Zozue 11:20 - Bibeli do fee

²⁰ Aɔ̃ Lafɛ̃ɛ takaɛi í lele idɔi inɛ ŋau í jɔ̀ à waa ba inɛi Izirɛli ŋa igũ ku ja ku ba inɛi Izirɛli ŋau a kpa ŋa fei sãa sãa a maà ce araare nŋa si bɛi Aɔ̃ Lafɛ̃ɛ í tako í sɔ̃ Moizi wo.

Zozue 11:20 Iomraidhean Croise

Samuɛli 2, 17:14

Ŋɔi Abusalɔmu do inɛi Izirɛli ŋau fei à ni, ikɔi Usai inɛi Aakiu í tia ti Ahitofɛli. Wee Aɔ̃ Lafɛ̃ɛ í jilɛ si nŋu ku kpa ikɔ jiidai Ahitofɛliu ku ba ku naaò laalɔ wa si Abusalɔmu.

Ilaalu 1, 12:15

Do yaase bɛɛbɛi ilaaluu í kɔ̀si idei zamaau, domi Aɔ̃ Lafɛ̃ɛi í jilɔɔ bɛɛbɛ ku ba ide iyi í sɔ̃ Ahiya inɛi Siloo koo sɔ̃ Zeroboamu amai Nebatiu ku ce.

Bomma 2, 22:7

Ilaaɔ̃ í jɔ̀ Ahazia í bɔ bi Yoramui si na iyi í jɔ̀ wa bi ku ce nfeɛ. Iyi í to bi tɛɛ gbakã, ŋɔi aŋaò à bɔ igũ bi Yehu tɔkui Nimusi. Wee Yehui Aɔ̃ Lafɛ̃ɛ í cica ku ceò nfei kpasɛ̃i Akabu fei mam mam.

Bomma 2, 25:16

Ŋɔi Amasia í da ideu si gɛlɛɛ nɔ í beeɛ í ni, awɔi à so ì jɛ woo kɔ ilaalu? Tɛkɛɛ hai bɛ. Mà ì nɔ ì bi a cãɛi? Waliiu ku bɛi ku coko, í sɔ̃ɔ í ni, ǹ mà iyi Ilaaɔ̃ í dasi idɔ ku ce nfeɛi si na iyi í jɔ̀ ì ce bɛɛbɛ nɔ i kù gbɔ ikɔm.

Kufita 10:1

Si anyii nŋu, Aɔ̃ Lafɛ̃ɛ í sɔ̃ Moizi má í ni, koo bi Faraɔ̃, domi amui ǹ jɔ̀ idɔi nŋu do akaweɛ ŋau í le, ku ba n jɔ̀ a yɛ nyindam ŋa si anini nŋa.

Kufita 11:10

Wee Moizi do Arɔ̃ɔ à ce maamaake ikã ikã nkpɔ nkpɔ tã si wajui Faraɔ̃, amma Aɔ̃ Lafɛ̃ɛ í jɔ̀ í lele idɔɛ nɔ í kɔ̀ ku jɔ̀ inɛi Izirɛli ŋau a nɛ hai si ilɛɛ.

Kufita 14:17

Nɔ an jɔ̀ idɔi inɛi Ezibiti ŋau ku le ku ba aŋa mɔ a lɔ a too fiti nŋɛ wa. Nɔ an nyisi amboem si Faraɔ̃ do woo ce igũɛ ŋa do sarɛtii igũɛ ŋa do masaɛ ŋau fei.

Kufita 14:4

Amu Aɔ̃ Lafɛ̃ɛ an jɔ̀ idɔi Faraɔ̃ ku le nɔ ku maa da hãmɛ nŋɛ wa. Waati bɛɛbɛ an nyisi amboem si Faraɔ̃ do woo ce igũɛ ŋa fei, nɔ inɛi Ezibiti ŋau aa mà iyi amui ǹ jɛ Aɔ̃ Lafɛ̃ɛ. Bɛɛbɛ mɔi inɛi Izirɛli ŋau à ce.

Kufita 14:8

Aɔ̃ Lafɛ̃ɛ í jɔ̀ idɔi Faraɔ̃ ilaalui Ezibitiu í le nɔ wa da hãmɛi inɛi Izirɛli ŋau waati iyi à fita hai si ilɛu à waa nɛ do wɔɔkɔ.

Kufita 4:21

Nɔ Aɔ̃ Lafɛ̃ɛ í sɔ̃ Moizi má í ni, to, nsɛi si bɛi ì dasi kpãa ì waa nɛ, ye gigii nyinda ŋa iyi ǹ daɛ si awɔu fei nɔ i coo si wajui Faraɔ̃. Amma amui an jɔ̀ idɔɛ ku le, nɔ kaa jɔ̀ inɛ ŋau a nɛ.

Kufita 9:12

Aɔ̃ Lafɛ̃ɛ í jɔ̀ idɔi Faraɔ̃ í kɔ̀ wa lele, nɔ kù gbɔ idei Moizi do Arɔ̃ɔ si bɛi í tako í sɔ̃ Moizi wo.

Kufita 9:16

Amma ǹ jɔ̀ í wɛɛi ku ba ku yɛ gbugbãm nɔ inɛ ŋa a kpe irim si andunya fei.

Ezai 14:24

Aɔ̃ Lafɛ̃ɛi lele do ilɛ í ce kuwã do kugbasi í ni, iyi ǹ dasi idɔu, á cei nɔ iyi ǹ jilɛu, á na ku cei.

Ezai 34:2

Ntɔ ntɔ, idɔɔkɔ̃i Aɔ̃ Lafɛ̃ɛ á naai si ilɛ ŋau fei do si sooge ŋau fei. Á dasi ŋa si kpãai nfe ku cei, nɔ ku jɔ̀ a kpa ŋa.

Romu 9:18

Bɛɛbɛi Ilaaɔ̃ í ya ce araarei inɛ iyi í bi, nɔ ku le idɔi inɛ mɔ iyi í bi.

Wooda ku kɔsi 2:30

Amma Sioni ilaalui Hɛsebɔ̃ɔu kù bi ka too ilɛi nŋu ka kua, domi Aɔ̃ Lafɛ̃ɛ kù jɔ̀ idɔɛ ku rɔ, í gbe í jɔ̀ í lele idɔ ku ba ku soo ku da nwa si awɔ bɛi à waa yɔɔ nnyiu ihɛ̃.

Wooda ku kɔsi 7:16

Inɛ ŋa iyi Aɔ̃ Lafɛ̃ɛ í da nŋɛ si awɔ fei, aa kpa ŋa ŋai, i maà ce araare nŋa, nɔ i maà tɔɔ iwɛ̃ nŋa ŋau, domi nŋu bɛi á na ku jɛ nŋɛ bɛi cɛkũm.

Woo kiiti ŋa 14:4

Baaɛ do iyeɛ wee a kù mà mà Aɔ̃ Lafɛ̃ɛi í daa si idɔ bɛɛbɛ, domi wa dɛ kpãai bɛi á ce ku kpãò inɛi Filisi ŋau iju. Waati bɛɛbɛ, si awɔi inɛi Filisi ŋaui inɛi Izirɛli ŋau à wa.

Samuɛli 1, 2:25

Bii inɛ gɔ í ce dulum bi kpaasiɛ Ilaaɔ̃i á teeseɛ, amma bii inɛ gɔ í ce dulum bi Aɔ̃ Lafɛ̃ɛ yooi á teesea. Amma a kù gbɔ idei baa nŋa domi Aɔ̃ Lafɛ̃ɛ í dasi idɔ nŋu ku kpa ŋa.