Zozue 13:2 - Bibeli do fee

^2-3 I kù gba ilɛi inɛi Filisi ŋau fei titã ŋa do ilu miiu nŋa ŋau. Ilu ŋau wee. Gaza do Asidodi do Asikalɔ̃ɔ do Gati do Ekorɔ̃ɔ. I kù gba ilɛi inɛi Gɛsuu ŋau mɔ iyi í wa do ikpa nunui daakɔi Ezibitiu ŋa do ilɛi inɛi Avi ŋa iyi í wa awɔ cangai kpãai inunu. Nɔ i kù gba ilɛ iyi í wa hai acãi inyii Siɔ̃ɔ ŋa iyi í ce kɔɔ do ilɛi Ezibiti hee ku bɔ ilui Ekorɔ̃ɔ ikpa awɔ njɛi kpãai inunu.

Zozue 13:2 Iomraidhean Croise

Kusintii Andunya 10:14

do inɛi Patuusi ŋa do inɛi Kasilu ŋa do inɛi Kafitɔɔ ŋa. Ilɛ tengi bii inɛi Kasilu ŋa à koo à bubau, dimii inɛi Filisi ŋai à tako à wa bɛ wo.

Kusintii Andunya 26:1

Si anyii ikui Aburahamu, ari nla nla gɔ í naa si ilɛu, bɛi í tako í ce si waatii Aburahamu. Nɔ Izaaki í bɔ ilui Geraa bi Abimelɛki ilaalui inɛi Filisi ŋa.

Samuɛli 2, 15:8

domi waati iyi ǹ wa Gɛsuu si ilɛi Siri, ǹ ce kuwã ǹ ni, bii Aɔ̃ Lafɛ̃ɛ í baam wa Zeruzalɛmu, an ceaa kuweei.

Samuɛli 2, 3:3

minjisiau mɔ Kileabu amai Abigali jaaɔ̃i Nabali inɛi Kaamɛli, mɛɛtasiaɛ mɔ Abusalɔmu amai Maaka. Maakau, ama inaaboi ilaalui Gɛsuui iyi à ya kpe Talimai.

Zoɛli 3:4

Inunu á kpaasii ku baa ku ce ilu kuku. Cukpa mɔ á kpãi bɛi njɛ, hee ajɔi amu Aɔ̃ Lafɛ̃ɛ ku maa to wa. Ajɔu, ajɔ nla nlai á jɛ nɔ á nɛ njo.

Sofoni 2:5

Inɔ kufɔi á jɛ ti iŋɛ inɛi Kerɛti ŋa iyi ì wa itĩ tenkuu. Aɔ̃ Lafɛ̃ɛ wa yɛ taale nŋɛ si ide ku fɔɛ. Aɔ̃ Lafɛ̃ɛ í ni, Kanaã ilɛi inɛi Filisi ŋau, an ce nfeɛi. Inɛ kãma kaa wa si ilɛɛu má.

Wooda ku kɔsi 3:14

Yaii tɔkui Manaseei í so ilɛi Aagobuu fei hee ku bɔ kɔɔi ilɛi inɛi Gɛsuu ŋau do ti inɛi Makati ŋa, nɔ í so iriɛ í na ilɛɛkoi Basãa ŋa, nɔ baa nnyi ilɛɛkoi Yaiii à ya kpoo.

Zozue 12:5

Nŋu mɔi í nɛ hai iri kutai Hɛɛmɔɔ do Salika do ilɛi Basãa fei hee ku bɔ tengi bii í jɛ kɔɔ nŋa do inɛi Gesuu ŋa do inɛi Maakati ŋa do bubui ilɛi Galaadi hee ku bɔ kɔɔi ilɛi Sioni ilaalui Hɛsebɔ̃ɔ.

Zozue 13:11

Ilɛi Galaadi mɔ í wa si do ilɛi inɛi Gɛsuu ŋa do ti inɛi Maaka ŋa do iri kutai Hɛɛmɔɔ do ilɛi Basãa fei hee ku bɔ Salika.

Zozue 13:13

Amma inɛi Izirɛli ŋau a kù lele inɛi Gɛsuu ŋa do inɛi Maaka ŋa, nɔ baa nsɛi inɛ nŋu ŋau à wa si inɔ nŋa.

Woo kiiti ŋa 3:1

Aɔ̃ Lafɛ̃ɛ í jɔ̀ dimi ŋau bɛi ku cɔò laakaii inɛi Izirɛli ŋa iyi a kù mà igũi Kanaã ŋau fei.

Samuɛli 1, 27:8

Hai Sikilagi bɛi Davidi do inɛɛ ŋa à koo à zamba inɛi Gesuu ŋa do inɛi Girizi ŋa do inɛi Amalɛki ŋa, aŋa iyi à tako à wa bɛ wo hai ku kpɛ. Ilɛ nŋa í sinti hai anyii Suu hee ku bɔ ilɛi Ezibiti.