Zozue 17:16 - Bibeli do fee

¹⁶ Ŋɔi tɔkui Zozɛfu ŋau à ni, iri kutau kaa to wa, nɔ mɔm inɛi Kanaã ŋa iyi à wa si lɔɔmau fei hai inɛi Bɛti-Seãa ŋa hee do inɛi Yizireɛli ŋa do inɛi ilɛɛko nŋa ŋa fei à nɛ sarɛtii igũ ŋa iyi à ce do isɔ.

Zozue 17:16 Iomraidhean Croise

Ilaalu 1, 18:45

Hee a maa fɔ, lelei Aɔ̃ í kuku do kudũi ijĩu. Ŋɔi fufu í dede, nɔ ijĩu wa wɔ do gbugbã. Nɔ Akabu í gũ sarɛtiɛ wa nɛ Yizireɛli.

Ilaalu 1, 18:46

Ŋɔi Aɔ̃ Lafɛ̃ɛ í mua Elii gbugbã. Nɔ Elii í dĩ kpakaɛ nɔ í sɛi wa cuaa Akabu hee à toò anu koofai Yizireɛli.

Ilaalu 1, 21:1

Si anyi nŋu ŋau mii iyi í ce wee. Mɔkɔ gɔ í wa Yizireɛli à ya kpoo Nabɔti. Í nɛ ikoi jĩi ndii rezɛ̃ɛ kɔkɔi kabai bommai Akabu ilaalui Samari.

Ilaalu 1, 21:23

Aɔ̃ Lafɛ̃ɛ í fɔ idei Zezabɛli mɔ má í ni, aja ŋai aa ŋɔɔ kɔkɔi bindii Yizireɛli.

Ilaalu 1, 4:12

Baana amai Ahiludui í nɛ Taanaki do Mɛgido do ilɛi Bɛti-Seãa fei iyi í wa kɔkɔi Saatãa do ilɛ ilɛi Yizireɛli, hai Bɛti-Seãa wa hee ku bɔ Abɛli-Mehola, hee koo kua Yokimeamu.

Ilaalu 2, 9:10

Aja ŋai aa ŋɔ Zezabɛli si ilui Yizireɛli, inɛ kãma kaa suu. Iyi awaasũu í fɔ ideu í tã ŋɔi í cĩ gambo í fita í sa.

Ilaalu 2, 9:37

Nɔ ikɔ̃i araɛ ŋa iyi à gbeu fei aa fangaaɛi bɛi taasi si iko hee a kaa yɔkɔ a ni, balɛi Zezabɛlii ihɛ̃.

Zeremi 49:2

Ŋɔi Aɔ̃ Lafɛ̃ɛ í ni, na nŋu ajɔ ŋa wee à waa naa si bii an jɔ̀ inɛ ŋa a gbɔ anu ku dɔ̃i igũ si Raba ilu nlai inɛi Amɔɔ ŋa. Iluu á na ku yɛi bɛi kuta ŋa iyi à timbi, nɔ ilu ŋa iyi à wa kɔkɔɛ ŋau fei, aa jo ŋai. Waati bɛɛbɛ, Izirɛli á nyi ku gba mii iyi í jɛ titɛɛu mái.

Zozue 15:56

do Yizireɛli do Yokideamu do Zanoa

Zozue 17:11

Si ilɛi dimii Isakaa ŋa do ti Azɛɛ ŋa, dimii Manasee ŋau à nɛ ilɛ gɔ ŋa bɛ má. Ilɛ ŋau wee. Bɛti-Seãa do Yibileamu do Dɔɔ do Eni-Dɔɔ do Taanaki do Mɛgido do ilɛɛko nŋa ŋa fei. Ilu ŋau bɛ fei si ilɛ mɛɛtai à wa.

Zozue 17:15

Amma Zozue í jɛ nŋa í ni, bii ì kpɔ ŋa, nɔ ilɛi iri kutai Efaraimuu kù waa to nŋɛ, i koo i da agboi inɛi Ferɛzi do inɛi Refai ŋau ihɔ̃ ŋa ku ba bantuma nŋɛu ku la ku kɔ̃ɔsi.

Zozue 17:17

Ŋɔi Zozue í nyi í sɔ̃ ŋa má í ni, iŋɛ dimii Efaraimu ŋau do bubui dimii Manasee ŋau ì kpɔ nɔ ì nɛ gbugbã ntɔ ntɔ ŋa. Na ŋɔi í jɔ̀ ikpɛ̃ nŋɛ kaa jɛ akã si ilɛu.

Zozue 17:18

Amma iri kutaui á na ku jɛ tu ŋɛ má, domi baa do iyi í nɛ agbo fei, aa daa ŋa nɔ bantumaɛ ku jɛ tu ŋɛ. Nɔ i lele inɛi Kanaã ŋau ŋa baa do iyi à nɛ gbugbã nɔ à nɛ sarɛtii igũ iyi à ce do isɔu.

Zozue 19:18

Aŋai à nɛ hai Yizireɛli do Kesulɔti do Sunɛmu

Woo kiiti ŋa 1:19

Aɔ̃ Lafɛ̃ɛ í wɛɛ do inɛi Zudaa ŋa, ŋɔi í jɔ̀ à jɛ inɛi iri kuta ŋau igũ, amma a kù yɔkɔ a kù lele inɛ ŋa iyi à wa lɔɔma ŋau domi inɛ nŋu ŋau à nɛ sarɛtii igũ ŋa iyi à ce do isɔ.

Woo kiiti ŋa 4:13

Iyi Sisera í gbɔ bɛɛbɛ ŋɔi í tɔtɔɔ sarɛtii isɔ cĩɔ mɛɛsãɛ ŋau fei do inɛɛ ŋau fei Harosɛti-Goimu bɛ. Hai bɛ ŋɔi í dasi kpãai acãi inyii Kisɔ̃ɔu.

Woo kiiti ŋa 4:3

Yabɛ̃ɛ í nɛ sarɛtii igũ cĩɔ mɛɛsã iyi à ce do isɔ, nɔ í kpã inɛi Izirɛli ŋau iju ntɔ ntɔ do kugaabu adɔ̃ kɔnfia. Nŋui í jɔ̀ inɛi Izirɛli ŋa à waa dɔ̃ anu si Aɔ̃ Lafɛ̃ɛ.

Woo kiiti ŋa 6:33

Inɛi Madiãa ŋa do inɛi Amalɛki ŋa do inɛi nunui daakɔ ŋau fei à tɔtɔɔ nɔ à kua idoi Zuudɛ̃ɛu à koo à ce asɔ nŋa si lɔɔmai Yizireɛli.

Samuɛli 1, 29:1

Ŋɔi inɛi Filisi ŋa à tɔtɔɔ wuaai sooge nŋa ŋa fei Afɛki, nɔ inɛi Izirɛli ŋa mɔ à ce asɔ kɔkɔi isɔ̃i Yizireɛli.