Zozue 13:5 - Bibeli do fee

⁵ Nɔ í nyi í gbe ilɛi inɛi Gebali ŋa mɔ má do ilɛi Libãa fei ikpa nunui daakɔ, hai Baali-Gadi iyi í wa isɛi kutai Hɛɛmɔɔu hee ku bɔ Lebo-Amatiu.

Zozue 13:5 Iomraidhean Croise

Ilaalu 1, 5:18

Bɛbɛi Aɔ̃ Lafɛ̃ɛm í muum laakai ku sũ si kɔɔi ilɛ ŋau fei. Mbɛɛ kãma kù wɛɛ má, wahala kãma kù wɛɛ má.

Ilaalu 1, 8:65

Si waatiu bɛ Salomɔɔ í jɛ jingauu do inɛi Izirɛli ŋa fei. Akpɔ nla nlai í naa hai Lebo-Amati ikpa awɔ njɛi kpãai inunu hee ku bɔ acãi inyii Ezibiti ikpa awɔ cangai kpãai inunu. À ce jingauui ajɔ maatɛ̃ɛ. À ce ajɔ mɛɛje titã, si anyiɛ, nɔ à ce ajɔ mɛɛje mmuɛ má.

Iri ku kɔ̃ 83:7

Inɛ ŋau inɛi Edɔmu ŋai do inɛi Isimaɛli ŋa do inɛi Moabu ŋa do inɛi Agaa ŋa,

Ezai 10:9

Mii iyi í ba ilui Kalineu, nŋu si í ba ilui Kaakemisi mɔ bɛ? Ǹ cea Amatii bɛi ǹ tako ǹ cea Aapadi, nɔ ǹ cea Samari bɛi ǹ tako ǹ cea Damasi.

Zeremi 52:9

Ŋɔi à muu à naaɛ wa Ribula bi ilaalui Babilɔni si ilɛi Amati. Tengi bɛi Nebukanɛsaa í kiitiaa.

Ezekiɛli 27:9

Inɛi Gebali ŋa iyi à kpɛ bi titɛɛ si icɛu do ilu laakai ŋaui à jɛ woo teese akɔɛ ŋau. Akɔi inyi ŋau do inɛ ŋa iyi à ya wa inɔɛ ŋau, à ya leekĩ bi tɛɛi ku ba a ra iwoɛ ŋa.

Amɔsu 6:2

I sɔ̃ inɛ nŋɛ ŋa i ni a bɔ Kaline a cɔ, nɔ hai bɛ a bɔ hee Amati ilu nlau nɔ a bɔ Gati ilui inɛi Filisi ŋau. Nɔ i bee ŋa ŋa i ni, ilu ŋau bɛ à nɛ baaka à re bomma minji nwa ŋaui? Ilɛ nŋa í la í re tu wai?

Kuka 13:21

Ŋɔi inɛ ŋau à bɔ yaasei ilɛu ku cɔ, à sinti yaasei ilɛu ku cɔi hai gbaai Sini hee ku bɔ ilui Rehobu iyi í wa kɔkɔi ilui Lebo-Amati.

Kuka 34:8

Hai iri kutai Ɔɔu, aa jɔ̀ ku lɔ ŋai do ikpa Lebo-Amati nɔ ku bɔ hee Sedadi,

Wooda ku kɔsi 1:7

I dede i dasi kpãa bɛbɛi ŋa i bɔ ilɛi iri kuta tengi bii inɛi Amɔre ŋa à wau, do ilɛi inɛi Kanaã ŋa iyi à wa kɔkɔ nŋau, hai lɔɔmai Zuudɛ̃ɛu do ilɛi iri kuta ŋau, do inya bii ilɛ í munga anuu, do ilɛi Negɛbu do ilɛ iyi í wa itĩ tenku hee ku bɔ iri kutai Libãa ŋau, nɔ ku baa hee Efarata ido nlau.

Wooda ku kɔsi 3:25

Ǹ wa n tɔɔɛi, jɔ̀ n ba n yɛ ilɛ jiida iyi í wa icei idoi Zuudɛ̃ɛ do ikpa ihɔ̃u, do iri kuta kusĩaɛ ŋa, do iri kutai Libãa ŋa.

Zozue 11:17

Í gba ilɛu feii hai bi iri kuta bii nkãma ci ya fita iyi í sinti hai Seiiu hee ku bɔ Baali-Gadi iyi í wa si lɔɔmai Libãa ikpa bi isɛi iri kutai Hɛɛmɔɔu. Í mu ilaalu nŋa ŋau fei í kpa ŋa.

Zozue 11:3

Nɔ à ce anu tɔɔsi do inɛi Kanaã ŋa iyi à wa nunui daakɔ do nunui alɛi idoi Zuudɛ̃ɛu do inɛi Amɔre ŋa do inɛi Hɛti ŋa do inɛi Ferɛzi ŋa do inɛi Zebusi ŋa iyi à wa si iri kuta ŋau do inɛi Hɛvi ŋa iyi à wa ikpa geete iyi à ya kpe Hɛɛmɔɔ si ilɛi Misipa.

Zozue 12:7

Ilaalu ŋa iyi Zozue do inɛi Izirɛli ŋau à jɛ igũ do ikpa icei idoi Zuudɛ̃ɛ ikpa nunui alɛu, ilɛ nŋa ŋa í sintii hai Baali-Gadi si lɔɔmai Libãa hee ku bɔ iri kuta bii nkãma ci ya fita iyi í wa kɔkɔi Seii. Ŋɔi Zozue í kpɛ̃a inɛi Izirɛli ŋa ilɛu nɔ dimi fei í ba titɛɛ.