Zozue 12:1 - Bibeli do fee

¹ Inɛi Izirɛli ŋau à jɛ ilaalu minji ŋa iyi ilɛ nŋa í wa do ikpa nunui daakɔi idoi Zuudɛ̃ɛu igũ. Nɔ à gba ilɛ ŋa iyi à wa si lɔɔmai idoi Zuudɛ̃ɛu do ikpa nunui daakɔ hai bi acãi inyii Aanɔɔ hee ku bɔ iri kutai Hɛɛmɔɔu.

Zozue 12:1 Iomraidhean Croise

Ilaalu 1, 4:19

Gebɛɛ amai Uri í wa ilɛi Galaadi. Nŋui í nɛ ilu ŋa iyi à jɛ ti Sioni ilaalui inɛi Amɔre ŋa do ti Ɔgu ilaalui Basãa wo. Nŋu akãi wa mu ilɛ iyi bɛ.

Iri ku kɔ̃ 133:3

Í yɛi bɛi ikpãi iri kutai Hɛɛmɔɔ iyi wa dikã wa si iri kutai Siɔ̃ɔ, domi hai bɛi Aɔ̃ Lafɛ̃ɛ í ya weea inɛɛ ŋa ku mu nŋa kuwɛɛ hai nɛ kɔɔ.

Iri ku kɔ̃ 136:21

Í gba ilɛ nŋau í na inɛ mmu ŋa í jɛ tubu nŋa. Kubiɛ í ya maa wɛɛi hee do ajɔ fei.

Iri ku kɔ̃ 89:12

Awɔi ì nɛ lele, awɔi ì nɛ ilɛ mɔ. Awɔi ì taka andunya do mii iyi í wa si fei.

Ezai 16:2

Inaaboi Moabu ŋa à sai à kua acãi inyii Aanɔɔ. Inaabo ŋau à yɛi bɛi yɛi ŋa iyi à jɔ̀ à sa à fangaa hee jĩijĩ hai bi antɛ nŋa.

Kuka 21:13

Iyi à dede hai bɛ má, nɔ à koo à ce asɔ do icei idoi Aanɔɔ iyi wa cã si gbaau, nɔ wa naa hai ilɛi inɛi Amɔre ŋau, domi Aanɔɔi í jɛ kɔɔi inɛi Moabu ŋau do inɛi Amɔre ŋau.

Kuka 21:21

Inɛi Izirɛli ŋau à bɛ inɛ ŋa à koo à sɔ̃ Sioni ilaalui inɛi Amɔre ŋau a ni,

Kuka 21:24

Ŋɔi inɛi Izirɛli ŋau à jɛ ŋa igũ, nɔ à gba ilɛ nŋau fei, hai Aanɔɔ hee ku bɔ Yabɔku, hee ku naa si kɔɔi ilɛi inɛi Amɔɔ ŋau, domi kɔɔi ilɛi inɛi Amɔɔ ŋau í nɛ bindi ku nɛ gbugbã.

Kuka 32:19

nɔ a kù waa lasabu ka nɛ ikpɛ̃ si nkãma do aŋa do ikpa icei idoi Zuudɛ̃ɛu má hee má jɛ do wajuɛ, domi aa ka ba ikpɛ̃ nwa ihɛ̃ do ikpa nunui daakɔi idoi Zuudɛ̃ɛu.

Kuka 32:32

Aa ka kɔtɔ jĩnɛi igũ nwa ŋa nɔ ka lɔ si ilɛi Kanaãu si bɛi Aɔ̃ Lafɛ̃ɛ í fɔ ku ba awa mɔ ka ba ikpɛ̃ nwa do icei idoi Zuudɛ̃ɛu ihɛ̃.

Kuka 32:33

Moizi í na dimii Gadi do dimii Rubɛ̃ɛ, do dimii Manasee iyi í jɛ bubui dimii Zozɛfuu bommai Sioni ilaalui inɛi Amɔre ŋau do bommai Ɔgu ilaalui Basãa do ilu nŋa ŋa do ilɛ ŋa iyi à wa amɛɛ bɛ fei.

Wooda ku kɔsi 2:24

Si anyiɛ nɔ Aɔ̃ Lafɛ̃ɛ í na wooda má í ni, i dede i dasi kpãa má ŋa, nɔ i kua acãi inyii Aanɔɔu ŋa. Amu Aɔ̃ Lafɛ̃ɛ ǹ da nŋɛ Sioni ilaalui Hɛsebɔ̃ɔ inɛi Amɔreu si awɔ nŋu do ilɛɛ fei. I sinti ilɛu ku gba nɔ i ce igũ ŋa.

