Zozue 11:3 - Bibeli do fee

³ Nɔ à ce anu tɔɔsi do inɛi Kanaã ŋa iyi à wa nunui daakɔ do nunui alɛi idoi Zuudɛ̃ɛu do inɛi Amɔre ŋa do inɛi Hɛti ŋa do inɛi Ferɛzi ŋa do inɛi Zebusi ŋa iyi à wa si iri kuta ŋau do inɛi Hɛvi ŋa iyi à wa ikpa geete iyi à ya kpe Hɛɛmɔɔ si ilɛi Misipa.

Zozue 11:3 Iomraidhean Croise

Kusintii Andunya 31:49

Nɔ à kpe inyau Misipa má, domi Labãa í ni, Aɔ̃ Lafɛ̃ɛ ku maa cɔ awaɛ fei si waati iyi a kaa ka na ka wa inya akã.

Samuɛli 2, 24:16

Waati iyi amaleka iyi í naaò ijuukpãu í to awɔ si Zeruzalɛmu ku ce nfeɛ, ŋɔi Aɔ̃ Lafɛ̃ɛ í kpaasi idɔ í leekĩ ijuukpã nla nlau. Nɔ í sɔ̃ amalekau í ni, í to bɛɛbɛ, fa awɔɛ. Waati bɛɛbɛ, amalekau í wai kɔkɔi bi ku kpokpo bileei Aravuna inɛi Zebusi.

Samuɛli 2, 24:7

Hai bɛ ŋɔi à sinda à bɔ Tii, ilu ku nɛ gbugbã do si ilu ŋa iyi à tako à jɛ ti inɛi Hɛvi ŋa do ti inɛi Kanaã ŋa. Nɔ à na à kpa iriɛ Bɛɛseba, ilu iyi í wa do ikpa awɔ cangai kpãai inunui ilɛu.

Ilaalu 1, 15:22

Ŋɔi Aza í tɔtɔɔ inɛi Zudaa ŋau fei, kù jɔ̀ inɛ baa akã. Inɛ ŋau à koo à so kuta ŋa do jĩi ŋa iyi Baesa wa maò bindii Ramau à koo à waa maò bindii Geba do Misipa si ilɛi Bɛnzamɛɛ.

Ilaalu 1, 9:20

Andi zamaai inɛi Amɔre ŋa iyi à gbe do inɛi Hɛti ŋa do inɛi Ferɛzi ŋa do inɛi Hɛvi ŋa do inɛi Zebusi ŋa aŋa iyi a kù jɛ inɛi Izirɛli ŋau fei,

Iri ku kɔ̃ 133:3

Í yɛi bɛi ikpãi iri kutai Hɛɛmɔɔ iyi wa dikã wa si iri kutai Siɔ̃ɔ, domi hai bɛi Aɔ̃ Lafɛ̃ɛ í ya weea inɛɛ ŋa ku mu nŋa kuwɛɛ hai nɛ kɔɔ.

Iri ku kɔ̃ 89:12

Awɔi ì nɛ lele, awɔi ì nɛ ilɛ mɔ. Awɔi ì taka andunya do mii iyi í wa si fei.

Iri ku kɔ̃ iyi í dɔ̃ í re 4:8

Awɔ iyi à ceem kuwãɛ, naa wa ka nɛ hai iri kutai Libãa. Jɔ̀ awaɛ ka nɛ hai iri kutai Libãa. Ka kita hai antaii iri kutai Amana, do iri kutai Senii do ti Hɛɛmɔɔ. Ka sa hai bi kuwai muusu nla ŋau, do hai iri kuta bi kuwai muãa ŋa.

Zeremi 40:10

Amu ǹ wa Misipa ihɛ̃i do iri nŋɛ bi inɛi Kaladee ŋa iyi aa naa bi tu wa. Amma iŋɛ, i ya ka isoi rezɛ̃ɛ nŋɛ ŋa. Iso ŋau do ikpo ŋau fei i ya jilɛ kosĩaɛ nɔ i sinda i nyi i buba si ilu bii ì wa ŋau ŋa.

Zeremi 40:6

Ŋɔi Zeremi í nɛ ikpa Misipa bi Gedalia amai Ahikamu í koo í buba bi titɛɛ bɛ si inɔi inɛi ilu ŋa iyi à gbe si ilɛu.

Zeremi 41:14

Ŋɔi inɛ ŋa iyi Isimaɛli í mu aru wa hai Misipa ŋau fei à sinda à nyi bi Yohanaa.

Zeremi 41:3

Si anyiɛ, Isimaɛli í kpa inɛi Zudaa ŋa iyi à wa Misipa bi Gedaliau fei. Nɔ í kpa inɛmɔkɔ woo ja igũi Kaladee ŋa iyi à wa bɛ fei.

Kuka 13:29

Inɛi Amalɛki ŋai à wa si ilɛu do ikpa awɔ njɛi kpãai inunu. Inɛi Hɛti ŋa mɔ, do inɛi Zebusi ŋa do inɛi Amɔre ŋa aŋai à wa ilui iri kuta ŋau. Inɛi Kanaã ŋa mɔi à wa kɔkɔi tenkuu do itĩi idoi Zuudɛ̃ɛu.

