Zozue 11:21 - Bibeli do fee

²¹ Si waati bɛɛbɛi Zozue í nyi í dasi kpãa má, nɔ í koo í kpa inɛi Anaku ŋa iyi à wa bi iri kutai Eborɔ̃ɔu do Debii do Anabu do ilu ŋa iyi à wa ikpa iri kuta ŋa si ilɛi Zudaa do si ilɛi Izirɛli fei. Zozue í kpa aŋa fei nɔ í lɛgɛ ilu nŋa ŋau fei.

Zozue 11:21 Iomraidhean Croise

Zeremi 3:23

Ntɔ ntɔ iwɛ̃ ŋa iyi inɛ ŋa à ya maa tɔɔ si geete ŋau do iba iyi wa naa hai si antaii iri kuta iboi. Amma si Aɔ̃ Lafɛ̃ɛ nwai faabai Izirɛli í wa.

Zeremi 9:23

Amma inɛ iyi wa tɔɔ fufu, ku tɔɔ fufu na laakai jiida ku nɛɛ do si na iyi í jɔ̀ í màm dee dee, do si na iyi í jɔ̀ í mà iyi amui ǹ jɛ Aɔ̃ Lafɛ̃ɛ. Ǹ ya n ce jiida do iyi í tɛ do iyi í jɛ dee dee si ilɛ, domi si bɛi inɔ didɔ̃m í ya wa. Amu Aɔ̃ Lafɛ̃ɛi ǹ fɔ bɛɛbɛ.

Amɔsu 2:9

Si waju nŋɛi ǹ ce nfei inɛi Amɔre ŋa iyi kugboka nŋa í yɛ bɛi jĩi ndii sɛɛdi nɔ gbugbã nŋa í yɛ bɛi jĩi ndii sɛni. Ǹ ce nfei iso nŋa lele do icã nŋa mɔ si ilɛ.

Kuka 13:33

Nɔ à yɛ mɔkɔ ngbɛ gɔ ŋa bɛ, tɔkui Anaku ŋai, dimii inɛ kaasãanɛ ŋau. Yaase bɛi awa à waa yɛ ara nwa si waju nŋa bɛi kɛtɛngbo ŋa, bɛɛbɛi aŋa mɔ à waa yɛ wa.

Wooda ku kɔsi 1:28

Na mii aa ka koo bɛ, kpaasi nwa ŋau à jɔ̀ à kua gbugbã tã, domi à sɔ̃ wa à ni, inɛ ŋau à la à re wa, nɔ à re wa do kugboka má. Ilu nla nla ku nɛ gbugbã ŋai nɔ à nɛ bindi ŋa iyi kugboka nŋa í bɔ hee lelei Aɔ̃, nɔ à yɛ hee do dimii Anaku ŋa bɛ fei.

Wooda ku kɔsi 2:21

Inɛ ŋau ilu gbugbã ŋai, à kpɔ, nɔ à ce kaasãanɛ bɛi dimii Anaku ŋa. Aɔ̃ Lafɛ̃ɛ í jɔ̀ inɛi Amɔɔ ŋau à ce nfe nŋa, nɔ à buba si agbɛ nŋau.

Wooda ku kɔsi 9:2

Zamaai iluu í la, nɔ kaasãanɛ ŋai. Dimii Anaku ŋa iyi ì màu do iyi ì gbɔ à ni inɛ gɔ kaa yɔkɔ ku leekĩ si waju nŋau,

Zozue 10:42

Si igũ ku bɔ tuuba akãi Zozue í jɛ ilaalu ŋau bɛ fei igũ nɔ í gba ilɛ nŋa ŋau, domi Aɔ̃ Lafɛ̃ɛi Izirɛli wa sobi inɛi Izirɛli ŋa si igũu.

Kuyɛi Zãa 6:2

Iyi ǹ cɔ ilu, ŋɔi ǹ yɛ acĩ fũfũ gɔ wa naa. Inɛ iyi wa gũu wa mu bioo, nɔ à daa si fulai amanlu. Í dasi kpãa bɛi woo jɛ igũ iyi wa bɔ ku jɛ igũ wa má.

Woo kiiti ŋa 1:20

Nɔ à na Kalɛbu ilui Eborɔ̃ɔ si bɛi Moizi í tako í fɔu, nɔ Kalɛbu í lele tɔku mɛɛtai Anaku ŋa iyi à wa bɛu.