Zozue 18:1 - Bibeli do fee

¹ Ŋɔi inɛi Izirɛli ŋau à kãmia inɛi ilɛ ŋau, nɔ aŋa fei à koo à tɔtɔɔ Siloo, nɔ à jilɛ ilei acɔ iyi à ya kpe ile bi kukou tengi bɛ bii aa ya naa a tɔɔ Aɔ̃ Lafɛ̃ɛ.

Zozue 18:1 Iomraidhean Croise

Samuɛli 2, 7:6

N kù sũ si ile hai ajɔ iyi ǹ nya inɛi Izirɛli ŋa wa hai ilɛi Ezibiti hee ku baa nnyi. Ǹ ya n wai si ilei acɔ tengi bii à waa bɔ fei.

Ilaalu 1, 14:2

Ŋɔi Zeroboamu í sɔ̃ aboɛ í ni, ǹ wa n tɔɔɛi, dede i kpaasi araɛ ku ba a maà mà iyi awɔ abom nii, nɔ i bɔ Siloo. Ahiya waliiu í wa bɛ. Nŋui í sɔ̃m í ni an jɛ ilaalui zamaau ihɛ̃ fei.

Ilaalu 1, 14:4

Ŋɔi aboi Zeroboamu í ce bɛɛbɛ. Í dede í bɔ Siloo, nɔ í koo í lɔ kpasɛ̃i Ahiya. Ahiya wee kù waa yɛ ilu má na agboɛ.

Ilaalu 1, 2:27

Ŋɔi Salomɔɔ í nyaa si icɛi kuweeu. Do yaase bɛɛbɛi ide iyi Aɔ̃ Lafɛ̃ɛ í fɔ si gãmɛi kpasɛ̃i Elii ilui Siloou í kɔ̃.

Neemi 9:24

Ntɔ ntɔ à lɔ si ilɛu nɔ ì so inɛi Kanaã ŋa ì da nŋa si awɔ ì jɔ̀ à kãmia ŋa à gba ilɛ nŋau. Nɔ ì jɔ̀ à cea inɛi ilɛ ŋau do ilaalu nŋa ŋa bɛi à bi.

Iri ku kɔ̃ 78:60

Ŋɔi í sɛkɛɛ hai Siloo bi kuwaɛ, si ilei acɔ bii í wa si inɔi amanɛ ŋau.

Iri ku kɔ̃ 78:66

Í cã mbɛɛɛ ŋa í lele ŋa í dasi ŋa anyɔ do ajɔ fei.

Zeremi 26:6

Bii i kù waa jɛ ku gbɔ idem ŋa, an lɛgɛ kpasɛ̃i amu Aɔ̃ Lafɛ̃ɛu ihɛ̃i bɛi ǹ lɛgɛ ti Siloou. Nɔ an jɔ̀ Zeruzalɛmu ku baa ku jɛ yaase iyi inɛi andunya fei á ya so ku ceekpeò.

Zeremi 26:9

Bɛirei í ce ì jɛ ì waa ce walii do irii Aɔ̃ Lafɛ̃ɛ ì waa ni, aa lɛgɛ kpasɛ̃i Aɔ̃ Lafɛ̃ɛu ihɛ̃ bɛi à lɛgɛ ti Siloou nɔ iluu ihɛ̃ ku baa ku kpɔò bomma inɛ kãma kaa wa si. Ŋɔi zamaau fei í naa í tɔtɔɔ í kaako Zeremi si bantumai kpasɛ̃i Aɔ̃ Lafɛ̃ɛu.

Zeremi 41:5

inɛ cinɛ gɔ ŋa à naa hai Sikɛmu do hai Siloo do hai Samari. Inɛ ŋau à wa agbã nŋa ŋa à bɛi à dasi ibɔ ku ga ŋa nɔ à bububu ara nŋa ŋa. Inɛ ŋau à waa mu amua ŋa do tuae iyi aa koo a ceò kuwee si inɔ kpasɛ̃i Aɔ̃ Lafɛ̃ɛ.

Kuka 32:22

bii ì sinda ì baa nŋɛ wa waati iyi inɛi ilɛ ŋau a sũa Aɔ̃ Lafɛ̃ɛ iri ilɛ, waati bɛɛbɛ aa jɛ inɛ ŋa iyi a kù nɛ taale kãma bi Aɔ̃ Lafɛ̃ɛ do bi inɛi Izirɛli ŋa nɔ Aɔ̃ Lafɛ̃ɛ á mu nŋɛ ilɛu ihɛ̃.

Woo bɛ ŋa 7:45

Ilei acɔu, bala nwa ŋa iyi à naa si anyii inɛ sinte ŋau, aŋa do Zozue woo cua nŋa à soo à nɛò wa ilɛu ihɛ̃. Ilɛu Ilaaɔ̃i í lele dimi ŋa iyi à tako à wa si wo. Nɔ ilei acɔu í wa ihɛ̃ hee waatii ilaalu Davidi.

