Zozue 12:7 - Bibeli do fee

⁷ Ilaalu ŋa iyi Zozue do inɛi Izirɛli ŋau à jɛ igũ do ikpa icei idoi Zuudɛ̃ɛ ikpa nunui alɛu, ilɛ nŋa ŋa í sintii hai Baali-Gadi si lɔɔmai Libãa hee ku bɔ iri kuta bii nkãma ci ya fita iyi í wa kɔkɔi Seii. Ŋɔi Zozue í kpɛ̃a inɛi Izirɛli ŋa ilɛu nɔ dimi fei í ba titɛɛ.

Zozue 12:7 Iomraidhean Croise

Kusintii Andunya 14:6

Nɔ à koo à jɛ inɛi Hɔɔ ŋa mɔ igũ ikpa iri kuta nŋa iyi à ya kpe Seii hee ku bɔ bi jĩi ndii sɛnii Parãa iyi í wa kɔkɔi gbaau.

Kusintii Andunya 32:3

Iyi Zakɔbu í yɛ amaleka ŋau ŋɔi í ni, bi kuwai woo ce igũi Ilaaɔ̃ ŋai ihɛ̃. Ŋɔi í sɔ inyau Mahanaimu.

Kusintii Andunya 36:20

Inɛ ŋa iyi à tako à buba si ilɛi Edɔmu tɔkui Seii inɛi Hori ŋai. Inɛ ŋa mɔ iyi à jɛ ilu kpasɛ̃ ŋa iri nŋa ŋa wee. Lotãa do Sobali do Sibeɔ̃ do Ana do Disɔ̃ɔ do Esɛɛ do Disãa.

Kusintii Andunya 36:8

Ŋɔi í jɔ̀ Esau, nŋu iyi à ya kpe Edɔmu máu, í koo í buba si iri kutai Seii.

Iri ku kɔ̃ 135:11

Nŋui í jɔ̀ à kpa Sioni ilaalui inɛi Amɔre ŋa, do Ɔgu ilaalui ilɛi Basãa, do ilaalui ilɛi Kanaã ŋa fei.

Wooda ku kɔsi 2:1

Si anyiɛ ŋɔi à sinda à waa nɛ ikpa gbaau. Kpãai Tenkui Njeeui à mu si bɛi Aɔ̃ Lafɛ̃ɛ í tako í sɔ̃m nɔu. Nɔ à kpɛ si iri kutai Seii ŋau ku too.

Wooda ku kɔsi 2:4

Wooda ŋa iyi ì nɛ i na inɛ ŋau wee. Aa kua ilɛi nyaanze nŋɛ ŋa dimii Esau ŋa iyi à wa Seiiui. Inɛ ŋau aa maa ce njo nŋɛ, amma i ce laakai,

Zozue 11:17

Í gba ilɛu feii hai bi iri kuta bii nkãma ci ya fita iyi í sinti hai Seiiu hee ku bɔ Baali-Gadi iyi í wa si lɔɔmai Libãa ikpa bi isɛi iri kutai Hɛɛmɔɔu. Í mu ilaalu nŋa ŋau fei í kpa ŋa.

Zozue 11:23

Bɛɛbɛi Zozue í gba ilɛu fei, si bɛi Aɔ̃ Lafɛ̃ɛ í na Moizi woodaɛ, nɔ í kpɛ̃a inɛi Izirɛli ŋa si dimi ikã ikã ŋau fei. Ŋɔi inɛ ŋau à bɛi à sĩmiò igũ ŋau.

Zozue 3:17

Woo wee ŋa iyi à waa so kpakoi akabuui Aɔ̃ Lafɛ̃ɛu à waa leekĩi si ilɛ ngbɛ si aninii idoi Zuudɛ̃ɛu, nɔ inɛi Izirɛli ŋau à waa nɛ si ilɛ ngbɛ hee aŋa fei à koo à kua à tãò.

Zozue 9:1

Ilaalui ilɛ ŋa iyi à wa ikpa nunui alɛi idoi Zuudɛ̃ɛu à gbɔ bɛi Zozue do inɛi Izirɛli ŋa à cea inɛi Ai ŋa. Laabaaui ideu í fangaa si ilu ŋa iyi à wa si iri kuta ŋau do ilu ŋa iyi à wa lɔɔma do ilu ŋa iyi à wa ikpa bi Tenku Nlau fei hee ku bɔ kɔkɔi ilɛi Libãa. Ŋɔi inɛi Hɛti ŋa do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa