Zozue 14:12 - Bibeli do fee

¹² Na nŋu, nsɛi bɛi, nam ilɛ iyi í nɛ iri kuta ŋau ihɛ̃ iyi Aɔ̃ Lafɛ̃ɛ í wãm do si waati bɛɛbɛu. Hai waati bɛɛbɛ ì nɔ ì gbɔ iyi inɛi Anaku ŋa à wa bɛ, nɔ ilu nla ŋa iyi à nɛ gbugbã ŋa mɔ à wa bɛ. Aɔ̃ Lafɛ̃ɛ ku wɛɛ do amu ku ba n lele ŋa si bɛi nŋu takaɛ í fɔ.

Zozue 14:12 Iomraidhean Croise

Ilaalu 2, 19:4

Á yɔkɔ ku jɛ Aɔ̃ Lafɛ̃ɛɛ á gbɔ ide ŋa iyi inɛ ngboi soogei Asiri ŋau wa fɔ, nŋu iyi ilaalui Asiri lafɛ̃ɛɛ í bɛ wa ku naa ku bu Aɔ̃ Lafɛ̃ɛ iyi í wɛɛu. Á yɔkɔ ku jɛ Aɔ̃ Lafɛ̃ɛɛ á kpãa iju na ide ŋa iyi í fɔ nɔ í gbɔu. Na nŋu, ce kutɔɔ na zamaa iyi í gbeu.

Bomma 2, 14:11

Ŋɔi Aɔ̃ Lafɛ̃ɛ í fangaa inɛi Etiopi ŋau si wajui Aza do inɛi Zudaa ŋa. Nɔ inɛi Etiopi ŋau à sa.

Iri ku kɔ̃ 44:3

Awɔi ì lele inɛi ilɛ gɔ ŋa ì bɛi ì buba inɛɛ ŋa bɛ. Ì kpã inɛi ilɛ ŋau ijui ì bɛi ì jilɛ inɛɛ ŋa bɛ ku ba akpɔ nŋa ku kɔ̃ɔsi.

Iri ku kɔ̃ 60:12

Ilaaɔ̃, kù jɛ awɔi ì kɔ̀si wa? Awɔi i kù si sooge nwa ŋau.

Kuka 13:28

Amma inɛ ŋa iyi à wa si ilɛu de ilu gbugbã ŋai. Nɔ ilu nŋa ŋau ilu nla nla ŋai, nɔ à nɛ bindi ku nɛ gbugbã. Nɔ à yɛ tɔkui Anaku ŋa bɛ, inɛ kaasãanɛu.

Kuka 13:33

Nɔ à yɛ mɔkɔ ngbɛ gɔ ŋa bɛ, tɔkui Anaku ŋai, dimii inɛ kaasãanɛ ŋau. Yaase bɛi awa à waa yɛ ara nwa si waju nŋa bɛi kɛtɛngbo ŋa, bɛɛbɛi aŋa mɔ à waa yɛ wa.

Kuka 21:34

Amma Aɔ̃ Lafɛ̃ɛ í sɔ̃ Moizi í ni, maà ce njoɛ, domi nŋu do inɛɛ ŋa do ilɛɛ fei, an daɛ si awɔ, nɔ aa ceaa bɛi ì cea Sioni ilaalui inɛi Amɔre ŋa iyi í wa Hɛsebɔ̃ɔu.

Romu 8:31

Debɛi bɛirei aa ka fɔ má. Bii Ilaaɔ̃ í jɛ tu wa, yooi á yɔkɔ ku jɛ mbɛɛ nwa.

Wooda ku kɔsi 1:28

Na mii aa ka koo bɛ, kpaasi nwa ŋau à jɔ̀ à kua gbugbã tã, domi à sɔ̃ wa à ni, inɛ ŋau à la à re wa, nɔ à re wa do kugboka má. Ilu nla nla ku nɛ gbugbã ŋai nɔ à nɛ bindi ŋa iyi kugboka nŋa í bɔ hee lelei Aɔ̃, nɔ à yɛ hee do dimii Anaku ŋa bɛ fei.

Wooda ku kɔsi 9:1

Iŋɛ inɛi Izirɛli ŋa, i gbɔ ŋa, nnyi aa kua idoi Zuudɛ̃ɛu ŋa nɔ i koo i gba ilɛi dimi ŋa iyi à la à re ŋɛ nɔ à nyi à re ŋɛò gbugbã máu. Ilɛu í nɛ ilu nla ŋa nɔ bindiɛ ŋa à gboka hee lele.

Wooda ku kɔsi 9:3

nnyi, Aɔ̃ Lafɛ̃ɛ nŋɛ, nŋu takaɛi á cua nŋɛ bɛi ina ku kpa amanɛ, nɔ nŋui á kpa ŋa, nŋui á kaye ŋa si waju nŋɛ nɔ i lele ŋa ŋa. Aa kpa ŋai anu akã bɛi Aɔ̃ Lafɛ̃ɛ í sɔ̃ ŋɛu.

Filipi 4:13

An yɔkɔ n ce fei ndɛɛ do saabui Kirisi iyi wa muum gbugbã.

Ebɛɛ 11:33

Na naanɛ ku dasii à jɛ amanlu ŋau igũ, à ce iyi í jɛ dee dee, nɔ à ba à gba mii iyi Ilaaɔ̃ í ce nŋa kuwãɛ. À dĩ gɛlɛi muusu nla ŋa,

Zozue 15:14

Ama inɛmɔkɔ mɛɛtai Aaba ŋa iyi à ya kpe Sesai do Ahimaa do Talimai, aŋai à na à jɛ dimi mɛɛtai inɛi Anaku ŋau. Nɔ Kalɛbu í lele dimi mɛɛta ŋau.

Woo kiiti ŋa 1:20

Nɔ à na Kalɛbu ilui Eborɔ̃ɔ si bɛi Moizi í tako í fɔu, nɔ Kalɛbu í lele tɔku mɛɛtai Anaku ŋa iyi à wa bɛu.

Samuɛli 1, 14:6

Ŋɔi Zonatãa í sɔ̃ amaacɛɛ í ni, nɛ wa ka bɔ bi hai ce bango ŋau ihɛ̃. Á yɔkɔ ku jɛ Aɔ̃ Lafɛ̃ɛ á sobi wa, domi nkãma kàa ganjiɛ ku sobi wa baa bii a kù kpɔ.