Zozue 13:31 - Bibeli do fee

³¹ Bubui ilɛi Galaadi, tɔkui Makii ŋai à na. Makiiu amai Manaseei wa jɛ. Nɔ à na ŋa Asitarɔti do Ederei má, ilu ŋa iyi à jɛ ti Ɔgu ilaalui Basãau.

Zozue 13:31 Iomraidhean Croise

Iri ku kɔ̃ 60:7

Faaba wa do gbugbãɛ nɔ i jɛ nwa, na mba baakɔɔɛ ŋa a fita si.

Ezekiɛli 48:4

Si cingaai ti Nɛfitaliu do ikpa awɔ cangai kpãai inunu hai nunui daakɔ hee ku bɔ nunui alɛ, bɛi ti Manasee á wa.

Zozue 12:4

Inɛ minjisiau nŋui í jɛ Ɔgu ilaalui Basãa. Nŋui í jɛ inɛ akãi inɛi Refai ŋa iyi à gbeu. Asitarɔti do Edereii í jɛ ideɛ.

Zozue 13:12

Ilɛi Basãa mɔ fei í wa si, ilɛ iyi Ɔgu í tako í jɛ ilaaluɛ si ilui Asitarɔti do Ederei. Ɔguu nŋui í jɛ inɛ akãi inɛi Refai ŋa iyi à gbe. Moizii í jɛ ilaalu ŋau igũ nɔ í lele ŋa.

Zozue 13:32

Yaase bɛi Moizi í ce ikpɛ̃u mbɛ waati iyi í wa si lɔɔmai Moabu do ikpa icei idoi Zuudɛ̃ɛ si tengii Zerikou suusuu do ikpa nunui daakɔ.

Zozue 17:5

Si ikpɛ̃u ikɔ mɛɛwai à na inɛi Manasee ŋau, baka ilɛi Galaadi do Basãa iyi à na ŋa má ikpa nunui daakɔi idoi Zuudɛ̃ɛu baasi.

Zozue 17:6

À ce bɛɛbɛi domi ama inaaboi Manasee ŋau mɔ à ba ikpɛ̃ nŋai si inɔi ama inɛmɔkɔɛ ŋau, nɔ ilɛi Galaadiu í baa í jɛ ti ama inɛmɔkɔi Manasee iyi à gbe ŋau.

Zozue 9:10

nɔ à gbɔ yaase bɛi í cea Sioni ilaalui ilui Hɛsebɔ̃ɔ do Ɔgu ilaalui ilɛi Basãa iyi í wa si ilui Asiterɔti, aŋa iyi à jɛ ilaalui inɛi Amɔre ŋa iyi à tako à wa icei idoi Zuudɛ̃ɛu.

Woo kiiti ŋa 10:6

Inɛi Izirɛli ŋau à nyi à ce mii iyi kù dɔ̃a Aɔ̃ Lafɛ̃ɛ si má. Iwɛ̃ Baali ŋai à ya maa tɔɔ do iwɛ̃ Asitaate do iwɛ̃i inɛi Siri ŋa do ti inɛi Sidɔ̃ɔ ŋa do ti inɛi Moabu ŋa do ti inɛi Amɔɔ ŋa do ti inɛi Filisi ŋa, nɔ à fũsi Aɔ̃ Lafɛ̃ɛ awɔ a ci ya gulɛ a tɔɔɛ má.

Woo kiiti ŋa 5:17

Si ilɛi Galaadi do ikpa nunui daakɔi idoi Zuudɛ̃ɛ, dimi ŋau a kù tɛkɛɛ. Na mii í ce dimii Dãa ŋa à wa kɔkɔi akɔi inyi nŋa ŋa. Inɛi Azɛɛ ŋa mɔ à wɛɛ nŋa itĩi tenku, kɔkɔi bi ku leekĩi akɔi inyi nŋa ŋau.

Samuɛli 1, 12:10

Ŋɔi à tɔɔ Aɔ̃ Lafɛ̃ɛ à waa ni, à ce dulum bi tɛɛ, domi à sinda à tooɛ anyi nɔ à koo à waa tɔɔ iwɛ̃ gɔ ŋa iyi à ya kpe Baali do Asitaate ŋa. Bɛbɛi, nya wa hai si awɔi mbɛɛ nwa ŋa, ku ba ka tɔɔɛ.

Samuɛli 1, 7:3

Ŋɔi Samuɛli í sɔ̃ ŋa í ni, bii í jɛ do idɔ nŋɛ feii ì waa nyi wa bi Aɔ̃ Lafɛ̃ɛ ŋa, i jɔ̀ iwɛ̃ Asitaate ku tɔɔ ŋa do iwɛ̃ ŋa iyi à gbe fei. I sinda idɔ nŋɛ wa si Aɔ̃ Lafɛ̃ɛ nɔ i tɔɔ nŋu akã ŋa, nɔ ku nya ŋɛ hai si awɔi inɛi Filisi ŋa.