Zozue 17:18 - Bibeli do fee

¹⁸ Amma iri kutaui á na ku jɛ tu ŋɛ má, domi baa do iyi í nɛ agbo fei, aa daa ŋa nɔ bantumaɛ ku jɛ tu ŋɛ. Nɔ i lele inɛi Kanaã ŋau ŋa baa do iyi à nɛ gbugbã nɔ à nɛ sarɛtii igũ iyi à ce do isɔu.

Zozue 17:18 Iomraidhean Croise

Kusintii Andunya 49:24

Amma ì ya katee biooɛi dim dim, nɔ awɔɛ ŋa a ci ya yaya na saabui Ilaaɔ̃ Lafɛ̃ɛm ilu gbugbã, nŋu iyi í jɛ woo degbe nɔ í jɛ kuta nlai Izirɛli.

Samuɛli 2, 18:6

Ŋɔi à fita à koo à ko inɛi Izirɛli ŋau. Nɔ à ce igũu inɔ agbo nlai Efaraimu.

Romu 8:31

Debɛi bɛirei aa ka fɔ má. Bii Ilaaɔ̃ í jɛ tu wa, yooi á yɔkɔ ku jɛ mbɛɛ nwa.

Romu 8:37

Amma si mii ŋau ihɛ̃ fei à jɛ igũ mam mam na saabui Kirisi iyi í bi wa,

Wooda ku kɔsi 33:17

Bɛɛrɛi í jɛ ti Zozɛfu. Í nɛ gbugbãi bɛi kɛtɛ kombo. Ngo ku nɛ gbugbã minjiɛ ŋai í ya jaò bɛi ifã. Do nŋui í ya cãò inɛi ilɛ ŋa nɔ ku tale ŋa hee kɔɔi andunya. Akãi ngoɛ ŋaui í jɛ dimi nkpɔ nkpɔi Efaraimu. Iyi ihɔ̃ mɔ, zamaa nkpɔ nkpɔi dimii Manasee.

Ebɛɛ 13:6

Na nŋu, aa ka yɔkɔ ka cã gɛndɛ ka ni, Aɔ̃ Lafɛ̃ɛ í jɛ inɛ iyi á sobim. Njo kù waa mum. Mii amanɛ á yɔkɔ ku ceem.

Zozue 13:6

Nɔ aa gba ilu ŋa mɔ iyi à wa si iri kuta ŋau fei ŋai, hai Libãa hee ku bɔ Misirefɔti-Maimu. Ilɛ ŋau bɛ fei ti inɛi Sidɔ̃ɔ ŋai. An lele aŋa feii hai si wajui inɛi Izirɛli ŋau. Kpɛ̃ nŋa ilɛu. Jɔ̀ a ta kpasa, nɔ inɛ fei ku so iyi kpasau í náa si bɛi ǹ tako ǹ sɔ̃ɛu.

Zozue 15:9

Hai antaii iri kutau nɔ í nɛ hee ikpa isɔ̃i Nɛfutoa nɔ í mɔsi hee ikpa ilu ŋa iyi à wa kɔkɔi iri kutai Eforɔ̃ɔu, nɔ í bɔ hee Baala iyi à ya kpe Kiria-Yarimuu.

Zozue 17:17

Ŋɔi Zozue í nyi í sɔ̃ ŋa má í ni, iŋɛ dimii Efaraimu ŋau do bubui dimii Manasee ŋau ì kpɔ nɔ ì nɛ gbugbã ntɔ ntɔ ŋa. Na ŋɔi í jɔ̀ ikpɛ̃ nŋɛ kaa jɛ akã si ilɛu.

Zozue 20:7

Ŋɔi à ce bɛi Aɔ̃ Lafɛ̃ɛ í fɔu. Si ilɛi Galilee à nya ilui Kedɛsi ikã si iri kutai ilɛi inɛi Nɛfitali ŋa, nɔ à nya Sikɛmu ikã si iri kutai ilɛi inɛi Efaraimu ŋa, do Kiria-Aaba iyi à ya kpe Eborɔ̃ɔ si iri kutai ilɛi inɛi Zudaa ŋa.

Samuɛli 1, 1:1

Inɛ gɔ í wɛɛ iyi à ya kpe Elikana, inɛi Efaraimui í jɛ. Ilui Ramai í wa, si ilɛi Sufu bi iri kutai Efaraimu ŋa. Nŋui í jɛ amai Zerohamu, Zerohamu mɔ amai Elihui, Elihu mɔ í jɛ amai Tohu, Tohu mɔ amai Sufui.