Wooda ku kɔsi 2:32

Ŋɔi Sioni í fita í naa ku ko nwa nŋu do inɛɛ ŋa fei ku ba a ce igũ do awa ilui Yahasi.

Wooda ku kɔsi 3:1

Hai bɛ, ŋɔi à sinda à too kpãai Basãa. Ŋɔi Ɔgu ilaalui Basãau í fita í naa ku ko nwa nŋu do zamaaɛ fei ku ba a ce igũ do awa ilui Ederei.

Wooda ku kɔsi 4:44

Moizi í sisia inɛi Izirɛli ŋau woodai Aɔ̃ Lafɛ̃ɛ.

Wooda ku kɔsi 4:46

Inɛi Izirɛli ŋau do ikpa nunui daakɔi idoi Zuudɛ̃ɛui à wa, si lɔɔma iyi í wa do wajui Bɛti-Peɔɔ si ilɛi Sioni ilaalui inɛi Amɔre ŋau. Sioni takaɛ Hɛsebɔ̃ɔi í wa, amma Moizi do inɛi Izirɛli ŋau à jɔɔ igũ,

Wooda ku kɔsi 4:48

Si bɛɛbɛ, inɛi Izirɛli ŋaui à buba si ilɛ iyi í wa hai Aroɛɛ si lɔɔmai Aanɔɔ hee ku bɔ iri kutai Hɛɛmɔɔ iyi à ya nyi à kpe Siriɔ̃ɔ má,

Zozue 1:15

hee koo to Aɔ̃ Lafɛ̃ɛ nŋɛ ku mua inɛ nŋɛ ŋau mɔ kusĩmi bɛi í mua iŋɛ mɔ, nɔ aŋa mɔ a gba ilɛ iyi Aɔ̃ Lafɛ̃ɛ í mu nŋa bɛi í mua iŋɛ mɔu. Si anyiɛ nɔ i nyi wa i na i buba si ilɛ iyi Moizi í mu nŋɛ kɔkɔi idoi Zuudɛ̃ɛ do ikpa nunui daakɔu.

Zozue 11:17

Í gba ilɛu feii hai bi iri kuta bii nkãma ci ya fita iyi í sinti hai Seiiu hee ku bɔ Baali-Gadi iyi í wa si lɔɔmai Libãa ikpa bi isɛi iri kutai Hɛɛmɔɔu. Í mu ilaalu nŋa ŋau fei í kpa ŋa.

Zozue 11:3

Nɔ à ce anu tɔɔsi do inɛi Kanaã ŋa iyi à wa nunui daakɔ do nunui alɛi idoi Zuudɛ̃ɛu do inɛi Amɔre ŋa do inɛi Hɛti ŋa do inɛi Ferɛzi ŋa do inɛi Zebusi ŋa iyi à wa si iri kuta ŋau do inɛi Hɛvi ŋa iyi à wa ikpa geete iyi à ya kpe Hɛɛmɔɔ si ilɛi Misipa.

Zozue 13:8

Inɛi Rubɛ̃ɛ ŋa do inɛi Gadi ŋa do bubu sintei dimii Manasee ŋau à tako à ba ilɛ nŋa iyi Moizi woo ce icɛi Aɔ̃ Lafɛ̃ɛu í kpɛ̃ nŋa do ikpa nunui daakɔi idoi Zuudɛ̃ɛu.

Zozue 22:4

Bɛbɛi iyi Aɔ̃ Lafɛ̃ɛ nŋɛ í jɔ̀ inɛ nŋɛ ŋa à buba si ilɛ nŋa bɛi í wã ŋa dou, aa yɔkɔ i nyi si ilei acɔ nŋɛ ŋa i koo i buba si ilɛ iyi Moizi woo ce icɛi Aɔ̃ Lafɛ̃ɛu í na ŋɛ si ikpɛ̃u do ikpa nunui daakɔi idoi Zuudɛ̃ɛu.

Woo kiiti ŋa 11:18

Si anyiɛ à nɛ ikpa bi gbaau, nɔ à sinda à too do alalai ilɛi Edɔmu do ilɛi Moabu, nɔ à naa do ikpa nunui daakɔi ilɛi Moabuu. Nɔ à buba do ikpa icei acãi inyii Aanɔɔu, a kù lɔ si ilɛi Moabu, domi Aanɔɔi í jɛ kɔɔɛ.