Zozue 13:25 - Bibeli do fee

²⁵ Ilɛ iyi í na ŋau wee. Yazɛɛ do ilu nlai Galaadi ŋau fei do bubui ilɛi inɛi Amɔɔ ŋa hee ku bɔ Aroɛɛ tengii Rabau.

Zozue 13:25 Iomraidhean Croise

Samuɛli 2, 11:1

Iyi adɔ̃ í ka si sukui igũ ku bɔi ilaalu ŋa, ŋɔi Davidi í bɛ Zoabu do soogei Izirɛli ŋau do inɛ ngbo nŋa ŋa a koo a ce igũ do inɛi Amɔɔ ŋa. Ŋɔi à ce asɔɔi ilɛu à waa koo hee à to Raba ilu nla nŋau. Amma Davidi takaɛ í gbe Zeruzalɛmu.

Samuɛli 2, 12:26

Zoabu wa mɔsi igũu si inɛi Amɔɔ ŋa, nɔ í gba cingaa akãi Raba ilu nla nŋau, tengi bii ilaaluu í wa.

Samuɛli 2, 24:5

À kua idoi Zuudɛ̃ɛ nɔ à koo à ce asɔ kɔkɔi Aroɛɛ, ilu iyi í wa aninii lɔɔmau. Si anyiɛ nɔ à dede à bɔ Yazɛɛ si ilɛi Gadi.

Bomma 1, 26:31

Si gãmɛi inɛi Eborɔ̃ɔ ŋa Yeriai wa jɛ inɛ ngbo nŋa. Si adɔ̃ ciijisiai bomma ku jɛi Davidi, à ce kudɛdɛ ŋa si tuubai bala nŋa ŋa. Nɔ à koo à ba wee inɛmɔkɔ kaasãanɛ ŋa à wa si inɔ nŋa si ilui Yazɛɛ si ilɛi Galaadi.

Ezai 16:8

Jĩi ŋa iyi à wa Hɛsebɔ̃ɔ ŋau mɔ à kpa ŋa, nɔ inɛ ngboi ilɛ ŋau à kpa jĩi ndii rezɛ̃ɛ jiida ŋa iyi à wa Sibuma ŋau. Jĩi ŋau à bɔi hee Yazɛɛ, nɔ à fitai bii fei si gbaau. Amaawɔ nŋa ŋa à sɔi hee à kua tenku.

Ezai 17:2

Aa fũsi ilui Aroɛɛ ŋau awɔi. Mɛɛmu gaa ŋai aa jɔ̀a. Tengi bɛi aa ce bi kuwa nŋa ŋa, nɔ inɛ kãma kaa bitandi ŋa.

Zeremi 48:32

Awɔ mɔ ilui Sibuma, ǹ wa n kpataɛ í re baa bɛi ǹ wa n kpataa inɛi Yazɛɛ ŋa. Ì jɔ jĩi ndii rezɛ̃ɛ. Amaawɔɛ ŋa à kua à bɔi hee si icei tenkuu, nɔ à nɛ hee Yazɛɛ. Amma woo ce asɔɔu í naa í ce asɔɔi amaajɛɛ iyi ì da do inyii rezɛ̃ɛɛ iyi ì fɔ̃.

Ezekiɛli 21:20

Inɛ ŋa aa kua gbugbãi nɔ aŋa fei a cuku. Taakuba ku ce nfei inɛu í wa andɛ koofa feii. À kpãa wa daanai a ceò nfei inɛ ŋa.

Amɔsu 1:14

An jɔ̀ a dasi bindii ilui Raba ina nɔ kaba ku nɛ gbugbãi bommaɛ ŋau a jo. Waati bɛɛbɛ inɛ ŋa aa gbɔ anu ku dɔ̃i igũ bɛi fufu nla gɔ.

Kuka 21:32

Hai bɛ ŋɔi Moizi í nyi í bɛ inɛ gɔ ŋa má ku ba a koo a cɔ yaasei ilui Yazɛɛ wa. Si anyiɛ ŋɔi inɛi Izirɛli ŋau à koo à jɛ iluu do ilɛɛkoɛ ŋau fei igũ, nɔ à lele inɛi Amɔre ŋa iyi à wa bɛ ŋau fei.

Kuka 32:35

do Atorɔtu-Sofã do Yazɛɛ do Yogboha

Wooda ku kɔsi 2:19

hee i tosi ilɛi inɛi Amɔɔ ŋau. Amma i maà dɛ anu nŋa ŋa, nɔ i maà ba ŋa igũ ku ce ŋa, domi amu Aɔ̃ Lafɛ̃ɛ n kaa n na ŋɛ nkãma si ilɛi inɛi Amɔɔ ŋa iyi á jɛ ikpɛ̃ nŋɛ. Tɔkui Lɔtu ŋai ǹ na ilɛu ku jɛ ikpɛ̃ nŋa.

Wooda ku kɔsi 3:11

Ɔgu ilaalui Basãau nŋu akãi í gbe si dimii inɛi Refaimu ŋau. Daayiɛ daayii isɔi. Raba ilui inɛi Amɔɔ ŋaui í wa. Kusɔi daayiu í wɛɛi agbãawɔ mɛɛsã, kucĩɛ mɔ agbãawɔ mɛɛ, waatɔ agbãawɔi inɛ ngbo.

Zozue 13:11

Ilɛi Galaadi mɔ í wa si do ilɛi inɛi Gɛsuu ŋa do ti inɛi Maaka ŋa do iri kutai Hɛɛmɔɔ do ilɛi Basãa fei hee ku bɔ Salika.

Zozue 13:24

Moizi í na dimii Gadi ŋau mɔ ilɛ ŋa si bɛi nyaanze nŋa ŋa à to.

Zozue 13:26

Aŋai à nɛ má hai Hɛsebɔ̃ɔ hee ku bɔ Ramati-Misipe do Betonimu do hai Mahanaimu hee ku bɔ kɔɔi Debii.

Woo kiiti ŋa 5:17

Si ilɛi Galaadi do ikpa nunui daakɔi idoi Zuudɛ̃ɛ, dimi ŋau a kù tɛkɛɛ. Na mii í ce dimii Dãa ŋa à wa kɔkɔi akɔi inyi nŋa ŋa. Inɛi Azɛɛ ŋa mɔ à wɛɛ nŋa itĩi tenku, kɔkɔi bi ku leekĩi akɔi inyi nŋa ŋau.