Zozue 18:12 - Bibeli do fee

¹² Do ikpa awɔ njɛi kpãai inunu kɔɔ nŋa í wai hee idoi Zuudɛ̃ɛ nɔ í mɔsi do ikpa cingaai Zeriko ikpa awɔ njɛi kpãai inunu, nɔ í nɛ do ikpa nunui alɛ í koo í kua iri kuta gɔ bɛ, nɔ í koo í kãsi gbaai Bɛti-Avɛni.

Zozue 18:12 Iomraidhean Croise

Ozee 10:5

Inɛi ilui Samari ŋa aa wɛɛò inɔ kufɔ na ama kɛtɛi Bɛti-Avɛni. Zamaaɛ ŋa do woo weeɛ ŋa, aa wɛɛò inɔ kufɔi ikui iwɛ̃ui. Aa maa yayai na iriɛ na bɛɛrɛɛ iyi wa nɛ ilɛ mmu hee jĩijĩ.

Ozee 4:15

Iŋɛ inɛi Izirɛli ŋa, sakarai ì waa ce ŋa. Amma iŋɛ inɛi Zudaa ŋa, i maà dasi ara nŋɛ kurara dimi bɛɛbɛ ŋa. I maà bɔ Giligali bi kutɔɔ iwɛ̃u ŋa, nɔ i maà bɔ Bɛti-Avɛni ŋa. Nɔ i maà ya fɔ ide do kugbasi i ni ŋa, hee do kuwɛɛi Aɔ̃ Lafɛ̃ɛ fei.

Ozee 5:8

I fã kuu si ilui Gibea ŋa, nɔ i fã kãakãakĩ si ilui Rama ŋa. I dɔ̃ anui igũ si ilui Bɛti-Avɛni, iŋɛ tɔkui Bɛnzamɛɛ ŋa.

Zozue 16:1

Ilɛ iyi à kpɛ̃a tɔkui Zozɛfu ŋau si kpasa iyi à tau í wai hai idoi Zuudɛ̃ɛ kɔkɔi Zeriko do ikpa nunui daakɔi idoi Zerikou. Hai Zeriko kɔɔu í kua gbaaui í bɔ si ilɛ ku nɛ iri kuta ŋau hee ku bɔ Betɛli.

Zozue 18:11

Ŋɔi à ta kpasau. Iyi à taa, dimii Bɛnzamɛɛ ŋai í so sinteu. Nɔ aa ce ikpɛ̃ui si nyaanze nŋa ŋau ikã ikã. Ilɛ nŋau í wai si afei ilɛi tɔkui Zudaa ŋau do ti tɔkui Zozɛfu ŋau.

Zozue 2:1

Zozue amai Nunu í bɛ inɛ minji gɔ ŋa do asii hai ilui Sitimu í sɔ̃ ŋa í ni a koo a cɔ yaasei ilɛ iyi í wa icei idou wa, nɔ iyi í re mɔm nŋui í jɛ ilui Zeriko. Ŋɔi inɛ ŋau à koo. Iyi à to Zeriko nɔ à bɔ kpasɛ̃i abo à ta icu gɔ iyi à ya kpe Rahabu, nɔ à sɔ bɛ.

Zozue 3:16

ŋɔi kucãi inyiu í da hai bii à wau í nɛ hee jĩijĩ kɔkɔi ilu gɔ iyi à ya kpe Adamu iyi í wa kɔkɔi Zaataniu. Inyi kãma kù cã kù waa bɔ ikpa bi Tenku ku da Imuu má, nɔ inɛ ŋau à kua idoi Zuudɛ̃ɛu si tengii Zeriko suusuu.

Zozue 6:1

Wee inɛi Zeriko ŋa à cĩmbo anu koofai ilu nŋa fei dim dim na irii inɛi Izirɛli ŋa. Inɛ kãma ci ya lɔ nɔ inɛ kãma mɔ ci ya fita.

Zozue 7:2

Ŋɔi hai Zeriko bɛ Zozue í bɛ inɛ gɔ ŋa ikpa Ai, ilu iyi í wa ikpa nunui daakɔi Betɛliu kɔkɔi Bɛti-Avɛni í ni a koo a cɔ yaase bɛi iluu í yɛ do ilɛ ŋa iyi à waa kaakoɛ. Nɔ inɛ ŋau à koo à cɔ yaasei iluu.

Zozue 8:15

Ŋɔi Zozue do inɛi Izirɛli ŋau fei à jɔ̀ à waa le ŋa nɔ à sa à waa nɛ ikpa gbaau.

Samuɛli 1, 13:5

Ŋɔi inɛi Filisi ŋau à tɔtɔɔ ku ba a ba inɛi Izirɛli ŋau igũ ku ce. À nɛ sarɛtii igũ dubu mɛɛta (3.000) do masa dubu mɛɛfa (6.000) do sooge ŋa iyi akpɔ nŋa í to baa sãai acĩi ido. Ŋɔi à na à buba ilui Mikimasi ikpa nunui daakɔi Bɛti-Avɛni.