Zozue 18:2

Si inɔ nŋa dimi mɛɛjei í gbe iyi a kù ba ikpɛ̃ nŋa si ilɛu titã.

Zozue 18:8

Ŋɔi inɛ ŋa iyi à cica a koo a cɔ yaasei ilɛu, à waa ce sɔɔlu a ba a nɛ. Amma hee a maa nɛ Zozue í sɔ̃ ŋa í ni, i koo i dabii si ilɛu i cɔ yaaseɛ wa sãa sãa nɔ i na i sisiim bɛi í jɛ ŋa. Bii ì baa ŋa an ta kpasa si wajui Aɔ̃ Lafɛ̃ɛ ilui Siloou ihɛ̃ nɔ n na iŋɛ fei iyi í jɛ tu ŋɛ.

Zozue 19:51

Yaase bɛi Eleazaa woo weeu do Zozue amai Nunu do inɛ ngboi kpasɛ̃ ŋau à kpɛ̃a inɛi Izirɛli ŋau ilɛu mbɛ. Kpasai à ta à ceò ikpɛ̃u anu ile bi kukou si wajui Aɔ̃ Lafɛ̃ɛu ilui Siloo. Si bɛɛbɛi à ceò ikpɛ̃i ilɛu à kpa iriɛ.

Zozue 21:2

à ba ŋa ide ku fɔ Siloo bɛ si ilɛi Kanaã à sɔ̃ ŋa à ni, Aɔ̃ Lafɛ̃ɛ í sɔ̃ Moizi í ni a na wa ilu ŋa bii aa ka buba, nɔ a na wa tengi bii mɛɛmu nwa ŋa aa ya jɛ kɔkɔi ilu ŋau.

Zozue 22:12

Iyi inɛi Izirɛli ŋau à gbɔ laabaauu bɛɛbɛ, ŋɔi aŋa fei à koo à tɔtɔɔ Siloo bɛ ku ba a koo si ŋa igũ.

Zozue 22:19

Bii í jɛ ntɔ ntɔ ì yɔɔ ŋa iyi ilɛ iyi à na ŋɛu í nɛ riisii, i baa wa si ilɛ iyi í jɛ ti Aɔ̃ Lafɛ̃ɛ takaɛu ŋa, tengi bii bi kuwai nŋu takaɛ í wa, nɔ i buba si anini nwa ŋa. Amma i maà kɔ̀ ide bi Aɔ̃ Lafɛ̃ɛ ŋa do bi tu wa i koo i ma bi kuwee nŋɛ ikã iyi kù jɛ ti Aɔ̃ Lafɛ̃ɛ nwa.

Zozue 22:9

Dimii Rubɛ̃ɛ ŋa do dimii Gadi ŋa do dimi bubui Manasee ŋau à nyi ide nŋa. À dede à jɔ̀ inɛi Izirɛli iyi ihɔ̃ ŋau Siloo bɛ si ilɛi Kanaã à nɛ ikpa ilɛi Galaadi, ilɛ iyi à na ŋa si ikpɛ̃u si bɛi Aɔ̃ Lafɛ̃ɛ í sɔ̃ Moiziu.

Woo kiiti ŋa 18:31

Mii iyi Mika í ce iyi í jɔ iwɛ̃u, nŋui à ya maa tɔɔ si waati iyi ilei Ilaaɔ̃u í wa Siloo.

Woo kiiti ŋa 21:12

Nɔ à ce bɛi à sɔ̃ ŋau. Si ilui Yabɛsi, mudɛ̃ɛ cĩɔ mɛɛi (400) í wa bɛ iyi a kù mà mɔkɔ. Ŋɔi à gbã ŋa à baaò ŋa wa Siloo bii à ce asɔ si ilɛi Kanaãu.

Woo kiiti ŋa 21:19

Ŋɔi à ye gigi iyi jingau iyi à ya ce Siloo adɔ̃ feiu í maai wa. Hai Betɛli, Siloou í wai do ikpa awɔ njɛi kpãai inunu. Hai Lebona mɔ, í wai do ikpa awɔ cangai kpãai inunu, nɔ í wai do ikpa nunui daakɔi kpãa iyi í dede hai Betɛli wa bɔ Sikɛmu.

Samuɛli 1, 1:24

Iyi í kpotoɛ, do iyi í wɛɛ keeke fei, í bɔòɛ kpasɛ̃i Ilaaɔ̃ Siloo bɛ. Ana do mɔkɔɛ à mu ama kɛtɛi adɔ̃ mɛɛta do iyafũ saaki akã do bɔgɔ batai atɛ̃ vɛ̃ɛ.

Samuɛli 1, 1:3

Nɔ adɔ̃ fei mɔkɔu í ya bɔ Siloo koo tɔɔ Aɔ̃ Lafɛ̃ɛi lele do ilɛ, nɔ ku ceaa kuwee. Siloo bɛi Ɔfini do Fineɛzi amai Elii ŋa à wa, à waa jɛ woo weei Aɔ̃ Lafɛ̃ɛ ŋa.