Zozue 17:11 - Bibeli do fee

¹¹ Si ilɛi dimii Isakaa ŋa do ti Azɛɛ ŋa, dimii Manasee ŋau à nɛ ilɛ gɔ ŋa bɛ má. Ilɛ ŋau wee. Bɛti-Seãa do Yibileamu do Dɔɔ do Eni-Dɔɔ do Taanaki do Mɛgido do ilɛɛko nŋa ŋa fei. Ilu ŋau bɛ fei si ilɛ mɛɛtai à wa.

Zozue 17:11 Iomraidhean Croise

Samuɛli 2, 21:12

Nɔ Davidi í bɔ kũkũi Saulu do ti Zonatãa amaɛ ku so wa hai bi inɛi Yabɛsi ŋa si ilɛi Galaadi. Inɛi Yabɛsi ŋaui à so kũkũ nŋa ŋau wo hai Bɛti-Sãa tengi bii inɛi Filisi ŋa à kɔa ŋa waati iyi à kpa ŋa Giliboa.

Ilaalu 1, 9:15

Salomɔɔ í tilasi inɛ ŋa a ma kpasɛ̃i Aɔ̃ Lafɛ̃ɛu do ti nŋu takaɛ do Miloo do bindii Zeruzalɛmu do ilui Hasɔɔ do Mɛgido do Gezɛɛ.

Ilaalu 2, 9:27

Iyi Ahazia í yɛ iyi bɛ, ŋɔi í sa wa nɛ Bɛti-Hagãa. Nɔ Yehu wa lele nŋu mɔ wa niò, i kpa nŋu mɔ si antaii sarɛtii igũu. Ŋɔi à koo à ta nŋu mɔ hee geetei Guu kɔkɔi ilui Yibileamu. Ŋɔi í sa í koo í manji Mɛgido, nɔ í ku bɛ.

Bomma 1, 7:29

Tɔkui Manasee ŋai à nɛ Bɛti-Seãa do Taanaki do Mɛgido do Dɔɔ do ilɛɛko nŋa ŋa. Si ilu ŋau bɛi tɔkui Zozɛfu amai Izirɛli ŋau à wa.

Bomma 2, 35:22

Amma Zoziasi í kɔ̀ ku jɔ̀ɔ, kù de si idei Nekou itĩ baa do iyi ideu hai bi Ilaaɔ̃i wa naa. Í kpaasi araɛ nɔ í bɔ lɔɔmai Mɛgido wa kooò siɛ igũu.

Iri ku kɔ̃ 83:10

Ce nŋa bɛi ì cea inɛi Madiãa ŋa, do bɛi ì cea Sisera do Yabɛ̃ɛ iyi à kpa si acãi inyii Kisɔ̃ɔu.

Zeremi 49:2

Ŋɔi Aɔ̃ Lafɛ̃ɛ í ni, na nŋu ajɔ ŋa wee à waa naa si bii an jɔ̀ inɛ ŋa a gbɔ anu ku dɔ̃i igũ si Raba ilu nlai inɛi Amɔɔ ŋa. Iluu á na ku yɛi bɛi kuta ŋa iyi à timbi, nɔ ilu ŋa iyi à wa kɔkɔɛ ŋau fei, aa jo ŋai. Waati bɛɛbɛ, Izirɛli á nyi ku gba mii iyi í jɛ titɛɛu mái.

Zakari 12:11

Ajɔ nŋu, kukpatai inɛi Zeruzalɛmu ŋa á la ntɔ ntɔ, á to bɛi inɛ ŋa à tako à kpata wo Hadadirimɔɔ si lɔɔmai Mɛgido.

Zozue 11:2

Nɔ í bɛ inɛ ŋa má bi ilaalu ŋa iyi à wa ikpa awɔ njɛi kpãai inunu si antaii iri kutau, do bi ilaalu ŋa iyi à wa lɔɔmai idoi Zuudɛ̃ɛu do ikpa awɔ cangai kpãai inunui tenkui Kinerɔti do ilu ŋa iyi à wa ilɛ ilɛu, do bi inɛi geetei Dɔɔ ŋa iyi í wa ikpa nunui alɛu.

Zozue 12:21

do ilaalui Tanaki do ilaalui Mɛgido

Zozue 12:23

do ilaalui Dɔɔ iyi í wa iri kutai Dɔɔ ŋau do ilaalui Goyimu iyi í wa kɔkɔi Giligaliu

Zozue 16:9

Dimii Efaraimu ŋau à nyi à nɛ ikpɛ̃ má si tubui dimii Manasee ŋau, fei ndɛɛ do ilɛɛko nŋa ŋa.

Zozue 17:10

Dimii Efaraimu ŋai à nɛ ilɛ iyi í wa ikpa awɔ cangai kpãai inunuu. Iyi í wa ikpa awɔ njɛu mɔ dimii Manasee ŋai à nɔɔ. Tenkui í jɛ kɔɔ nŋa ikpa nunui alɛ. Do ikpa awɔ njɛi kpãai inunu kɔɔu í koo í kãsi ilɛi dimii Azɛɛ ŋa, nɔ í koo í kãsi ti dimii Isakaa ŋa mɔ ikpa nunui daakɔ.

Zozue 17:16

Ŋɔi tɔkui Zozɛfu ŋau à ni, iri kutau kaa to wa, nɔ mɔm inɛi Kanaã ŋa iyi à wa si lɔɔmau fei hai inɛi Bɛti-Seãa ŋa hee do inɛi Yizireɛli ŋa do inɛi ilɛɛko nŋa ŋa fei à nɛ sarɛtii igũ ŋa iyi à ce do isɔ.

Woo kiiti ŋa 1:27

Inɛi Manasee ŋau a kù lele inɛi ilui Bɛti-Seãa ŋa do inɛi ilui Tanaku ŋa do inɛi Dɔɔ ŋa do inɛi Yibileamu ŋa do inɛi Mɛgido ŋa do inɛi ilu ŋa iyi à wa kɔkɔ nŋa ŋau fei. Nɔ inɛi Kanaã ŋau à wɛɛ nŋa si ilɛu bɛ.

Woo kiiti ŋa 5:19

Ilaalui Kanaã mbɛɛ ŋau à ce igũ ilui Tanaku kɔkɔi idoi Mɛgido. Amma a kù ba a kù gba nkãma hee má jɛ fia.

Samuɛli 1, 28:7

Ŋɔi Saulu í sɔ̃ akaweɛ ŋa í ni a dɛdɛa nŋu inaabo iyi í ya ba iku ŋa ide ku fɔ wa ku ba nŋu koo ce kubeeɛ. Ŋɔi à jɛaa à ni, abo gɔ í wa Endɔɔ iyi í ya ba iku ŋa ide ku fɔ.

Samuɛli 1, 31:10

Jĩnɛi igũi Saulu iyi à sou, à koo à dasi inɔ ilei iwɛ̃ nŋa iyi à ya kpe Asitaate à bɛi à kɔa ikuɛ si bindii Bɛti-Sãa.

Samuɛli 1, 31:12

ŋɔi inɛmɔkɔ ilu wɔɔkɔ ŋau fei à dede à waa koo bɛ. Iyi à nɛ idũ akã ŋɔi à to nɔ à nya ikui Saulu do ti amaɛ ŋa wa hai si antaii bindiu, à baaò ŋa wa Yabɛsi à naa à jo ŋa bɛ.