Zozue 14:11 - Bibeli do fee

¹¹ Do nŋu fei, ǹ nɔ ǹ wa n nɛ gbugbã má bɛi si waati iyi Moizi í bɛm n naa n cɔ yaasei ilɛu. Nɔ hee nsɛi ǹ wa n nɛ gbugbã iyi an yɔkɔ n ceò igũ walakɔ icɛ ikã ikã iyi í gbe fei.

Zozue 14:11 Iomraidhean Croise

Iri ku kɔ̃ 103:5

Nŋui í jɔ̀ ǹ nɛ amani nkpɔ nkpɔ si agbom nɔ í jɔ̀ hundem í sɔ bɛi ti kungbã.

Iri ku kɔ̃ 90:10

Kukpɔi adɔ̃ nwa ŋau kitaò fɛɛwai. Bi inɛ ŋa iyi à nɛ gbugbã ŋa, cinɛi. Do nŋu fei kuwɛɛi amanɛ kù nɛ aranfãani kãma í gbe wahala do inɔ kufɔ. Kuwɛɛ í ya maa lɔi gbãa gbãa nɔ à waa ce amɛɛ do iku.

Ezai 40:31

Amma inɛ ŋa iyi kpãa ku cɔ nŋa í wa si Aɔ̃ Lafɛ̃ɛ, aa maa ba gbugbã titɔ̃ ŋai. Aa ya maa yɔi bɛi kungbã ŋa. Aa ya maa sɛii, nɔ a kaa ya gbɛɛji. Aa ya maa nɛi, nɔ gbugbã nŋa kaa nɛ kɔɔ.

Wooda ku kɔsi 31:2

adɔ̃ cĩɔ do kɔnfiai (120) ǹ nɛ bɛbɛi. N kù nɛ gbugbã bɛi an maa n gbã ŋɛ má. Nɔ Aɔ̃ Lafɛ̃ɛ í sɔ̃m mɔm í ni n kaa n kua idoi Zuudɛ̃ɛu.

Wooda ku kɔsi 33:25

Á ya ba ku manjii si anyii gamboɛ ŋa iyi à nɛ sɔkɔi isɔ walakɔ ti isɔ danya ŋa. Gbugbã kú maa wɛɛa zaka bɛi hundeɛ í sɔ wa to fei.

Wooda ku kɔsi 34:7

Adɔ̃ cifai Moizi í nɛ í bɛi í ku (120). Ijuɛ wa nɛ baanii mam mam, nɔ wa nɛ gbugbã mɔi gãn gãm.

Zozue 14:10

Adɔ̃ ciiji do miiu wai ihɛ̃ bɛbɛi iyi Aɔ̃ Lafɛ̃ɛ í sɔ̃ Moizi bɛɛbɛ si waati iyi inɛi Izirɛli ŋa à waa kua gbaau. Hai waati bɛɛbɛ Aɔ̃ Lafɛ̃ɛ wa mu kuwɛɛm nii si bɛi í ceem kuwãɛ, nɔ wee nsɛi ǹ nɛ adɔ̃ cinɛ do miiu.