Zozue 13:16 - Bibeli do fee

¹⁶ Aŋai à nɛ ilɛ iyi í wa hai Aroɛɛ kɔkɔi acãi inyii Aanɔɔu hee ku bɔ ilu iyi í wa aninii lɔɔmau, hee do lɔɔma iyi í wa kɔkɔi Medebau fei.

Zozue 13:16 Iomraidhean Croise

Samuɛli 2, 24:5

À kua idoi Zuudɛ̃ɛ nɔ à koo à ce asɔ kɔkɔi Aroɛɛ, ilu iyi í wa aninii lɔɔmau. Si anyiɛ nɔ à dede à bɔ Yazɛɛ si ilɛi Gadi.

Bomma 1, 19:7

Ŋɔi à haya sarɛtii igũ dubu kuntaa do minji (32.000) do ilaalui Maaka nŋu do soogeɛ ŋa, nɔ à na à ce asɔ do wajui Mɛdeba. Inɛi Amɔɔ ŋau à tɔtɔɔ wa hai ilu nŋa ŋa nɔ à waa naa igũu.

Ezai 15:4

Inɛi ilui Hɛsebɔ̃ɔ do Eleale ŋa à wasi ku dɔ̃ anu. À waa gbɔ anu ku dɔ̃ nŋau wa hai bɛ hee ku naa Yahasi. Na ŋɔi í jɔ̀ woo ja igũi Moabu ŋau à wasi ku dɔ̃ anu, nɔ à wɛɛò inɔ kufɔ.

Kuka 21:26

Hɛsebɔ̃ɔ ilui Sioni ilaalui inɛi Amɔre ŋaui. Í tako í ce igũ wo do ilaalui Moabu gɔ, nɔ í gba ilɛi ilaaluu hee ku bɔ Aanɔɔ.

Wooda ku kɔsi 3:12

Ŋɔi à gba ilɛu, nɔ ǹ na inɛi Rubɛ̃ɛ ŋa do inɛi Gadi ŋa hai Aroɛɛ bi lɔɔmai Aanɔɔu do bubui ilɛi iri kutai Galaadi do iluɛ ŋau.

Zozue 12:2

Inɛ sinteui í jɛ Sioni ilaalui inɛi Amɔre ŋa iyi í wa Hɛsebɔ̃ɔ. Nŋui í nɛ bubui lɔɔmai Aanɔɔ hai ilu iyi à ya kpe Aroɛɛ kɔkɔi acãi inyii Aanɔɔu, ku koo si aninii acãi inyiu, do bubui ilɛi Galaadi hee ku bɔ acãi inyii Yabɔku iyi í jɛ kɔɔ nŋa do inɛi Amɔɔ ŋa.

Zozue 13:15

Moizi í na dimii Rubɛ̃ɛ ŋa zaka bɛi kukpɔi nyaanze nŋa ŋa à to.

Zozue 13:17

Aŋai à nyi à nɛ ilui Hɛsebɔ̃ɔ má do ilu ŋa iyi à wa si lɔɔmau fei, hai Dibɔ̃ɔ do Bamɔtu-Baali do Bɛti-Baali-Meɔ̃ɔ

Zozue 13:9

Ilɛ nŋau í sintii hai Aroɛɛ iyi í wa kɔkɔi acãi inyii Aanɔɔu, do hai ilu iyi í wa aninii lɔɔmau, do fatamai Medebau fei hee ku bɔ Dibɔ̃ɔ,

Zozue 14:3

Moizi í tako í kpɛ̃a dimi minji do bubuu ilɛ iyi í wa ikpa nunui daakɔi idoi Zuudɛ̃ɛu tã, amma kù na dimii Levii ŋau ilɛ kãma.

Zozue 18:7

Amma tɔkui Levii ŋa a kaa ba ikpɛ̃ kãma si ilɛu, domi aŋai à jɛ woo weei Aɔ̃ Lafɛ̃ɛ ŋa, nɔ iyi bɛi í jɛ tubu nŋa. Nɔ dimii Gadi do dimii Rubɛ̃ɛ do bubui dimii Manasee ŋa, inɛ nŋu ŋau à ba ilɛ nŋa ikpa nunui daakɔi idoi Zuudɛ̃ɛu tã. Moizi woo ce icɛi Aɔ̃ Lafɛ̃ɛui í kpɛ̃ nŋa.

Woo kiiti ŋa 11:26

Hai adɔ̃ cĩɔ mɛɛta wai ihɛ̃, iyi inɛi Izirɛli ŋa à wa Hɛsebɔ̃ɔ do Aroɛɛ do ilu ŋa iyi à wa kɔkɔ nŋa do ilu ŋa iyi à wa itĩi acãi inyii Aanɔɔu fei. Na mii í ce i kù gba ilɛ ŋau hai waati bɛɛbɛ ŋa.

Samuɛli 1, 30:28

do inɛ ngboi Aroɛɛ ŋa, do inɛ ngboi Sifimɔti ŋa do inɛ ngboi Esitemɔa ŋa,