Zozue 14:15 - Bibeli do fee

¹⁵ Tako wo Eborɔ̃ɔ Kiria-Aabai à ya kpoo, Aabaui í jɛ inɛ iyi í la í re si inɔi inɛi Anaku ŋa. Hai waati bɛɛbɛi ilɛu í nɛ laakai ku sũ, igũ kù wa si.

Zozue 14:15 Iomraidhean Croise

Kusintii Andunya 23:2

Í kui si ilui Kiria-Aaba, waatɔ Eborɔ̃ɔ si ilɛi Kanaã. Nɔ Aburahamu í kpata, í ce akũɛ.

Kusintii Andunya 35:27

Si anyii isɛɛnɛ ŋau bɛ fei ŋɔi Zakɔbu í nyi bi Izaaki baaɛ ilui Maree, kɔkɔi Kiria-Aaba iyi à waa kpe Eborɔ̃ɔ si nsɛi. Bɛi Aburahamu do Izaaki à buba wo.

Kusintii Andunya 37:14

Ŋɔi Izirɛli í sɔ̃ɔ í ni, koo cɔ mà igbãɛ ŋa à waa nɛ baani, nɔ i cɔ bii í jɛ mɛɛmu ŋau mɔ à waa nɛ baani nɔ i baa i na i sɔ̃m laabaau nŋa. Í bɔɔi hai angbɔɔi Eborɔ̃ɔ. Iyi Zozɛfu í maai si ilui Sikɛmu

Bomma 1, 6:4

Amai Merari ŋai Mali do Musi. Inɛ ŋa iyi à jɛ inɛ ngbo ŋa si dimii Levii ŋa wee.

Neemi 11:25

Inɛi Zudaa ŋau gɔgɔ ŋa à koo à buba si ilu gɔ ŋa do ilɛɛko nŋa ŋa. Inɛ gɔ ŋa à koo à buba Kiria-Aaba do ilɛɛkoɛ ŋa, do Dibɔ̃ɔ do ilɛɛkoɛ ŋa, do Yekabuseɛli do ilɛɛkoɛ ŋa,

Zozue 11:23

Bɛɛbɛi Zozue í gba ilɛu fei, si bɛi Aɔ̃ Lafɛ̃ɛ í na Moizi woodaɛ, nɔ í kpɛ̃a inɛi Izirɛli ŋa si dimi ikã ikã ŋau fei. Ŋɔi inɛ ŋau à bɛi à sĩmiò igũ ŋau.

Zozue 14:14

Do yaase bɛɛbɛi Kalɛbu amai Yɛfune inɛi Kenazi í baò ilui Eborɔ̃ɔu hee do nnyi fei si na iyi í jɔ̀ kuceɛ í jɛ dee dee si wajui Aɔ̃ Lafɛ̃ɛi inɛi Izirɛli ŋa.

Zozue 15:13

Ŋɔi à na Kalɛbu amai Yɛfune ikpɛ̃ɛ si inɔi inɛi Zudaa ŋa si bɛi Aɔ̃ Lafɛ̃ɛ í sɔ̃ Zozue wo. À naa Kiria-Aaba iyi à ya kpe Eborɔ̃ɔ si nsɛi. Aabau nŋui í jɛ balai inɛi Anaku ŋa.

Zozue 21:11

Kiria-Aaba iyi à ya kpe Eborɔ̃ɔu. Aabau, balai Anakui. Iluu si iri kutai Zudaai í wa. À na ŋa iluu nɔ à na ŋa tengi bii mɛɛmu nŋa ŋa aa ya jɛ kɔkɔi iluu.

Zozue 21:12

Amma ilɛi iluu do ilɛɛkoɛ ŋa fei à na Kalɛbu amai Yɛfune í jɛ ilɛɛ tã.

Woo kiiti ŋa 1:20

Nɔ à na Kalɛbu ilui Eborɔ̃ɔ si bɛi Moizi í tako í fɔu, nɔ Kalɛbu í lele tɔku mɛɛtai Anaku ŋa iyi à wa bɛu.

Woo kiiti ŋa 3:11

Nɔ ilɛu í nɛ laakai ku sũ adɔ̃ ciiji. Si anyiɛ Otiniɛli amai Kenaziu í bɛi í ku.

Woo kiiti ŋa 3:30

Hai waati bɛɛbɛi inɛi Moabu ŋau à sinti ku sũa inɛi Izirɛli ŋa iri ilɛ, nɔ ilɛu í nɛ laakai ku sũ adɔ̃ cinɛ (80).

Woo kiiti ŋa 5:31

Aɔ̃ Lafɛ̃ɛ, jɔ̀ mbɛɛɛ ŋau fei a ku bɛi Sisera í kuu bɛ. Amma baakɔɔɛ ŋau fei, jɔ̀ a yɛ bɛi inunu iyi wa fita wa do inya kumá nla nlaɛ. Ŋɔi ilɛu í nɛ laakai ku sũ má adɔ̃ ciiji.

Woo kiiti ŋa 8:28

Hai waati bɛɛbɛi inɛi Madiãa ŋau à sũa inɛi Izirɛli ŋa iri ilɛ, nɔ a kù nɛ gbugbã bɛi tako má. Nɔ inɛi Izirɛli ŋa à ba laakai ku sũ adɔ̃ ciiji si kuwɛɛi Zedeɔ̃.

Samuɛli 1, 30:31

do inɛ ngboi Eborɔ̃ɔ ŋa hee do ilu bii Davidi do inɛɛ ŋa à buba wo fei.