Zozue 14:13 - Bibeli do fee

¹³ Ŋɔi Zozue í weea Kalɛbu nɔ í naa ilui Eborɔ̃ɔ.

Zozue 14:13 Iomraidhean Croise

Kusintii Andunya 47:10

Zakɔbu í nyi í weea Faraɔ̃ má í bɛi í fita hai bi tɛɛ.

Kusintii Andunya 47:7

Si anyiɛ ŋɔi Zozɛfu í gbã Zakɔbu baaɛu mɔ í koo í nyisi Faraɔ̃, nɔ Zakɔbu í weea Faraɔ̃.

Samuɛli 2, 2:1

Si anyiɛ ŋɔi Davidi í bee Aɔ̃ Lafɛ̃ɛ í ni, n dede n bɔ ilu gɔ si ilɛi Zudaa má? Nɔ Aɔ̃ Lafɛ̃ɛ í jɛaa í ni, oo. Ŋɔi Davidi í beeɛ má í ni, ilu iwoi n bɔ. Nɔ í jɛaa í ni, dede i bɔ Eborɔ̃ɔ.

Bomma 1, 6:4

Amai Merari ŋai Mali do Musi. Inɛ ŋa iyi à jɛ inɛ ngbo ŋa si dimii Levii ŋa wee.

Neemi 11:25

Inɛi Zudaa ŋau gɔgɔ ŋa à koo à buba si ilu gɔ ŋa do ilɛɛko nŋa ŋa. Inɛ gɔ ŋa à koo à buba Kiria-Aaba do ilɛɛkoɛ ŋa, do Dibɔ̃ɔ do ilɛɛkoɛ ŋa, do Yekabuseɛli do ilɛɛkoɛ ŋa,

Iri ku kɔ̃ iyi í dɔ̃ í re 6:9

Amma bi titom, inaabo akãi í wɛɛ. Nŋui í jɛ inɛ iyi ǹ biu. Nŋu akãi í jɛ ama inaaboi iyeɛ, nɔ iyeu í nɛ kubiɛ ntɔ ntɔ. Mudɛ̃ɛ mmu ŋa, bii à yɔɔ à ya ni ilu inɔ didɔ̃i. Bii aboi ilaalu ŋa do abo mmu ŋa iyi ilaalu í nɛ ŋau à yɔɔ à ya cũui à maa ni,

Zozue 14:14

Do yaase bɛɛbɛi Kalɛbu amai Yɛfune inɛi Kenazi í baò ilui Eborɔ̃ɔu hee do nnyi fei si na iyi í jɔ̀ kuceɛ í jɛ dee dee si wajui Aɔ̃ Lafɛ̃ɛi inɛi Izirɛli ŋa.

Zozue 15:13

Ŋɔi à na Kalɛbu amai Yɛfune ikpɛ̃ɛ si inɔi inɛi Zudaa ŋa si bɛi Aɔ̃ Lafɛ̃ɛ í sɔ̃ Zozue wo. À naa Kiria-Aaba iyi à ya kpe Eborɔ̃ɔ si nsɛi. Aabau nŋui í jɛ balai inɛi Anaku ŋa.

Zozue 22:6

Si anyii nŋu, ŋɔi Zozue í wee nŋa nɔ í ni má, bɛbɛi do amani nla nlai ì waa nyiò ilei acɔ nŋɛ ŋa. Ì gba mɛɛmu gaa ŋa do isɔ fũfũ do wura do isɔ nkpa do isɔ dũdũ do ibɔ ŋa hai bi mbɛɛ nŋɛ ŋa. Amani iyi ì ba ŋau bɛ fei ŋa i koo i ce ikpɛ̃ɛ do inɛ nŋɛ ŋa iyi ì jɔ̀ bɛ ŋau. Iyi Zozue í fɔ bɛɛbɛ í tã nɔ í ni a nɛ. Dimii Manasee ŋau wee bubu nŋai Moizi í tako í na inya gɔ si ilɛi Basãa ikpa nunui daakɔi idoi Zuudɛ̃ɛu, nɔ bubu iyi í gbeu Zozuei í kpɛ̃a aŋa mɔ ilɛ ŋa ikpa nunui alɛu kɔkɔi kpaasi nŋa ŋa.

Woo kiiti ŋa 1:20

Nɔ à na Kalɛbu ilui Eborɔ̃ɔ si bɛi Moizi í tako í fɔu, nɔ Kalɛbu í lele tɔku mɛɛtai Anaku ŋa iyi à wa bɛu.

Samuɛli 1, 1:17

Ŋɔi Elii í jɛaa í ni, koo do laakai ku sũ. Nɔ Ilaaɔ̃ ku muuɛ mii iyi ì tɔɔɛ.

Samuɛli 1, 30:14

Awai à tako à koo à ce asɔɔ si ilɛi inɛi Kereti ŋa do si ti inɛi Zudaa ŋa do si ti inɛi Kalɛbu ŋa do ikpa awɔ cangai kpãai inunu, nɔ awai à jo Sikilagi.

Samuɛli 1, 30:31

do inɛ ngboi Eborɔ̃ɔ ŋa hee do ilu bii Davidi do inɛɛ ŋa à buba wo fei.