛnzamɛɛ ŋa a kù yɔkɔ a kù lele inɛi Zebusi ŋa iyi à wa Zeruzalɛmuu, nɔ inɛ nŋu ŋau à wa bɛ baa nsɛi do tɔkui Bɛnzamɛɛ ŋau.

Woo kiiti ŋa 1:8

Inɛi Zudaa ŋau à koo si ilui Zeruzalɛmu, ŋɔi à jɛ inɛɛ ŋa igũ, à kpa ŋa nɔ à jo iluu.

Woo kiiti ŋa 19:10

Amma si tuuba nŋu bɛi, inɛɛu kù jɛ ku sũ má, nɔ í dede í dasi kpãa nŋu do aboɛ do gbankɛlɛ minjiɛ ŋa iyi í dĩa gaayiu nɔ à nɛ à to kɔkɔi Zebusi, waatɔ Zeruzalɛmu.