Wooda ku kɔsi 4:48

Si bɛɛbɛ, inɛi Izirɛli ŋaui à buba si ilɛ iyi í wa hai Aroɛɛ si lɔɔmai Aanɔɔ hee ku bɔ iri kutai Hɛɛmɔɔ iyi à ya nyi à kpe Siriɔ̃ɔ má,

Wooda ku kɔsi 7:1

Moizi í nyi í ba zamaau ide ku fɔ má í ni, Aɔ̃ Lafɛ̃ɛ nŋɛi á gbã ŋɛ ku bɔò ŋɛ si ilɛ bii aa koo i buba si ŋau. Waati iyi ì maai bɛ ŋa, nŋui á lele nŋɛ zamaa nkpɔ nkpɔ gɔ ŋa. Zamaau, dimi ikã ikã mɛɛje gɔ ŋai iyi à re ŋɛò gbugbã, nɔ akpɔ nŋa í re ŋɛ. Inɛ ŋau inɛi Hɛti ŋai do inɛi Girigasi ŋa do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa.

Zozue 11:17

Í gba ilɛu feii hai bi iri kuta bii nkãma ci ya fita iyi í sinti hai Seiiu hee ku bɔ Baali-Gadi iyi í wa si lɔɔmai Libãa ikpa bi isɛi iri kutai Hɛɛmɔɔu. Í mu ilaalu nŋa ŋau fei í kpa ŋa.

Zozue 11:8

Nɔ Aɔ̃ Lafɛ̃ɛ í daa inɛi Izirɛli ŋa inɛ ŋau si awɔ, à kãmia ŋa nɔ à lele ŋa hee Sidɔ̃ɔ ilu nlau, nɔ à bɔ hee Misirefɔti-Maimu, nɔ à lele ŋa má à bɔ ikpa nunui daakɔ hee ku bɔ ikpa lɔɔmai Misipa, nɔ à kpa ŋa a kù jɔ̀ baa inɛ akã kù fita si.

Zozue 13:11

Ilɛi Galaadi mɔ í wa si do ilɛi inɛi Gɛsuu ŋa do ti inɛi Maaka ŋa do iri kutai Hɛɛmɔɔ do ilɛi Basãa fei hee ku bɔ Salika.

Zozue 13:5

Nɔ í nyi í gbe ilɛi inɛi Gebali ŋa mɔ má do ilɛi Libãa fei ikpa nunui daakɔ, hai Baali-Gadi iyi í wa isɛi kutai Hɛɛmɔɔu hee ku bɔ Lebo-Amatiu.

Zozue 15:38

do Dilãa do Misipe do Yɔkuteɛli

Zozue 15:63

Tɔkui Zudaa ŋau a kù yɔkɔ a kù lele inɛi Zebusi ŋa iyi à wa ilui Zeruzalɛmu, nɔ inɛ ŋau à wa si iluu do inɛi Zudaa ŋa hee do nnyi fei.

Zozue 18:26

do Misipe do Kefira do Moza

Zozue 3:10

Kpakoi akabuui Ilaaɔ̃ Lafɛ̃ɛi ilɛu fei wee á cua nŋɛ ku kua idoi Zuudɛ̃ɛu. Nŋu bɛi á jɔ̀ i mà kãm kãm ŋa iyi Ilaaɔ̃, nŋu iyi í jɛ icui kuwɛɛ, í wa anini nŋɛ, nɔ á lele inɛi Kanaã ŋa hai si waju nŋɛ, do inɛi Hɛti ŋa do inɛi Hɛvi ŋa do inɛi Ferɛzi ŋa do inɛi Girigasi ŋa do inɛi Amɔre ŋa do inɛi Zebusi ŋa.

Woo kiiti ŋa 20:1

Inɛi Izirɛli ŋau fei à dede hai ilui Dãa hee ku bɔ Bɛɛseba do ilɛi Galaadi, nɔ à tɔtɔɔ ilui Misipa à ce anu akã si wajui Aɔ̃ Lafɛ̃ɛ.

Woo kiiti ŋa 21:5

Si anyii nŋu, ŋɔi inɛi Izirɛli ŋau à bee njɛ à waa ni, yooi kù naa si kutɔtɔɔ nwau iyi à ce Misipa si dimi nwa. À waa bee bɛɛbɛi si na iyi í jɔ̀ à ce kuwã wo à ni inɛ ŋa iyi a kù naa si kutɔtɔɔ iyi à ce Misipa si wajui Aɔ̃ Lafɛ̃ɛ aa kpa ŋai.

Woo kiiti ŋa 21:8

Ŋɔi à nyi à waa bee má a ba a mà bii í jɛ dimi gɔ í gbe si dimi nŋa ŋa iyi kù naa si kutɔtɔɔ iyi à ce Misipa si wajui Aɔ̃ Lafɛ̃ɛu. Waati iyi à ka inɛ ŋa iyi à tɔtɔɔ bɛu, ŋɔi à ba wee inɛ kãma kù naa hai Yabɛsi si ilɛi Galaadi.

Woo kiiti ŋa 3:3

Inɛ ŋa iyi à gbe si ilɛu, ilaalu miiui inɛi Filisi ŋaui do inɛi Kanaã ŋau fei do inɛi Sidɔ̃ɔ ŋa do inɛi Hɛvi ŋa iyi à wa bi iri kutai Libãau, hai bi iri kutai Baali-Hɛɛmɔɔu hee ku bɔ Lebo-Amati.

Woo kiiti ŋa 3:5

Nɔ inɛi Izirɛli ŋau à wa si inɔi inɛi Kanaã ŋa do inɛi Hɛti ŋa do inɛi Amɔre ŋa do inɛi Ferɛzi ŋa do inɛi Hɛvi ŋa do inɛi Zebusi ŋa.

Samuɛli 1, 10:17

Si anyii nŋu Samuɛli í tɔtɔɔ inɛi Izirɛli ŋa tengi bii à ya ce kuwee ilui Misipa.