Zozue 13:13 - Bibeli do fee

¹³ Amma inɛi Izirɛli ŋau a kù lele inɛi Gɛsuu ŋa do inɛi Maaka ŋa, nɔ baa nsɛi inɛ nŋu ŋau à wa si inɔ nŋa.

Zozue 13:13 Iomraidhean Croise

Kusintii Andunya 35:22

Nɔ si waati iyi í wa inyau, Rubɛ̃ɛ amaɛu í koo í sũò Biliha aboi baaɛu. Iyi baau í gbɔ ideu ŋɔi í roo jiida jiida. Ama inɛmɔkɔi Zakɔbu ŋau aŋa maateejii fei sãa sãa.

Samuɛli 2, 10:6

Iyi inɛi Amɔɔ ŋa à yɛ aŋa à cea Davidi taale, ŋɔi à so sooge dubu kɔnfia (20.000) hai bi inɛi Siri ŋa iyi à wa Bɛti-Rehobu do Soba. Nɔ à so dubu akã (1.000) hai bi ilaalui Maaka, do dubu maateeji (12.000) hai bi inɛi Tobu ŋa. Sooge dubu kuntaa do mɛɛta (33.000) ŋau bɛ fei inɛi ilɛi Siri ŋai.

Samuɛli 2, 3:3

minjisiau mɔ Kileabu amai Abigali jaaɔ̃i Nabali inɛi Kaamɛli, mɛɛtasiaɛ mɔ Abusalɔmu amai Maaka. Maakau, ama inaaboi ilaalui Gɛsuui iyi à ya kpe Talimai.

Kuka 33:55

Amma bii i kù lele inɛi ilɛ ŋau bɛ hai si waju nŋɛ, inɛ ŋa iyi i jɔ̀ ŋa, aŋai aa na a yɛ bɛi agũ ŋa si iju nŋɛ, do bɛi abɛɛ ŋa iyi aa maa gũ ŋɛ si cingaa nŋɛ ŋa, aŋai aa jɛ mbɛɛ nŋɛ ŋa si ilɛ bii aa na i buba ŋau.

Wooda ku kɔsi 3:14

Yaii tɔkui Manaseei í so ilɛi Aagobuu fei hee ku bɔ kɔɔi ilɛi inɛi Gɛsuu ŋau do ti inɛi Makati ŋa, nɔ í so iriɛ í na ilɛɛkoi Basãa ŋa, nɔ baa nnyi ilɛɛkoi Yaiii à ya kpoo.

Zozue 12:5

Nŋu mɔi í nɛ hai iri kutai Hɛɛmɔɔ do Salika do ilɛi Basãa fei hee ku bɔ tengi bii í jɛ kɔɔ nŋa do inɛi Gesuu ŋa do inɛi Maakati ŋa do bubui ilɛi Galaadi hee ku bɔ kɔɔi ilɛi Sioni ilaalui Hɛsebɔ̃ɔ.

Zozue 13:11

Ilɛi Galaadi mɔ í wa si do ilɛi inɛi Gɛsuu ŋa do ti inɛi Maaka ŋa do iri kutai Hɛɛmɔɔ do ilɛi Basãa fei hee ku bɔ Salika.

Zozue 13:12

Ilɛi Basãa mɔ fei í wa si, ilɛ iyi Ɔgu í tako í jɛ ilaaluɛ si ilui Asitarɔti do Ederei. Ɔguu nŋui í jɛ inɛ akãi inɛi Refai ŋa iyi à gbe. Moizii í jɛ ilaalu ŋau igũ nɔ í lele ŋa.

Zozue 13:14

Dimii inɛi Levii ŋa aŋa akãi Moizi kù na tubui ilɛu. Kuwee ŋa iyi à ya joa Aɔ̃ Lafɛ̃ɛi inɛi Izirɛli ŋa nŋui í jɛ tubu nŋa, bɛi Aɔ̃ Lafɛ̃ɛ takaɛ í sɔ̃ Moizi wo.

Samuɛli 1, 27:8

Hai Sikilagi bɛi Davidi do inɛɛ ŋa à koo à zamba inɛi Gesuu ŋa do inɛi Girizi ŋa do inɛi Amalɛki ŋa, aŋa iyi à tako à wa bɛ wo hai ku kpɛ. Ilɛ nŋa í sinti hai anyii Suu hee ku bɔ ilɛi Ezibiti.