Zozue 14:6 - Bibeli do fee

⁶ Ajɔ nŋu gɔ inɛi dimii Zudaa ŋa à naa à ba Zozue Giligali. Ŋɔi Kalɛbu amai Yɛfune iyi í wa si nyaanzei Kenaziu í sɔ̃ɔ í ni, ye gigii ide iyi Ilaaɔ̃ í sɔ̃ Moizi woo ce icɛɛ si gãmɛi awɔ do amu waati iyi à wa ilui Kadɛsi-Baaneau.

Zozue 14:6 Iomraidhean Croise

Ilaalu 1, 13:1

Ŋɔi Ilaaɔ̃ í bɛ walii gɔ bi Zeroboamu hai ilɛi Zudaa. Waliiu í to Betɛli waati iyi Zeroboamu í wa bi kuweeu nɔ wa bi ku jo tuae ŋa.

Ilaalu 1, 13:14

Ŋɔi wa da hãmɛi waliiu, nɔ í koo baa wa buba abɛ jĩi nla gɔ. Ŋɔi í beeɛ í ni, awɔi ì jɛ walii iyi í naa hai Zudaau? Nɔ í jɛaa í ni, oo, amui.

Ilaalu 2, 4:16

Ŋɔi Elizee í sɔ̃ɔ í ni, adɔ̃ gɔ suku bɛ ihɛ̃, aa maa mu ama inɛmɔkɔ. Nɔ abou í ni, aawo, lafɛ̃ɛm waliii Ilaaɔ̃, maà lɛlɛm.

Ilaalu 2, 4:42

Ajɔ nŋu gɔ mɔkɔ gɔ í naa hai Baali-Salisa. Nɔ í naa Elizee pɛ̃ɛ kɔnfia iyi à ce do iyafũi ɔɔzu titɔ̃ do ijui amaajɛ titɔ̃ ŋa iyi í dasi bɔgɔɛ wa. Ŋɔi Elizee í ni woo ce icɛi nŋu ku kpɛ̃a inɛ ŋau fei a jɛ.

Ilaalu 2, 4:9

Ŋɔi abou í sɔ̃ mɔkɔɛ í ni, ǹ mà mɔkɔ iyi í ya maa yaa wa bi tu wa waati kãma feiu ihɛ̃ waliii Ilaaɔ̃i iyi í má.

Ilaalu 2, 8:11

Gbakã, ŋɔi Elizee í kãsi Hazaɛli iju tii wa cɔɔ hee waati gɔ, nɔ í na wa kpata.

Ilaalu 2, 8:7

Ŋɔi ajɔ nŋu gɔ Elizee í bɔ Damasi. Waati bɛɛbɛ í ko Bɛni-Hadadi ilaalui Siriu kù waa nɛ baani. Ŋɔi à sɔ̃ɔ à ni, waliii Ilaaɔ̃u í naa ihɛ̃.

Bomma 1, 23:14

Amma amu ŋa iyi à jɛ ti Moizi inɛi Ilaaɔ̃u, à ka ŋai si tuubai dimii Levii ŋa.

Iri ku kɔ̃ 90:1

Kutɔɔu ihɛ̃ ti Moizi woo ce icɛi Ilaaɔ̃ui. Aɔ̃ Lafɛ̃ɛ, si ku dedei tɔku tɔku ŋa, awɔi ì jɛ bi ku manji nwa.

Zeremi 35:4

Ǹ gbã ŋai ǹ lɔò ŋa kpasɛ̃i Aɔ̃ Lafɛ̃ɛ si akãi inɔ ile iyi í jɛ ti ama inɛmɔkɔi Hanaa ŋa. Hanaau mɔ, amai Igidalia inɛi Ilaaɔ̃i wa jɛ. Ileu í wai kɔkɔi ilei akawe ŋau do ikpa lelei ilei Maaseya amai Salumu iyi wa jɛ woo wee iyi í ya maa cɔ kulɔi inɛ ŋa wa si kpasɛ̃i Aɔ̃ Lafɛ̃ɛu.

Kuka 13:26

Ŋɔi à sinda à baa Kadɛsi si gbaai Parãau bi Moizi do Arɔ̃ɔ, do bi zamaai Izirɛliu. Nɔ à sisi nŋa mii iyi aŋa à yɛ fei nɔ à nyisi ŋa isoi jĩi ndii ilɛu.

