Zozue 14:4 - Bibeli do fee

⁴ Dimii Zozɛfu ŋau à kpɛ̃i ikã ikã minji, dimii Manasee do ti Efaraimu ŋa. Inɛi Levii ŋau ilu bii aa maa wa nŋu akãi à nɛ, do tengi bii mɛɛmu nŋa ŋa do amani nŋa ŋa aa maa wa.

Zozue 14:4 Iomraidhean Croise

Kusintii Andunya 41:51

Nɔ Zozɛfu í sɔ ama yemmau Manasee. Í sɔɔ bɛɛbɛi domi í ni Ilaaɔ̃ í jɔ̀ nŋu í gbɛjɛ wahalai nŋu ŋa iyi nŋu í ce fei hee do bɛi nŋu do inɛi nŋu ŋa à fɛɛfɛɛ njɛ.

Kusintii Andunya 41:52

Nɔ í sɔ minjisiau mɔ Efaraimu. Í sɔ nŋu mɔ bɛɛbɛi domi í ni Ilaaɔ̃ í mua nŋu amu ŋa si ilɛu ihɛ̃, tengi bii nŋu í yɛ wahala wo.

Kusintii Andunya 46:20

Si ilɛi Ezibiti bɛ, Asenati ama inaaboi Potifera woo weei ilui Ɔ̃ɔ í bía Zozɛfu Manasee do Efaraimu.

Kusintii Andunya 48:1

Si anyii nŋu ŋau bɛ nɔ à naa à sɔ̃ Zozɛfu à ni, baaɛ kù waa nɛ baani. Nɔ nŋu do ama minjiɛ ŋau Manasee do Efaraimu à dede à koo.

Kusintii Andunya 48:5

Nsɛi, ama inɛmɔkɔ minjiɛ ŋa iyi ì bí si ilɛi Ezibitiu amu ǹ bɛi ǹ naa ihɛ̃, ǹ jilɛ ŋai bɛi amaabím ŋa, bɛi Rubɛ̃ɛ do Simeɔ̃.

Kusintii Andunya 48:6

Amma amu ŋa iyi ì bí si anyi nŋa, inɛ nŋu ŋai à jɛ tɛɛ ŋa. Si ilɛi igbã nŋa ŋai aa baò tubu nŋa.

Bomma 2, 30:1

Adɔ̃ fei si cukpa sintei adɔ̃i à nɛ a jɛ jingaui Iku ku kua, amma adɔ̃ nkpɔ nkpɔi í lɔ iyi a kù coo. Ŋɔi ilaalu Ezekiasi do inɛ ngbo ŋau do inɛi Zeruzalɛmu ŋa fei à dasi idɔ aŋa a jɛ jingauu, amma jingauu kaa yɔkɔ ku ce si cukpa sintei adɔ̃u si na iyi í jɔ̀ woo wee ŋau nkpɔ nŋa kù ce buki iyi á jɔ̀ a maaju waati bɛɛbɛu, nɔ zamaau kù tɔtɔɔ Zeruzalɛmu. Ŋɔi ilaaluu do zamaau fei à gbɔsi njɛ à ni jingauu ku ce si cukpa minjisia. Ŋɔi à kɔ tia à sambaɛ si ilɛi Izirɛli fei hai Bɛɛseba hee ku bɔ Dãa ku ba inɛ ŋa a naa kpasɛ̃i Aɔ̃ Lafɛ̃ɛ Zeruzalɛmu bɛ a naa a jɛ jingauu. Ilaalu Ezekiasi takaɛ í kɔa dimii Efaraimu ŋa do dimii Manasee ŋa iyi à wa ikpa awɔ njɛi kpãai inunu tia í kpe ŋa a naa a jɛ jingauu.

Kuka 26:28

Si dimii Manasee do ti Efaraimui tɔkui Zozɛfu ŋa à wa.

Zozue 16:4

Ikpɛ̃ iyi dimii Manasee do ti Efaraimu amai Zozɛfu ŋau à ba mbɛ.