Zozue 15:1 - Bibeli do fee

^1-3 Ilɛ iyi à kpɛ̃a dimii Zudaa ŋa si nyaanze nŋa ŋa si kpasa iyi à tau wee. Kɔɔɛ í sintii hai kɔɔi Tenku ku da Imuu do ikpa nunui daakɔ ikpa kɔɔi ilɛi Edɔmu nɔ í lɔi do ikpa geetei Akarabimu do ikpa awɔ cangai kpãai inunu hee ku bɔ gbaai Sini. Hai gbaai Siniu bɛ nɔ í too do ikpa Kadɛsi-Baanea do ikpa awɔ cangai kpãai inunu má, nɔ í sinda í bɔ ikpa Hɛsirɔ̃ɔ hee ku bɔ Adaa do Kaaka.

Zozue 15:1 Iomraidhean Croise

Kusintii Andunya 35:23

Lea í bíaa Rubɛ̃ɛ yemmaɛu, do Simeɔ̃, do Levii, do Zudaa, do Isakaa, do Zabulɔ̃ɔ.

Ilaalu 1, 8:65

Si waatiu bɛ Salomɔɔ í jɛ jingauu do inɛi Izirɛli ŋa fei. Akpɔ nla nlai í naa hai Lebo-Amati ikpa awɔ njɛi kpãai inunu hee ku bɔ acãi inyii Ezibiti ikpa awɔ cangai kpãai inunu. À ce jingauui ajɔ maatɛ̃ɛ. À ce ajɔ mɛɛje titã, si anyiɛ, nɔ à ce ajɔ mɛɛje mmuɛ má.

Ezekiɛli 47:19

Do ikpa awɔ cangai kpãai inunu mɔ, kɔɔi ilɛu á sintii hai ilui Tamaa hee ku bɔ isɔ̃i Meriba-Kadɛsi nɔ ku too acãi inyii Ezibitiu hee koo dasi Tenku Nlau. Kɔɔ iyi í wa do ikpa awɔ cangai kpãai inunuu mbɛ.

Ezekiɛli 48:7

Nɔ hai kɔɔi Rubɛ̃ɛ do ikpa awɔ cangai kpãai inunu hai nunui daakɔ hee ku bɔ nunui alɛ, bɛi ti Zudaa á wa.

Kuka 20:16

Iyi à tɔɔ Aɔ̃ Lafɛ̃ɛ faaba ŋɔi í gbɔ anu ku dɔ̃ nwa, nɔ í bɛ nwa amalekaɛ wa ku naa ku fitaò wa hai ilɛi Ezibiti. Wee nsɛi à to wa Kadɛsi, ilu iyi wa gũsi ilɛɛu.

Maaku 3:8

Nɔ inɛi Zeruzalɛmu ŋa do inɛi ilu mmu gɔ ŋa iyi à wa si ilɛi Zudee má, do inɛi ilɛi Idumee ŋa, do inɛi icei idoi Zuudɛ̃ɛ ŋa, do inɛi ilɛɛkoi Tii do Sidɔ̃ɔ ŋa à gbɔ mii iyi wa ce nɔ à naa bi tɛɛ aŋa nkpɔ nkpɔ.

Wooda ku kɔsi 32:51

Awɔ do Arɔ̃ɔ ì ce kurara nla nla bi titom ŋa si wajui inɛi Izirɛli ŋau si waatii idei inyii Meriba waati iyi ì wa Kadɛsi ŋa si gbaai Sini. Si ajɔ nŋu bɛ, i kù nyisi inɛi Izirɛli ŋau iyi amui ǹ jɛ Aɔ̃ Lafɛ̃ɛ do ntɔ ŋa.

Zozue 14:2

Si kukpɛ̃i inyau à ta kpasai si dimi mɛɛsã do bubu ŋa iyi a kù tako a kù bau si bɛi Aɔ̃ Lafɛ̃ɛ í sɔ̃ Moizi wo.

Zozue 18:5

Aa kpɛ̃ ilɛui ikɔ mɛɛje. Tɔkui Zudaa ŋa aa bubai do ikpa awɔ cangai kpãai inunu. Tɔkui Zozɛfu ŋau mɔ aa bubai hai kɔɔ iyi í wa do ikpa awɔ njɛi kpãai inunuu.