Zozue 11:6 - Bibeli do fee

⁶ Ŋɔi Aɔ̃ Lafɛ̃ɛ í sɔ̃ Zozue í ni, maà ce njo nŋa, domi ala zaka bii à wau ihɛ̃ an daaɛ aŋa fei si awɔ nɔ inɛi Izirɛli ŋa a kpa ŋa. Si anyii nŋu aa bu kɔbisii acĩ nŋa ŋaui nɔ i jo sarɛtii igũ nŋa ŋau.

Zozue 11:6 Iomraidhean Croise

Samuɛli 2, 8:4

Nɔ í gba siɛ masa dubu akã do cĩɔ mɛɛje (1.700) do sooge woo nɛ do isɛ ŋa aŋa dubu kɔnfia (20.000). Nɔ í bu atĩi kɔbisii acĩ ŋau fei, í gbe acĩ cĩɔ (100) iyi í jɔ̀a araɛ na sarɛtii igũ ku fa.

Ilaalu 2, 6:16

Ŋɔi Elizee í jɛaa í ni, maà ce njo, domi inɛ nwa ŋa à kpɔ à re inɛ nŋa ŋa.

Bomma 2, 20:16

Ala i koo si ŋa ŋa. Aa too wai do iri kutai Siti nɔ i ba ŋa si kɔɔi lɔɔmau ŋa, si wajui gbaai Yeruɛliu.

Iri ku kɔ̃ 46:10

Aɔ̃ Lafɛ̃ɛi í ya leekĩ igũ si andunya fei, nŋui í ya cɛ biooi igũ ŋa, nɔ í ya cɛ kaka ŋa. Í ya jɔ̀ ina ku jo sarɛti ku ce igũ ŋau.

Iri ku kɔ̃ 46:11

Nŋui í ni, i leekĩ nɔ i mà ŋa iyi amui ǹ jɛ Aɔ̃ Lafɛ̃ɛ. Amui ǹ kãmia dimi ŋa nɔ ǹ kãmia andunyau fei.

Iri ku kɔ̃ 46:9

I naa i cɔ icɛ iyi Aɔ̃ Lafɛ̃ɛ í ce ŋa. Tɔtɔ ku fɔ iyi í ce si ilɛ.

Mɔnda ŋa 20:7

Inɛ jiida í ya jɛ kuwɛɛi dee dee. Inɔ didɔ̃i í ya na ku jɛ ti amaɛ ŋa.

Ezai 30:16

Ì fɔ ŋai ì waa ni ŋa, aawo, aa ka sai do acĩ. Na ŋɔi í jɔ̀ aa sa ŋa. Ì waa fɔ má ŋa ì waa ni acĩ ŋa iyi à gbãai aa gũ ŋa. Amma inɛ ŋa iyi aa maa lele ŋɛ ŋau mɔ aa gbãa a re ŋɛ.

Ezai 31:1

Inɔ kufɔi á jɛ ti inɛ ŋa iyi aa bɔ Ezibiti ku ba a ba sobi. Acĩ ŋai à waa kaaba, nɔ naanɛ nŋa í wa si sarɛti ku ja igũ ŋa si na iyi í jɔ̀ à kpɔ, do si masa ŋa, domi à nɛ gbugbã ntɔ ntɔ. Amma a kù sinda ikpa bi Aɔ̃ Lafɛ̃ɛ Inɛ Kumái Izirɛliu, nɔ a kù bee lasabuɛ.

Ezekiɛli 39:9

Inɛi Izirɛli ŋa aa fitai hai ilu nŋa. Aa ko jĩnɛi igũ ikã ikãi mbɛɛ nŋa ŋaui a dasi ŋa ina a jo ŋa zakai adɔ̃ mɛɛje. Hai tɛli keeke do nla ŋa, hai bioo do afa ŋa, hai golo ŋa do kaka ŋa.

Ozee 14:3

Na nŋu, i sinda i nyi wa bi Aɔ̃ Lafɛ̃ɛ nɔ i sɔ̃ɔ ŋa i ni, ce nwa suurui kurara nwa ŋau fei, nɔ i gba wa do jiida ku jɛ. Idei gɛlɛ nwa ŋai aa jɛ kuwee iyi aa ka maa ceɛ.

Nahumu 2:13

Muusu nla akɔ í ya kpaa muusu iye do amaɛ ŋa iŋa ŋa wa. Í ya kɔ̃ koloɛ ŋaui do iŋai mɛɛmu ŋa iyi í kpa nɔ í gagagaau.

Wooda ku kɔsi 7:16

Inɛ ŋa iyi Aɔ̃ Lafɛ̃ɛ í da nŋɛ si awɔ fei, aa kpa ŋa ŋai, i maà ce araare nŋa, nɔ i maà tɔɔ iwɛ̃ nŋa ŋau, domi nŋu bɛi á na ku jɛ nŋɛ bɛi cɛkũm.

Zozue 10:8

Nɔ Aɔ̃ Lafɛ̃ɛ í sɔ̃ɔ í ni, maà ce njo nŋa, domi an daaɛ aŋa fei si awɔɛ, nɔ kãma nŋa kaa yɔkɔ ku leekĩ si wajuɛ.

Zozue 11:7

Ŋɔi Zozue do soogeɛ ŋa fei à koo à boe inɛ ŋau kɔkɔi idoi Meromuu nɔ à sɛi à lɔ si ŋa do saasa.

Zozue 11:9

Nɔ Zozue í ce nŋa bɛi Aɔ̃ Lafɛ̃ɛ í sɔ̃ɔu, í bu kɔbisii acĩ nŋa ŋau nɔ í jo sarɛtii igũ nŋa ŋa.

Zozue 3:5

Ŋɔi Zozue í sɔ̃ inɛ ŋau í ni, i jɔ̀ i ce buki iyi á jɔ̀ i maaju ŋa, domi ala Aɔ̃ Lafɛ̃ɛ á ce maamaake ŋa si anini nŋɛ.

Woo kiiti ŋa 7:9

Ŋɔi idũ, Aɔ̃ Lafɛ̃ɛ í sɔ̃ Zedeɔ̃ í ni, dede i koo si asɔi inɛ ŋau, domi ǹ dasi ŋa si awɔɛ.

Samuɛli 1, 11:9

Nɔ à sɔ̃ woo bɛi inɛi Yabɛsi ŋau à ni a koo a sɔ̃ kpaasi nŋa ŋa a ni, ala hee dasã ku maa kpã, aa ba faaba ŋa. Ŋɔi woo bɛ ŋau à koo à sɔ̃ ŋa ideu, nɔ inɔ nŋa í dɔ̃.