Zozue 18:10 - Bibeli do fee

¹⁰ Nɔ Zozue í ta nŋa kpasau Siloo bɛ si wajui Aɔ̃ Lafɛ̃ɛ, nɔ í cea inɛi Izirɛli ŋau ikpɛ̃i ilɛu, í na dimi fei iyi í jɛ tɛɛ.

Zozue 18:10 Iomraidhean Croise

Bomma 1, 24:5

À kpɛ̃ ŋai si yaase bɛi kpasa í so ŋa. Inɛ ngboi ile kumáu do inɛ ngboi woo ce icɛi Ilaaɔ̃ ŋau, tɔkui Eleazaa ŋa do ti Itamaa ŋai.

Neemi 11:1

Ŋɔi inɛ ngboi zamaa ŋau à buba Zeruzalɛmu. Nɔ à taa zamaa iyi í gbeu kpasa ku ba a so inɛ akã si inɔi inɛ mɛɛwa fei koo buba Zeruzalɛmu ilu kumáu. Nɔ inɛ mɛɛsã mɛɛsã iyi à gbe a koo a buba si ilu nŋa ŋa.

Iri ku kɔ̃ 47:4

Nŋui í ya da nwa inɛ ŋa si awɔ, nɔ ka tɛɛsɛ ŋa do kutɛ.

Iri ku kɔ̃ 61:5

Ǹ bi n maa n wai si kpasɛ̃ɛ do ajɔ fei, ku ba i biim do ikpaɛ ŋa. Kusĩmi.

Mɔnda ŋa 18:18

Kpasai í ya kpa irii kakɔɔ, nɔ nŋui í ya la baa inɛ nla ŋa ija.

Zeremi 7:12

Debɛi ǹ wa n tɔɔ ŋɛi i bɔ Siloo ŋa si inya bii à cicaam nɔu wo. Tengi bii í tako í jɛ bi kuwam nɔu, nɔ i cɔ bɛi ǹ ceaa ŋa, na inɔ kukãi Izirɛli inɛm ŋau.

Ezekiɛli 47:22

Aa ta kpasa i kpɛ̃ò ilɛu ŋai si gãmɛ nŋɛ do si inɛ njoo ŋa iyi à wa bi tu ŋɛ iyi à bí amu ŋa si anini nŋɛ. Aa doo ŋa ŋai bɛi ilu ide ŋa si inɔi iŋɛ inɛi Izirɛli ŋau. Aŋa mɔ aa ba ikpɛ̃ nŋai bɛi dimii inɛi Izirɛli ŋau.

Ezekiɛli 48:29

Ilɛ iyi iŋɛ inɛi Izirɛli ŋau aa kpɛ̃ ŋa mbɛ do kpasa nɔ dimi fei ku ba titɛɛ. Amu Aɔ̃ Lafɛ̃ɛi ǹ fɔ bɛɛbɛ.

Misee 2:5

Na nŋu, baa inɛ akã nŋɛ kaa ba tubu si ilɛ ŋa iyi aa na a sisi a kpɛ̃a inɛi Aɔ̃ Lafɛ̃ɛ ŋa.

Kuka 34:16

Aɔ̃ Lafɛ̃ɛ í sɔ̃ Moizi í ni,

Matie 27:35

Ŋɔi à kpakpaɛ si jĩi ku gaauu nɔ à ta kpasa si jĩnɛ ŋa iyi wa dasiu à ce ikpɛ̃ɛ.

Laabaau jiida iyi Zãa í kɔ 17:2

nɔ inɛ ŋa iyi ì nam fei n mu nŋa kuwɛɛ hai tã si bɛi ì muum yiiko si inɛ fei.

Woo bɛ ŋa 13:19

Í kpa dimi ikã ikã mɛɛje si ilɛi Kanaã nɔ í so ilɛ nŋau í na ŋa í jɛ tu ŋa.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Kolosee 1:12

I ya maa saabu Ilaaɔ̃ Baaba do inɔ didɔ̃ ŋa, nŋu iyi í jɔ̀ ì nɛ ikpɛ̃ si tubu iyi í jilɛa woo dasi naanɛ ŋa si inya kumá.

Zozue 14:2

Si kukpɛ̃i inyau à ta kpasai si dimi mɛɛsã do bubu ŋa iyi a kù tako a kù bau si bɛi Aɔ̃ Lafɛ̃ɛ í sɔ̃ Moizi wo.

Zozue 14:5

Inɛi Izirɛli ŋau à kpɛ̃ ilɛui dee dee si bɛi Aɔ̃ Lafɛ̃ɛ í na Moizi woodau.

Zozue 18:11

Ŋɔi à ta kpasau. Iyi à taa, dimii Bɛnzamɛɛ ŋai í so sinteu. Nɔ aa ce ikpɛ̃ui si nyaanze nŋa ŋau ikã ikã. Ilɛ nŋau í wai si afei ilɛi tɔkui Zudaa ŋau do ti tɔkui Zozɛfu ŋau.

Zozue 18:6

Na nŋu, iŋɛ aa koo i cɔ yaase bɛi aa ce ikpɛ̃i ilɛu ŋai ikɔ mɛɛje, nɔ i naa i nyisim bɛi ì coo ŋa. Nɔ amui an ta nŋɛ kpasa ihɛ̃ si wajui Aɔ̃ Lafɛ̃ɛ nwa.

Zozue 18:8

Ŋɔi inɛ ŋa iyi à cica a koo a cɔ yaasei ilɛu, à waa ce sɔɔlu a ba a nɛ. Amma hee a maa nɛ Zozue í sɔ̃ ŋa í ni, i koo i dabii si ilɛu i cɔ yaaseɛ wa sãa sãa nɔ i na i sisiim bɛi í jɛ ŋa. Bii ì baa ŋa an ta kpasa si wajui Aɔ̃ Lafɛ̃ɛ ilui Siloou ihɛ̃ nɔ n na iŋɛ fei iyi í jɛ tu ŋɛ.

Zozue 18:9

Ŋɔi inɛ ŋau à koo à dabii si ilɛu fei, nɔ à ce yaasei kukpɛ̃ɛ à kɔɔ si tia gɔ ikɔ mɛɛje. Si anyiɛ nɔ à baa à naa à ba Zozue Siloo.

Zozue 19:51

Yaase bɛi Eleazaa woo weeu do Zozue amai Nunu do inɛ ngboi kpasɛ̃ ŋau à kpɛ̃a inɛi Izirɛli ŋau ilɛu mbɛ. Kpasai à ta à ceò ikpɛ̃u anu ile bi kukou si wajui Aɔ̃ Lafɛ̃ɛu ilui Siloo. Si bɛɛbɛi à ceò ikpɛ̃i ilɛu à kpa iriɛ.

Zozue 23:4

I cɔ, si kpasa iyi à tau ǹ kpɛ̃ nŋɛ ilɛi inɛ ŋa iyi ǹ jɛ igũu si dimi do dimi hee do ti inɛ ŋa iyi à gbeò ku kãmia ŋau. Ilɛ ŋau à wai hai idoi Zuudɛ̃ɛu do ikpa nunui daakɔ hee ku bɔ bi Tenkui Mediteraneeu ikpa nunui alɛ.