Zozue 13:22 - Bibeli do fee

²² Woo ce kuyɛ iyi à ya kpe Balamu amai Beɔɔu, nŋu mɔ í wa si inɔi inɛ ŋa iyi inɛi Izirɛli ŋa à kpa waati bɛɛbɛu.

Zozue 13:22 Iomraidhean Croise

Kuka 23:23

Dobu dobu do alisi ŋa ku ce kù wɛɛ bi inɛi Izirɛli ŋa. Ilaaɔ̃ í ya jɔ̀ inɛi Izirɛli ŋa a mà mii iyi nŋu á cei si waati iyi í bi.

Kuka 24:1

Si bɛi Balamu í mà iyi Aɔ̃ Lafɛ̃ɛ í jilɔɔ si nŋu ku weea inɛi Izirɛli ŋau, na nŋu, kù bɔ ku bee Aɔ̃ Lafɛ̃ɛ ide kãma bɛi tako má, amma í sindai gbakã í cɔ do ikpa bi gbaau.

Kuka 24:14

Na nŋu nsɛi an sinda n nyi bi inɛm ŋa. Amma naa wa n sɔ̃ɛ mii iyi inɛi Izirɛli ŋau aa na a cea inɛɛ ŋa do ankãanyi.

Kuka 31:8

À kpa ilaalu miiui Madiãa ŋau, iri nŋa wee. Evi do Rekɛmu do Suu do Huu do Reba. À kpa Balamu amai Beɔɔ mɔ, do inɛ ŋa iyi à gbe ŋau fei.

Zozue 13:23

Ilɛi inɛi Rubɛ̃ɛ ŋau idoi Zuudɛ̃ɛui í jɛ kɔɔɛ do ikpa nunui alɛ. Iyi í jɛ tubui amai Rubɛ̃ɛ ŋau mbɛ si bɛi nyaanze nŋa ŋa à to, ilu nla ŋau do ilɛɛko nŋa ŋa.

Piɛɛ 2, 2:15

À jɔ̀ kpãa jiida nɔ à nyɔ. À too kpãai walii Balamu amai Beɔɔ, nŋu iyi í bi ribai laalɔ ku jɛ.

Zudu 1:11

Aa yɛ ijuukpã, domi tuubai Kaɛ̃ɛi à waa too, à dasi ara nŋa kurara ku ba a ba fia bɛi Balamu í ce, nɔ à kɔ̀si Ilaaɔ̃ bɛi Kore í ce nɔ à ce nfei ara nŋa.

Kuyɛi Zãa 19:20

Ŋɔi masau do woo ce igũɛ ŋa à mu mɛɛmuu do walii ilu ibou ajɔ, nŋu iyi wa ce dobu dobu si wajui mɛɛmuu wo. Do dobu dobuui í dĩ ijui inɛ ŋa iyi à tako à nɛ nyindai mɛɛmuu nɔ à tɔɔ mii iyi à gbeu. À sɔsi aŋa minji fei si ina nla iyi wa jo do fainwitau njaawɛ.

Kuyɛi Zãa 2:14

Amma mii iyi ǹ yɛ si ŋɛ wee. Inɛ gɔ ŋa à wa si inɔ nŋɛ iyi à waa too si ikɔi Balamu. Balamu í tako í sɔ̃ Balaki bɛi á ce ku dasi inɛi Izirɛli ŋa kurara ku ba a ŋɔ iŋa iyi à ceaò iwɛ̃ ŋa kuwee, nɔ a ce sɛ̃ɛ ku tɔtɔɔ hai nɛ yaase.