Zozue 13:6 - Bibeli do fee

⁶ Nɔ aa gba ilu ŋa mɔ iyi à wa si iri kuta ŋau fei ŋai, hai Libãa hee ku bɔ Misirefɔti-Maimu. Ilɛ ŋau bɛ fei ti inɛi Sidɔ̃ɔ ŋai. An lele aŋa feii hai si wajui inɛi Izirɛli ŋau. Kpɛ̃ nŋa ilɛu. Jɔ̀ a ta kpasa, nɔ inɛ fei ku so iyi kpasau í náa si bɛi ǹ tako ǹ sɔ̃ɛu.

Zozue 13:6 Iomraidhean Croise

Iri ku kɔ̃ 80:8

Ilaaɔ̃ Lafɛ̃ɛi lele do ilɛ, gba wa do inɔ akã nɔ ka ba faaba.

Kuka 33:54

Aa ta kpasai i kpɛ̃ò ilɛu ŋa si bɛi nyaanze nŋɛ ŋau à to. Inɛ ŋa iyi à kpɔ, i na ŋa ku la ŋa, inɛ ŋa mɔ iyi a kù kpɔ, i na ŋa keeke ŋa. Inɛ fei á ba titɛɛi si kpasa iyi aa tau. Aa baa ŋai ku jɛ tu ŋɛ si bɛi dimii baa nŋɛ ŋau í to.

Zozue 1:6

Jɔ̀ i nɛ gbugbã nɔ i nɛ wɔɔkɔ, domi awɔi aa jɔ̀ inɛ ŋau a lɔ si ilɛ iyi ǹ fɔ do kugbasi ǹ ni an mua bala nŋa ŋau.

Zozue 11:12

Zozue í gba ilui Hasɔɔu do ilu ŋa iyi à wa amɛɛ bɛ fei do ilaalu nŋa ŋa, nɔ í jɔ̀ à kpa aŋa fei, bɛi Moizi woo ce icɛi Aɔ̃ Lafɛ̃ɛ í tako í fɔu.

Zozue 11:8

Nɔ Aɔ̃ Lafɛ̃ɛ í daa inɛi Izirɛli ŋa inɛ ŋau si awɔ, à kãmia ŋa nɔ à lele ŋa hee Sidɔ̃ɔ ilu nlau, nɔ à bɔ hee Misirefɔti-Maimu, nɔ à lele ŋa má à bɔ ikpa nunui daakɔ hee ku bɔ ikpa lɔɔmai Misipa, nɔ à kpa ŋa a kù jɔ̀ baa inɛ akã kù fita si.

Zozue 13:7

Kpɛ̃a dimi mɛɛsã ŋau ilɛ ŋau bɛ do bubui dimii Manasee ŋa iyi a kù ba nkãma titãu.

Zozue 23:13

i mà ŋa iyi Aɔ̃ Lafɛ̃ɛ nŋɛ kaa lele ŋa hai bi tu ŋɛ má. Aŋai aa na a jɛ cɛkũm ŋa si anini nŋɛ nɔ aa jɛ taa ku mu inɛ. Nɔ aa yɛi má bɛi kpɔtɔɔ iyi à ya cãò inɛ do bɛi agũ ŋa si iju nŋɛ ŋa. Nɔ aa wahala ŋɛi hee i koo i ku i jɔ̀ ilɛ jiida iyi Aɔ̃ Lafɛ̃ɛ nŋɛ í mu nŋɛu.

Zozue 23:4

I cɔ, si kpasa iyi à tau ǹ kpɛ̃ nŋɛ ilɛi inɛ ŋa iyi ǹ jɛ igũu si dimi do dimi hee do ti inɛ ŋa iyi à gbeò ku kãmia ŋau. Ilɛ ŋau à wai hai idoi Zuudɛ̃ɛu do ikpa nunui daakɔ hee ku bɔ bi Tenkui Mediteraneeu ikpa nunui alɛ.

Zozue 23:5

Aɔ̃ Lafɛ̃ɛ nŋɛi á tale inɛ ŋau nɔ ku lele ŋa hai si waju nŋɛ nɔ i buba si ilɛ nŋa ŋau si bɛi nŋu takaɛ í ce kuwãɛ.