Zozue 14:9 - Bibeli do fee

⁹ Ajɔ nŋu bɛi Moizi í ce kuwã í ni ntɔ ntɔ ilɛ iyi ǹ nɛ siu amui an nɔɔ do tɔkum ŋa hee do ajɔ fei si na iyi í jɔ̀ ǹ too si kpãai Aɔ̃ Lafɛ̃ɛm dee dee.

Zozue 14:9 Iomraidhean Croise

Iri ku kɔ̃ 37:9

Inɛ ŋa iyi à waa ce laalɔ fei aa kui. Amma inɛ ŋa iyi kpãa ku cɔ nŋa í wa si Aɔ̃ Lafɛ̃ɛ, aŋai aa nɛ ilɛu.

Kuka 13:22

À lɔ si ilɛui hai do ikpa awɔ cangai kpãai inunu, nɔ à to kɔkɔi Eborɔ̃ɔ bii nyaanzei Ahimani ŋau à wa, do nyaanzei Sekai ŋa, do nyaanzei Talimai tɔkui Anaku ŋau. Ilui Eborɔ̃ɔ í wɛɛi í ce adɔ̃ mɛɛje ilui Soãa si ilɛi Ezibiti í bɛi í sinti.

Wooda ku kɔsi 1:36

í gbe Kalɛbu amai Yɛfune. Nŋu do amaɛ ŋai an mua ilɛ iyi í koo í cɔu, domi í jɛ dee dee si gãmɛi amu Aɔ̃ Lafɛ̃ɛ.

Wooda ku kɔsi 11:24

Tengi bii ì dasi kutɛ ŋa fei, tu ŋɛi á jɛ. Kɔɔ nŋɛ á wai hai bi gbaau hee ku bɔ iri kutai Libãa ŋa, do hai bi idoi Efaratau hee ku bɔ bi tenkuu do ikpa nunui alɛ.

Zozue 1:3

Si ilɛu, tengi bii aa dasi kutɛ nŋɛ fei, an mu nŋɛi ku jɛ tu ŋɛ si bɛi ǹ cea Moizi kuwãɛu.

Zozue 14:10

Adɔ̃ ciiji do miiu wai ihɛ̃ bɛbɛi iyi Aɔ̃ Lafɛ̃ɛ í sɔ̃ Moizi bɛɛbɛ si waati iyi inɛi Izirɛli ŋa à waa kua gbaau. Hai waati bɛɛbɛ Aɔ̃ Lafɛ̃ɛ wa mu kuwɛɛm nii si bɛi í ceem kuwãɛ, nɔ wee nsɛi ǹ nɛ adɔ̃ cinɛ do miiu.

Woo kiiti ŋa 1:20

Nɔ à na Kalɛbu ilui Eborɔ̃ɔ si bɛi Moizi í tako í fɔu, nɔ Kalɛbu í lele tɔku mɛɛtai Anaku ŋa iyi à wa bɛu.