Zozue 11:23 - Bibeli do fee

²³ Bɛɛbɛi Zozue í gba ilɛu fei, si bɛi Aɔ̃ Lafɛ̃ɛ í na Moizi woodaɛ, nɔ í kpɛ̃a inɛi Izirɛli ŋa si dimi ikã ikã ŋau fei. Ŋɔi inɛ ŋau à bɛi à sĩmiò igũ ŋau.

Zozue 11:23 Iomraidhean Croise

Neemi 9:24

Ntɔ ntɔ à lɔ si ilɛu nɔ ì so inɛi Kanaã ŋa ì da nŋa si awɔ ì jɔ̀ à kãmia ŋa à gba ilɛ nŋau. Nɔ ì jɔ̀ à cea inɛi ilɛ ŋau do ilaalu nŋa ŋa bɛi à bi.

Iri ku kɔ̃ 46:9

I naa i cɔ icɛ iyi Aɔ̃ Lafɛ̃ɛ í ce ŋa. Tɔtɔ ku fɔ iyi í ce si ilɛ.

Kufita 34:11

Ce laakai si ide iyi ǹ wa n sɔ̃ɛ nnyi. Cɔ, an lele inɛi Amɔre ŋa hai si waju nŋɛ, do inɛi Kanaã ŋa do inɛi Hɛti ŋa do inɛi Ferɛzi ŋa do inɛi Hɛvi ŋa do inɛi Zebusi ŋa.

Ezekiɛli 45:8

Bɛi á jɛ inyai amanlu ŋau, nɔ a kaa maa taa inɛm ŋa gbugbã má. Amma aa jɔ̀ mbɔi ilɛui na inɛi Izirɛli ŋa do dimi nŋa ŋa.

Wooda ku kɔsi 1:38

Zozue amai Nunu woo ce icɛɛu njɛi á lɔ si. Teese i muaa gbugbã, domi nŋui á lɔò inɛi Izirɛli ŋau si ilɛu ku jɔ̀ ku jɛ tu ŋa.

Wooda ku kɔsi 25:19

Bɛbɛi Aɔ̃ Lafɛ̃ɛ nŋɛ á nya ŋɛ hai si awɔi mbɛɛ ŋa iyi à kaako ŋɛ ŋau si ilɛ iyi á mu nŋɛ i buba si ŋa ku jɛ tu ŋɛu. Nɔ aa kpa inɛi Amalɛki ŋau ŋai do yaase bɛi inɛ kãma kaa yeò gigi nŋa má si ilɛ ihɛ̃. I maà gbɛjɛ ide iyi bɛ ŋa.

Zozue 11:18

Igũ iyi Zozue do ilaalu ŋau à ce í sɔ ntɔ ntɔ.

Zozue 12:7

Ilaalu ŋa iyi Zozue do inɛi Izirɛli ŋau à jɛ igũ do ikpa icei idoi Zuudɛ̃ɛ ikpa nunui alɛu, ilɛ nŋa ŋa í sintii hai Baali-Gadi si lɔɔmai Libãa hee ku bɔ iri kuta bii nkãma ci ya fita iyi í wa kɔkɔi Seii. Ŋɔi Zozue í kpɛ̃a inɛi Izirɛli ŋa ilɛu nɔ dimi fei í ba titɛɛ.

Zozue 18:10

Nɔ Zozue í ta nŋa kpasau Siloo bɛ si wajui Aɔ̃ Lafɛ̃ɛ, nɔ í cea inɛi Izirɛli ŋau ikpɛ̃i ilɛu, í na dimi fei iyi í jɛ tɛɛ.

Zozue 22:4

Bɛbɛi iyi Aɔ̃ Lafɛ̃ɛ nŋɛ í jɔ̀ inɛ nŋɛ ŋa à buba si ilɛ nŋa bɛi í wã ŋa dou, aa yɔkɔ i nyi si ilei acɔ nŋɛ ŋa i koo i buba si ilɛ iyi Moizi woo ce icɛi Aɔ̃ Lafɛ̃ɛu í na ŋɛ si ikpɛ̃u do ikpa nunui daakɔi idoi Zuudɛ̃ɛu.

Zozue 23:1

Aɔ̃ Lafɛ̃ɛ í nya inɛi Izirɛli ŋa hai si awɔi mbɛɛ ŋa iyi à kaako ŋau nɔ í jɔ̀ à wɛɛò laakai ku sũ waati sisɔ. Waati bɛɛbɛ, Zozue í gbo ntɔ ntɔ.