Kuka 13:30

Ŋɔi Kalɛbu í jɔ̀ inɛ ŋa iyi à waa fɔ ide ŋau à coko si wajui Moizi. Nɔ í ni, ka koo káa gba ilɛu, domi kù nɛ sika kãma, aa ka jɛ ŋa igũ.

Kuka 13:6

hai si dimii Zudaa mɔ, Kalɛbu amai Yɛfune,

Kuka 14:24

Amma si bɛi Kalɛbu woo ce icɛm nɔu lasabu mmu gɔ í naa siɛ, nɔ í too kpãam dee dee, an jɔ̀ ku lɔ si ilɛ iyi nŋu takaɛ í koo í cɔu. Nɔ tɔkuɛ ŋai aa nɛ ilɛu.

Kuka 14:30

I kaa to si ilɛ iyi ǹ ce nŋɛ kuwã do kugbasi ǹ ni aa koo i buba siu má ŋa, í gbe Kalɛbu amai Yɛfune do Zozue amai Nunu.

Kuka 14:6

nɔ Zozue amai Nunu, do Kalɛbu amai Yɛfune, aŋa iyi à wa si inɔi inɛ ŋa iyi à koo à cɔ ilɛu wa, à ga ibɔ nŋa ŋa,

Kuka 26:65

domi Aɔ̃ Lafɛ̃ɛ í ni aŋa fei aa kui si gbaau, í gbe Kalɛbu amai Yɛfune do Zozue amai Nunu.

Kuka 32:12

Kalɛbu amai Yɛfune iyi í wa si nyaanzei Kenaziu do Zozue amai Nunu, aŋa akãi aa lɔ si ilɛu, domi aŋai à jirima idei Aɔ̃ Lafɛ̃ɛu dee dee.

Wooda ku kɔsi 33:1

Moizi inɛi Aɔ̃ Lafɛ̃ɛu, í weea inɛi Izirɛli ŋa hee ku maa ku. Ide ŋa iyi í fɔ í wee nŋa do wee.

Wooda ku kɔsi 34:10

Hai waati bɛɛbɛ, walii kãma kù naa si ilɛi Izirɛli má iyi í yɛ bɛi Moizi iyi Aɔ̃ Lafɛ̃ɛ í ya ba ide ku fɔ ijuò iju.

Wooda ku kɔsi 34:5

Tengi bɛi Moizi woo ce icɛi Aɔ̃ Lafɛ̃ɛu í ku si ilɛi Moabu si bɛi Aɔ̃ Lafɛ̃ɛ í tako í fɔɔ tã wo.

Timɔtee 1, 6:11

Amma awɔ iyi ì jɛ ti Ilaaɔ̃, saa mii ŋau bɛ fei. Nɔ i lele kpãai dee dee ku jɛ do bɛɛrɛi Ilaaɔ̃ ku mà do naanɛ ku dasi do kubi do temua do daa didɔ̃.

Timɔtee 2, 3:17

ku ba inɛi Ilaaɔ̃ ku kɔ̃, nɔ ku tã sɔɔlu ku ceò icɛ jiida baa yooma fei.

Zozue 10:43

Nɔ Zozue do inɛɛ ŋau fei à sinda à nyi asɔ nŋa Giligali.

Zozue 14:14

Do yaase bɛɛbɛi Kalɛbu amai Yɛfune inɛi Kenazi í baò ilui Eborɔ̃ɔu hee do nnyi fei si na iyi í jɔ̀ kuceɛ í jɛ dee dee si wajui Aɔ̃ Lafɛ̃ɛi inɛi Izirɛli ŋa.

Zozue 15:17

Ŋɔi Otiniɛli amai Kenazi iyi wa jɛ ifɔi Kalɛbuu í jɛ inɛ ŋau igũ nɔ Kalɛbu í so ama inaaboɛu í naa í gbaa abɔdɔ̃.

Zozue 4:19

Inɛi Izirɛli ŋau à fita wa hai inɔ idoi Zuudɛ̃ɛui si ajɔ mɛɛwasiai cukpa sinteu nɔ à koo à ce asɔ Giligali ikpa nunui daakɔi Zeriko.